أنا شخص لا أستطيع التوقف عن العادة السرية او الإبتعاد عنها و عقدت النية إني لازم أبطلها و أبعد عنها مدى الحياة عشان اولا خايف من عقاب ربنا سبحانه و تعالى و عشان العادة دي دمرت حياتي انا عارف ان انتو هتتكسفو تتكلمو في الموضوع ده لكن بجد أنا محتاج اللي يساعدني و يديني الحل و الخطوات و الإرشادات المظبوطة عشان أتوقف عن الموضوع ده و أرجو الإفادة و الدعاء بالرحمة و المغفرة لي
أولا الحمد لله اننا داخلين على رمضان و كل سنة و انت طيب مفيش أحسن من كدا فرصة بص خليك صادق مع ربنا و ابعد عن كل الحاجات اللي ممكن تثيرك من سوشيال او مواقع و في طريقة ممكن تغير بيها ip address بتاع الواي فاي يمنعك من اي موقع من دول مش هيفتح معاك و ابعد عن كل القرف ده و نزل تطبيق واعي و كل ما تضعف اسمع فيديو او بودكاست صغير بخصوص الموضوع ده يفكرك بهدفك الاساسي انك عايز تبطل فعلا و انك خايف من عقاب ربنا و كرهت حياتك و قلة ثقتك بنفسك و الأعراض الكتير بتاعتها انت اكيد عارف هي أثرت عليك سلبي في حاجات قد ايه و افتكر انك عاهدت ربنا على ده و اعمل اي حاجة بقي غير انك تنعزل مع نفسك يعني رمضان في حاجات كتير تتعمل كويسة و الناس هتشجعك عليها و طبعا هتصلي التراويح و تصوم و تقرا قرآن و تدعي كل ده يساعدك إن شاء الله. و من ناحية علمية برضو ان في حاجة اسمها الناصية او prefrontal Cortex في مقدمة الرأس مسئولة عن اتخاذ القرارات و الإبداع و مع العادة دي او الإدمان بشكل عام بتضعف و بتضطرب فكانك مش عارف تسيطر عليها و من جانب اخر الدوبامين اللي بيجيلك من العادة او المحرمات عموما عالي و قوي و انت ناصيتك ضعيفة فبتلجئ للفعل ده طب الحل ايه اني احاول اشوف حاجات تانية مفيدة تديلي دوبامين كويس و اشتغل اني ازاي اطور و احسن من الجزء ده في الدماغ فبعد كدا تقدر تاخد قرارتك بشكل صح و تحس انك قادر تتحكم و تقول لا انا مش هعمل كدا و تقدر ساعتها تسيطر على قراراتك.
تم النشر الجمعة، ٢٨ فبراير ٢٠٢٥
بص يا حبيبي اولا كل عام وانت بخير ، من رحمة ربنا بينا ان ارسل لينا رمضان الشهر الكريم ودي فرصة للتعافي والرجوع الي ربنا انت دلواتي المفروض بداية التوبة ثم شوية حاجات تثبت معااك في رمضان وبعد كدا .اولا صلاتك في وقتها وبخاصة في المسجد وكمان الفجر ثم الفجر وقراءة قرآن بعد الفجر والأذكار معااك وحاول بقاا تشغل نفسك بهوايات قراءة او رسم اعمل رياضة في البيت لو مش متاح جيم وخلي كل حاجه ليها وقت معين معااك بحيث عقلك يتعود عليها مرة بمرة ويمسح اثر السلبيات اللي كانت موجودة دي.
تم النشر الجمعة، ٢٨ فبراير ٢٠٢٥
حاول انك متقعدتش لوحدك خصوصا بالتلفون لان ده بيجيب العاده السريه وقرب من ربنا اكثر بالقرآن والصلاه واذا حسيت انك عايز عاده سريه فالافضل انك تقوم تصلي او تلهي نفسك وتقعد مع اهلك مثلا وان شاء الله مع الوقت تبعد عنها بإذن الله
تم النشر الأربعاء، ٥ مارس ٢٠٢٥
ربنا معاك ويهديك ويعينك على المشكله حاول تقرب لربنا اكتر فى رمضان حاول تبعد عن اى حاجه بتشجعك على الفعل ده سواء مشاهد او اى حاجه بتديك مشاعر أو حاجه تخليك تعمل كده بالنسبه لموضوع ازاى تساعد نفسك تبطل الفعل ده هسأل سؤال هل ممكن تعمل الفعل ده قدام الناس ؟ اكيد لا طب ازاى بتعمل كده قدام ربنا اكيد حاجه زى دى المفروض تخليك مكسوف تعمل كده تانى حاول تفكر دايما نفسك أن ربنا شايفك لان ساعات الإنسان بيعمل ذنوب وبيكون عارف ان مفيش انسان شايفه وبينسي ان ربنا شايفه حاول تقعد وسط ناس وتبطل تقعد لوحدك ف الاوضه إلا وانت داخل تنام بس لان القعده لوحدك اكتر وقت الشيطان بيهيألك فيه انك تقدر تعمل اى حاجه فيها معصيه
تم النشر الاثنين، ٣ مارس ٢٠٢٥
ابحث عن أسئلة عن العادة في محرك البحث و هتلاقي كتير من الخُبرا مجاوبين عليها... انصحك بمتابعه محتوى قناة واعِي علىٰ يوتيوب هتفيدك يإذن الله...
