انا فتاة أبلغ من العمر ٢٤ عاماً
كنت دائماً في كل المراحل اضع حدود بيني وبين كل شخص ليس من محارمي
منذ المراهقه حتى الآن رغم احتياجي الشديد للحب وللاهتمام والعاطفة الا انني محافظة علي كامل مشاعري ولم افرط بها لأي رجل، كانت زميلاتي يعيشون قصص عاطفية ويتقابلون في النوادي والمقاهي وانا كنت اسخر منهم بيني وبين نفسي واكره ما يفعلونه واي شخص يحاول التقرب مني اصده وابتعد بعد تام عنه لكن داخلي رغبة في ان اعيش قصة حب واخرج تلك المشاعر اللي احتفظت بها لسنوات لكن مازلت متمسكة بمبادئي واتصبر ان الله سيجازيني بشخص احبه في الحلال امام اعين الناس وليس ف الخفاء وان الله سيعوضني عوضا يليق به
لكني دائماً اشعر بالفراغ العاطفي الشديد واحتياجي الدائم للحب
كيف اتخلص من الفراغ العاطفي واتغلب علي تلك المشاعر؟
اول حاجة خلي قلبك معلق بالله عز وجل حافظي على صلواتك واذكارك أملي وقت فراغك واشغلي نفسك ضروري بأشياء مفيده مثل القراءه او ممارسه الرياضه الخفيفه لما يكون عندك أكثر من هوايه او اهتمام لن يكون عندك وقت للتفكير في الاهتمام وخليكى ذى مانتى كدا اوعى تغيرى من تفكيرك
تم النشر الاثنين، ١٣ مايو ٢٠٢٤
أهلا عزيزتي فى البداية أحب أن أحييكي على التمسك بمبادئك وقيمك وأخلاقك الجميلة طيلة هذه السنوات فى ظل ما نعيشه الآن من انفتاح وتقليد أعمى وتأثيره علينا بالسلب وضياع القيم والمبادئ بحجة انه يجب ان نشبه الجميع..فكونك محافظة على قيادة نفسك والتحكم فيها هذا الوقت فهذا يدل على قوة شخصيتك وجمالها فهى لا تخضع لاهوائها...أشعر بما تمرين به من احتياج عاطفي ورغبتك فى ان تعيشى قصة حب ولكن فى النور ..نعم فالحب شيئا جميل ينور الدرب ويروي الروح وتأكدى عزيزتي بأن الله سيعوضك عوضا يقشعر له بدنك ولا تنسي قوله "وبشر الصابرين" فتأكدي انكي سوف تعيشين هذه القصة وأفضل مما تتمنين ولكن الله تعالى يعلم وحده متى هذا الوقت كوني على يقين بأن الله سيرزقك فاليقين بالله سر السعادة ولحين يأتى هذا الوقت اشغلى نفسك بأشياء تفيدك مارسي رياضة او اتعلمى لغة جديدة او طورى نفسك للعمل وعندما يأتى الوقت المعلوم سترتاحين وأى شخص يحاول التقرب منك اخبريه ان الباب مفتوح لعلاقة جدية وليس شئ اخر واتمنى لكى كل التوفيق دمتى بخير 🌹
تم النشر الثلاثاء، ١٤ مايو ٢٠٢٤
انتى انسانة جميلة اوى وبجد ربنا هيعوضك بالحلال عن كل دة ممكن تشغلى وقتك بهوايات انتى بتحبيها اوى تكتشفى نفسك اكتر
تم النشر الثلاثاء، ١٤ مايو ٢٠٢٤
حافظي علي الصلوات في اوقاتها وتقرب لله عز وجل واشغال النفس بكل ما هو مفيد ، وعدم الاختلاط وضع حدود بين كل شخص ليس من المحارم
تم النشر الثلاثاء، ١٤ مايو ٢٠٢٤
انت وريتينا اتجاه مختلف من المشاكل لان اغلب المشاكل بقى واللي موجود اسئله منها كتير هنا على التطبيق لبنات ما قدروش انهم يقاوموا الاحتياج العاطفي ده دخلوا في علاقه ارتباط كتير وانت في الاتجاه النقيض ربنا يديمه عليك يا رب يا رب يا رب بتسالي ازاي اقدر اقدم محافظه على اللي انا بعمله ده الاحتياج ده واروح اعمل حاجه انا مش عايزه اعملها وهي مش صح ربنا يثبتك ان شاء الله دي اول حاجه تاني حاجه ازاي احنا بنتغلب على الفراغ العاطفي اولا لازم نبقى عارفينه متاكدين انه اي نوع من انواع المشاعر في جزء احنا نقدر نديل نفسنا ازاي بنقدر نشوف ايه الحاجات اللي لما بعملها الاحساس فابدا اكون انا المصدر له فمثلا انا دلوقتي محتاجه احسب بالاهتمام الجزء اللي انا اقدر اديه لنفسي ان انا اقدم الاهتمام لحد ايه ده يعني انا لما اقدم الاهتمام هبقى انا كده اخدت الاهتمام اللي انا محتاجاه اه ده جزء بيملى الاحلال اللي عندي كانها بالضبط كوبايه وانا بقدر املاها لحد نصها بيضمن نص