السلام عليكم ورحمة الله وبركاته
انا بنت وعندي 18سنه معاناتي كلها مع اهلي بالذات امي بصراحه انا تعبت منها وبسببها انا حاولت اعمل كذا حاجه فنفسي والله
باختصار شديد اني عرفت ان امي بتخون بابا من وانا ف 6 ابتدائي انا حاليا ف3ث وهما اهو لسه عارفين دلوقت و حتي لما عرفو قالبين الموضوع عليا انا
حقيقي محدش كلمها و بابا كأنه معمي عنها بجد انا تعبت اوي والله وحاولت معاها كتير قبل ميعرفو انها تبطل و منفعش هي كانت بتخونه شاتات فالاول كنت مفكره ان الشاتات دي عاديه لحد السنة الي فاتت شفت شات قذر ومقرف واخر قلة ادب
انهرت وكان عندي امتحان بعدها بكام ساعه روحت الامتحان وانا برتعش ومش عارفه احل و تايهة وخايفه المهم انهم لما عرفو مكنش ف اي رد فعل من بابا كل الي حصل ان اخويا الكبير مبفاش يكلمها داخلين في سنه اهو وانا للاسف كنت بكلم حد عرفوا في نفس الوقت برضو هي كل محد يتكلم تقول انه مش بيكلمهم بسببي انا مع ان هو بقى بيكلمني خلاص هي بقى مش عاجبها انه ميكلمهاش و بتضربني
بتخلي اخواتي الصغيرين يعاملوني وحش واختي الاصغر مني كأن هي الكبيره بجد امي كانت خنقاني من رقبتي وبتقولي والله لاموتك و دلوقت انا إيدي كلها وارمه و بايظه وكلها اورام عشان ضربتني وحقيقي والله من غير سبب انا تعبت و حاولت انتحر كتير وبقيت بكلم نفسي وانا حاليا 3ثانوي عام مش عارفه اركز ولا اذاكر ودماغي جواها فرح اعمل اي بجد
وعليكم السلام ورحمه الله وبركاته انت بنوته جميله جدا جدا جدا وما تعرفيش قد ايه يعني انت تستغربي بس حقيقي انت ربنا بيحبك قوي قوي قوي انا شفت بقيت التفاصيل في التعليقات بتاعتك. انت جميله وربنا انعم عليك بابتلاء صعب جدا جدا جدا علشا محاولاتنا مش دايما هيكون معاها نتيجه من اللي احنا عايزينها. فاوقات كثير هتكون النتيجه مش حلوه. الوضع اللي انت فيه النتيجه حتى الان مش حلوه مفيش حاجه اتغيرت للاحسن ما فيش حد مصالح حاله.ن هو بيحبك جدا جدا جدا انواع الابتلاءات حقيقي بتبين قد ايه ربنا بيحب البني ادم لان الابتلاء ده بيرفعنا درجات فان شاء الله درجتك عاليه عند ربنا. انت حاولتي. ااا رد فعل باباكي السلبي على الموضوع هو اللي خلى الموضوع برده ااا يكون في الوضع الحالي فخلينا نقول. انه حاليا محاولاتك هتكون في حاجه واحده بس اول حاجه انك تدعي ل يعني نوع من الاحلال الاحلال ده يعني ان انا احط حاجه فانت حاليا هيكون عندك مشكله كبيره جدا في انك محتاجه تشوفي بديل للام اللي هي بالنسبه لي مش قدوه الا انه لها تصرف سيء فتعملي ايه؟والدتك ولوالدك بالهدايه دي اول حاجه تاني حاجه انك هتتعاملي معاهم لله يعني انا هعملهم كويس وهحترمه ومش هبص لمامتي حتى بصه وحشه مش هروح انصحها واقول لها ما ينفعش تعملي كده ان انا مش هعمل كده انا هبقى بعملها بشكل محترم كامي فقط لا غير حتى لو كان ليها تصرفات غير لائقه ههه ده كله ليه ده لله ده لان ربنا امرني بكده حلو. هعمل ايه ثاني؟ هحتاج ان انا ابدا اعمل. هنشوف احد يكون من العيله انت بتحترميه خاله عما جدا يعني ايا كان وهت لو في مساحه انك برده تتواجدي في مكان ثاني.بدئي انك تتواصلي مع الشخصيه دي بشكل متواصل ااا نوع من انواع صله الرحم وزائد عليه انك هتك. بتعملي حاجه كويسه جدا لنفسك تديكي طاقه نفسيه افضل. عشان تذاكري دي هتكون فرصه كويسه لك لو مفيش يبقى هنبدا نعمل ايه هنبدا نشوف ايه اكثر وقت بيكون كل اللي في البيت بقى نايمين او مشغولين في حاجه فمش هيسيبوا اللي في ايديهم وهيجوا ونقعد بقى نتناقش ونتحاور او في بعض. والدتك متحاوليش معاها فانك تعملي معاها اي شكل من اشكال النصح لانه ده اللي هيخليها ههه تبقى بتتعامل معاكي وحش اكتر هو تصرفاتها دي واضح ان هي عارفه ان هي غلطانه ولكن لما بتشوفك انت كويسه ده بيخلي تانبها لنفسها اكبر لانه ازاي بنتها الصغيره افضل اخلاقيا منها هي الكبيره فهي دي مشكله كبيره جدا انه يعني انت كده كانك كويسه عشان بس تقولي لها انت وحشه فاا. حاولي تعملي الحاجات دي الوضع صعب ولكن بجد بجد ان شاء الله ربنا هيكرمك كرم كبير جدا جدا بقدر صبرك على الابتلاء الصعب ده.