تم النشر السبت، ١ مارس ٢٠٢٥
ده كان اول تعليق ليا كتبته لشخص هنا بردو اتمنى تستفيد منه: أولًا: انوي انك فعلا تتركها لان النية اهم حاجة ولما ربنا بيلاقي ان نيتك فعلا صادقة هيختبرك وانت لازم تكون قد الاختبار وممكن يكون صعب لان كل ما هتيجي تبطل هتلاقي حاجة بتمنعك وافتكر ان دا هيبقى اختبار من ربنا عشان يشوف مدى صدق نيتك لترك الفعل دا. ثانياً: متقعدش مع نفسك كتير حاول تشغل نفسك دايما باي حاجة انزل جيم او اخرج مع صحابك اقرأ قرآن حاول تشغل نفسك باي حاجة او اسمع حجات مفيدة ولكن إياك تقعد لوحدك ولو حسيت إنك عايز الفعل ده قوم من مكانك روح اي مكان حتى لو هتقف في البلكونة او الشباك بس قوم ومتخليش الشيطان يضحك عليك بسهولة كده خليك مسلم نيته قوية متتهزش. ثالثاً: حافظ على صلاتك لان بجد دي كفيلة تغيرلك كل حاجة وحشة في حياتك وبما انك محافظ عليها ربنا يثبتك ولكن حاول الخشوع لان جايز صلاتك فيها شئ خاطئ او مفيش خشوع عشان كده مش بتعمل حاجة ودايما غير السور الي بتقرأها ده هيخليك تركو فيها لانها سورة اول مرة تصلي بيها فابالك هيكون فالصلاة. رابعاً: حاول تعمل سوفت وير للفون بتاعك ولو مش هتعرف امسح اي موقع تواصل او ويب سايت كنت بتدخل عليه او بيعرض ليك حاجات تخليك ترجع للحاجة دي تاني لان اي ويب سايت لما يلاقيك مهتم بحاجة هيطلعلك كتير منها قدامك ودا هيصعب عليك انك تسيبها يبقى يا تحذف حساباتك من المواقع الي بتشوف عليها كده واي موقع وحش وتمسح اي حاجة من تليفونك يا اما اختصر على نفسك واعمل سوفت للفون خامساً: استعن بربنا واذكره كتير وغض البصر اهم شئ غض البصر ومتمسكش الفون كتير وحاول تحاوط نفسك بناس عارفة ربنا وبتقربك ليه وبإذن الله تقدر تبطل وخلي عندك يقين وامل ان ربنا مش هيسيبك تضيع.
تم النشر السبت، ١ مارس ٢٠٢٥
عزيزي مروان، أفهم تمامًا مشاعرك وقلقك حول هذا الموضوع، وأقدر شجاعتك في مشاركة هذه القضية. الإدمان على العادة السرية يمكن أن يكون تحديًا كبيرًا، لكن مع التصميم والإرادة القوية يمكنك التغلب عليه. إليك بعض الخطوات والإرشادات التي يمكن أن تساعدك: حدد دوافعك : اكتب الأسباب التي دفعتك للتأكيد على أنك تريد التخلص من هذه العادة. تذكر هذه الأسباب دائمًا لتكون لديك حافز قوي. افهم الأسباب : حاول تحليل الأوقات التي تمارس فيها العادة السرية. هل هي في أوقات معينة من اليوم، أو عندما تشعر بالملل أو التوتر؟ فكر في كيفية التعامل مع هذه المشاعر بطرق أخرى. استبدل العادة بأخرى : ابحث عن أنشطة جديدة أو مهارات تحب تعلمها وتمتع بها، مثل الرياضة أو القراءة أو الأعمال اليدوية. هذا سيساعد على صرف انتباهك. تجنب المحفزات : حاول تقليل التعرض للمحتوى أو الأشياء التي يمكن أن تحفزك على العودة لتلك العادة. قد تحتاج إلى الابتعاد عن بعض الأصدقاء أو البيئات التي تشجع على هذه العادة. تواصل : إذا كنت تشعر بأنك تواجه صعوبة في مواجهة هذه العادة وحدك، يمكنك طلب المساعدة من شخص تثق به. الحديث بصدق عن مشاعرك قد يكون مفيدًا. الإكثار من الذكر والدعاء : ابحث عن راحة في الصلاة والذكر. التواصل مع الله سبحانه وتعالى يمكن أن يمنحك القوة والإرادة للتغلب على التحديات. الاستعانة بمتخصص : إذا شعرت بأن الأمر يتطلب استشارة أخصائي، فلا تتردد في ذلك. يمكنهم تقديم الدعم والإرشاد المهني. ناهيك عن ذلك، كُن دائمًا متفائلاً بنفسك. تغيير عادة تتطلب وقتًا وصبرًا، لذا باشر في اتباع الخطوات وتذكر أن الإخفاقات ليست نهاية الطريق، بل هي فرص لتعلم المزيد عن نفسك واحتياجاتك. أسأل الله تعالى أن يوفقك ويهديك إلى ما فيه الخير والصلاح.
تم النشر الجمعة، ٢٨ فبراير ٢٠٢٥
عفاك الله وشفاك من هذه العاده القبيحه اولا الموبايل صلى وحافظ عليها واسمع قرآن كتير
تم النشر الثلاثاء، ٤ مارس ٢٠٢٥
اتركه حاول
تم النشر الاثنين، ٣ مارس ٢٠٢٥
لعرض السؤال في فدني اضغط هنا