كمان النص ده انا محتاج ان هو يتميز بس من شخص اخر فبعمل ايه ببدا اشوف الدايره اللي حواليا اللي انا اتعامل معهم واشوف هم يقدروا يقدموا لي ايه نملا الجزء الفارغ ده عشان يبقى بيتقدم لي جزء ثاني من المشاعر. طيب ندي امثله شويه مثلا انا بحب او نفسي انه حد يقدم لي مشاعر الاهتمام بان هو يجيب لي هديه بدون سبب او ان هو يجيب لي ورده طيب هي الحاجات دي بتطلب الحقيقه انها بتتطلب عكس ما هو منتشر فانا هشوف حد من المقربين ليا ان انا بحبهم وبتبسط لما بيقدموا لي حاجه اقول مثلا لصاحبتي ما تعمليش مفاجاه كده مره وتجيبي لي ورده. او تعالي يلا بينا وانت خشي اشتري لي ورده واديهاني اهو بسيط قوي انا ضحكت على نفسي انا ما ضحكتش على نفسي ولكن هتلاقي الشعور العاطفي اللي عندك حصل له نوع من الامتلاء وعلى الاقل هيتملي الجزء من الكوبايه يعتبر اقرب للتلات ارباع يعني 75% هيفضل فيه ربع اللي هو الجزء اللي انا مستنيه ان هو يتقدم لي من غير ما انا اطلبه والجزء ده اقدر اركز اكتر عشان استشعره من اللي حواليا استشعر فعلا لما حد اهتم بي من غير ما انا اطلب منه طيب لا انا الموضوع. مركزه قوي ولد يعني. بركز بقى مع علاقاتي اللي هي مع المحارم اللي هو بابايا اخواتي لو عندي اخوات ولاد خالي عمي دول المحارم بتوعي فدوله اللي اقدر برضو استشعر المشاعر دي منهم اشوف بابا اقول له ما تدلعني شويه يا بابا ما تقول لي ايه الحلاوه دي بتاع ايه رايك في اللي انا لابساه كده ببقى احلى ولا كده ببقى احلى تلاقي نفسك اخدتي جرعه كويسه كافيه تخليك تقدري تكملي واستمري في لحد ما شاء الله ربنا يكرمك بشخص صالح يكون زوج صالح لك ويسمع كل احتياجك باذن الله.
تم النشر الثلاثاء، ١٤ مايو ٢٠٢٤
ربنا يرزقك بابن الحلال قريبا و امورك العاطفية هتبقي افضل
تم النشر الثلاثاء، ١٤ مايو ٢٠٢٤
أنا شايفه ان دي فطره طبيعيه عندنا، بس انتِ جميله أوي إنك صونتي نفسك وقلبك، وشايله كل الحب للي يستاهله بس، اثبتي على مبدأك وربنا هيعوضك عن كل لحظه اختارتيه فيها الحلال على إنك تعصيه فيها، اتا حقيقي فرحانه بيكي اوي لإنك عمله نادره في الزمن دا، ونصيبك اكيد ربنا شايلهولك، ربنا يرزقك الزوج الصالح ❤️
تم النشر الثلاثاء، ١٤ مايو ٢٠٢٤
بلاش تغضبي ربنا اوعي هتندم ندم شديد كل وقت وليه أوانه اهتمي بنفسك الوقت
تم النشر الثلاثاء، ١٤ مايو ٢٠٢٤
الاحتياج للحب والونس احتياج طبيعي والفراغ العاطفي والألم الناتج عن عدم سد الاحتياج طبيعي وجميل جدا انك بتحافظي علي قلبك ومش بتعملي حاجه تغضب ربنا استمري ربنا يبارك فيكي ، لكن عشان الفتره دي تعدي الطف من كدا محتاجين نتفهم مشاعرنا ونعرف انها طبيعيه ، نعمل اعاده تنظيم ليومنا ونحط فيه انشطه جديده ، نتعلم مهارات اكتر ونبني شخصيتنا عشان لما نلاقي الشخص المناسب نكون احنا كمان الشخص المناسب ، نبني دائره من علاقات ومعارف أكثرسواء بحضور مناسبات اجتماعيه او تطوع بجمعيات خيريه هيكون مفيد علي المستوي الشخصي والاجتماعي نتطور شخصيتنا ويكون في فرصه نتشاف كمان ومتنسيش الدعاء كتير وربنا يرزقك الزوج الصالح اللي يكون سبب في سعادتك وونسك وتكوين سبب في سعادته وراحته عاجلا غير اجلا يارب العالمين
تم النشر الثلاثاء، ١٤ مايو ٢٠٢٤
الصبر جميل ربنا هيعوضك اصبري وادعي ربنا انو يعوضك بالزوج الصالح فكل صلاه بتصليها وربنا هيحبك اوي وانتي بتدعيه ومحتجاله وان شاء الله اول ماتنخطبي تعزميني هه 😂😂
تم النشر الثلاثاء، ١٤ مايو ٢٠٢٤
انك تعملى كدا فى الزمن اللى احنا فيه دا ديه حاجه تتدل انك محترمه و ربنا هديكى ما شاء الله قربى من ربنا اكتر و ادعيله انو يبعد عنك اي حاجه فى تفكيرك زى كدا
تم النشر الثلاثاء، ١٤ مايو ٢٠٢٤
لعرض السؤال في فدني اضغط هنا