تم النشر الجمعة، ١٤ فبراير ٢٠٢٥
انتى بتواجهي معاناة كبيرة، وده مش سهل.. لكن أول حاجة لازم تعرفيها إنك شخصية قوية جدا، حتى لو ما حسيتيش بده دلوقتي.. القوة الحقيقية بتبان وقت الأزمات.. وانتي رغم كل التعب والقهر لسه واقفة وبتدورى على حلول.. وده أول خطوة في طريق الخلاص من المعاناة او معالجتها بأقل حاجة تقدرى عليها.. أنا مقدرجدا شعورك وكل التعب النفسي اللي بتمري بيه.. واضح إن الوضع عندك في البيت صعب جدا، وده ضاغطك نفسيا وجسديا.. ف اول حاجة ممكن اقلهالك ربنا يعينك ويقويكى ويثبت ايمانك.. خلينا ندردش سوا يمكن نوصل لحاجة... بصى ياستى.. اللي بتمري بيه ممكن يخليكي تشكي في نفسك أو تحسي إنك قليلة.. بس الحقيقة إن قيمتك مش محددة بأفعال الناس معاكي.. قيمتك من جواكي من حبك لنفسك ومن قوتك في مواجهة المصاعب وتحملها.. حتى لو محدش حواليك مقدر قيمتك، انتي لازم تقدريها.. أحيانا المشاكل الكبيرة زي كده صعب تتحل مرة واحدة.. فمهم تبدأي خطوة خطوة.. أول حاجة فكري في حاجة واحدة تشتغلي عليها.. ممكن تكون علاقتك مع مامتك أو تحسين صحتك النفسية او تحسين علاقتك باخواتك.. اعرفي دايما إن الألم اللي بتمري بيه دلوقتي مؤقت.. حتى أقسى اللحظات بتمر..انتي دلوقتي زي اللي بتبني جسر تعبري بيه من الضلمة للنور..فلازم الصبر.. وكونك حاولتى تنتحرى انتى كدا ضيعتى مجهودك ونفسك ع الفاضى بدل ماتواجهى بتهربى.. انا مقدر ان الجو صعب بس مش هو دا حلك يا استاذة.. سامحي نفسك أول حاجة.. لو حسيتي إنك ضعفتي أو استسلمتي في لحظة، سامحي نفسك.. انتي إنسانة مش ملاك وكل إنسان بيضعف.. الأهم إنك ترجعي تكملي طريقك وحياتك.. كل مرة تحسي بضغط و قهر، افتكري حاجة وحدة.. انتي مش لوحدك في المعركة دي.. انتي معاكي نفسك وقلبك وعقلك.. ولازم تستمدى القوة من ذاتك.. اطردي الأفكار السلبية.. كل ما تجي لك فكرة تأذي نفسك أو تحسي إنك فاشلة أو غير قادرة قولي "لا أنا أستحق حياة احسن، وأقدر أخلق حياة أحسن لنفسي" الأفكار السلبية مش بتوصلنا لأي مكان غير مزيد من الألم والتعب... ايمانك راح فين اطلبي المساعدة من ربنا وبعده من اللي تثقي فيهم.. الإنسان بيحتاج سند ولو مالقتيش السند حواليكي الجأي لله بالدعاء ربنا الملجأ الاول والاخير.. كوني صريحة في طلبك للمساعدة من حد تثقي فيه سواء صديقة قريبة او حد قريبك.. لو حسيتي إنك وصلتي لطريق مسدود، افتكرى دايما انتي مش المشكلة..الظروف هي اللي غلط.. ماتشيليش نفسك هم وغلط والدتك.. هيا ليها رب يحاسبها وليها زوج يتعامل معاها وانتى دورك النصيحة والمعافرة معاها.. لازم تتمسكى بالامل ولو بسيط.. كل انسان بيغلط وبيرجع عن غلطة وهيا باذن الله تتوب وتستغفر اتعاملى معاها وتقبليها وسامحيها احنا ياما غلطنا واهلنا سامحونا.. التعليم هو سلاحك الأقوى للخروج من أي موقف قهري. ركزي على دراستك كأنها طوق نجاة.. تعليمك هو مفتاح حريتك.. ركزى على مستقبلك.. فكري إن كل ده ضغط مؤقت وهدفك الأساسي دلوقتي تكملي تعليمك وتبني مستقبلك.. لو في عنف بدني أو لفظي مستمر عليكي ، لازم تلاقي طريقة تحمي نفسك بيها.. حاولي تتكلمي مع حد كبير موثوق فيه يقدر يساعدك.. لو عندك إمكانية، ضروري تتواصلي مع حد متخصص في الصحة النفسية.. ممكن يساعدك في التعبير عن مشاعرك ويعطيك استراتيجيات تتعاملي بيها مع الضغط..