أولا الحمد لله اننا داخلين على رمضان و كل سنة و انت طيب مفيش أحسن من كدا فرصة بص خليك صادق مع ربنا و ابعد عن كل الحاجات اللي ممكن تثيرك من سوشيال او مواقع و في طريقة ممكن تغير بيها ip address بتاع الواي فاي يمنعك من اي موقع من دول مش هيفتح معاك و ابعد عن كل القرف ده و نزل تطبيق واعي و كل ما تضعف اسمع فيديو او بودكاست صغير بخصوص الموضوع ده يفكرك بهدفك الاساسي انك عايز تبطل فعلا و انك خايف من عقاب ربنا و كرهت حياتك و قلة ثقتك بنفسك و الأعراض الكتير بتاعتها انت اكيد عارف هي أثرت عليك سلبي في حاجات قد ايه و افتكر انك عاهدت ربنا على ده و اعمل اي حاجة بقي غير انك تنعزل مع نفسك يعني رمضان في حاجات كتير تتعمل كويسة و الناس هتشجعك عليها و طبعا هتصلي التراويح و تصوم و تقرا قرآن و تدعي كل ده يساعدك إن شاء الله. و من ناحية علمية برضو ان في حاجة اسمها الناصية او prefrontal Cortex في مقدمة الرأس مسئولة عن اتخاذ القرارات و الإبداع و مع العادة دي او الإدمان بشكل عام بتضعف و بتضطرب فكانك مش عارف تسيطر عليها و من جانب اخر الدوبامين اللي بيجيلك من العادة او المحرمات عموما عالي و قوي و انت ناصيتك ضعيفة فبتلجئ للفعل ده طب الحل ايه اني احاول اشوف حاجات تانية مفيدة تديلي دوبامين كويس و اشتغل اني ازاي اطور و احسن من الجزء ده في الدماغ فبعد كدا تقدر تاخد قرارتك بشكل صح و تحس انك قادر تتحكم و تقول لا انا مش هعمل كدا و تقدر ساعتها تسيطر على قراراتك.
حاجة كمان لو كنت سمعت أن مركز التدريب في الجيش كان ٣ شهور في عدد كبير جدا قدر يبطل في المدة دي بعد إدمان سنين طب إزاي؟ لو شوفت اليوم ماشي ازاي مش هتلاقي حاجة مختلفة عن أي حاجة حد هيقولهالك هو يومه بياكل و يشرب و ينام بدري و يتدرب و معاه ناس تشجعه على الصلاة و معهوش موبايل بس كدا فلما تسأل اي حد ابطل ازاي هيقولك اعمل عادات مفيدة و اتمرن و صلى و قرب من ربنا ما هي فعلا دي الحلول بس الحاجة اللي فرقته عنك هو الموبايل هو معهوش موبايل فشهوته اطفت شوية لكن انت معاك هو قدر يكمل ل 90 لانه مانع خالص لكن انت ممكن بعد خمس أيام التزام تمسك الموبايل تشوف reel ولا TikTok شهوتك زادت حبة حبة مبقتش قادر و مش عارف ابطل او رحت مكان ما و مغضتش بصرك ده الفرق هو شال البنزين خالص لكن انت حاطط البنزين جنب النار فمتصعبهاش عليك اقفل المواقع او السوشيال دي نقطة مهمة جداااا لو معملتش جدا انت بتصعبها على نفسك امنع الحاجات دي و هتبطل 100٪ لان دي فعلا كانت من تجارب حقيقية
تم النشر السبت، ١ مارس ٢٠٢٥
مفيش حل قدامك غير انك هتفضل تجاهد نفسك و تحاول و بس لاخر يوم في عمرك دي قضية بالنسبالك بتجاهد نفسك انك تبطلها و اوعي الشيطان يخشلك من ناحية خلاص ما انت بتحاول بقالك سنين مش عارف اتعود بقي و بطل تحاول فتنسي انه ذنب و تألف الموضوع. لا مش كدا خالص انت مكمل و بتحاول و بتنتكس او بيبقى في زلات بس احسن من الاول و كل ما تغلط مثلا عاهد ربنا تعمل قدامها طاعة مع كل غلطة هتقوم تقرأ قرآن و تعمل قصادها خير مع الوقت إن شاء الله ربنا يتوب عليك منها بس متيأسش.
تم النشر السبت، ١ مارس ٢٠٢٥
شكرا لك على نصائحك الثمينة ☺❤ لكن الحمد لله أنا محافظ على كل اللي انت قلت عليه من صلاة و صيام و سنن عن النبي (ص) و مع ذالك مفيش فايدة 😑😢
تم النشر السبت، ١ مارس ٢٠٢٥
إجابة رائعة يا محمد! أشكرك على مشاركتك القيمة والنصائح الحكيمة. ما ذكرته عن أهمية الصدق مع الله والابتعاد عن ما يثير الشهوة هو خطوة أساسية نحو التغيير. رمضان هو فرصة مميزة لتنمية الروح والحفاظ على العزيمة. كما أن توجيه الانتباه إلى تطوير الذات والابتعاد عن العادات الضارة يعتبر من الوسائل الفعالة. بارك الله فيك وجزاك خيرًا على جهودك.
تم النشر السبت، ١ مارس ٢٠٢٥
لعرض الإجابة في فدني اضغط هنا