ولو مش قادرة تتكلمي مع حد ابدأي تفريغ اللي جواك بالكتابة.. حتى لو مجرد ورقة وقلم او تنزلى بوست زاى دا ده هيساعدك في تنظيم أفكارك وتخفيف الضغط عليكى جدا... انتى وشطارتك بقى.. حاولي تخلقي جو إيجابي بسيط في البيت.. حتى لو عن طريق كلمة طيبة أو حاجة بسيطة تعمليها لنفسك..كل حاجة صغيرة بتفرق..و إخواتك بيمثلوا ضغط عليكي.. ممكن تبدأي تكسبيهم تدريجيا بالكلام و الاهتمام.. ولو مش نافع يبقى ضروري حد كبير يتدخل بينكم.. أحيانا حاجة بسيطة ممكن تكون مصدر أملك زي حلمك إنك تعيشي حياة أحسن أو هدفك إنك تعملي حياة كريمة لنفسك وبيت وعيلة.. امسكي الأمل ده ومتسابيهوش أبدا وخلية دايما قصادك عشان يهون عليكى رحلتك.. وافتكرى دايما ان حياتك مهمة انتي أقوى من كل اللي بيحصل حواليكي.. ما تفكريش في إيذاء نفسك أبدا مهما كان الوضع صعب.. دايما في مخرج وحلول.. لو حسيتي إنك محتاجة حد يسمعك احكى معانا هنا واحنا كلنا معاكى.. ولو في حاجة محددة حابة تركزي عليها أكتر احكي ع طول.. انا كتبت كتير وطولت اوى 🙂 فعذرا يعنى واتمنى الكلام يخفف عنك ولو شوية
تم النشر الخميس، ١٣ فبراير ٢٠٢٥
وعليكم السلام ورحمة الله وبركاته. أختي العزيزة، أنا آسفة جدًا لسماع ما تمرين به، وأتفهم أن الوضع الذي تعيشينه مليء بالتحديات والصعوبات. من الواضح أنك تمرين بوقت عصيب جدًا مع عائلتك، خاصة مع الأم. من الضروري أن تدركي أن مشاعر القلق والاكتئاب التي تشعرين بها نتيجة هذه الظروف ليست شيئًا يمكن تجاهله، وأنت بحاجة إلى دعم في هذا الوقت. أوصيك بالتواصل مع شخص موثوق، مثل قريب أو صديقة مقربة، حتى تكون لديك فرصة للتحدث عن مشاعرك. قد يكون من المفيد أيضًا التواصل مع مستشار نفسي أو متخصص يساعدك في التعامل مع هذه الضغوطات والمشاعر السلبية التي تمرين بها. فيما يتعلق بدراستك، حاول التركيز عندما تستطيعين، وأعطي نفسك الوقت للتعافي من هذه المشاعر الصعبة. احرصي على القيام بأنشطة ترفيهية أو هوايات تحبينها، لأنها قد تساعدك على تحسين مزاجك قليلًا. لا تترددي في طلب المساعدة من الأشخاص الذين يهمهم أمرك. الحياة قد تحمل الكثير من التحديات، ولكن البقاء قويًا والسعي للحصول على الدعم هو خطوة مهمة لمواجهة هذه الصعوبات. تذكري، أن الحياة يمكن أن تتحسن، من المهم أن تأخذي الخطوات اللازمة لذلك. إن شعرت بوجود أفكار انتحارية، ينبغي أن تتواصلي مع جهة مختصة فورًا. صحتك النفسية مهمة جدًا، وأنت بحاجة إلى رعاية واهتمام.
تم النشر الأربعاء، ١٢ فبراير ٢٠٢٥
السلام عليكم، بصراحة امك غلطانة باللي عملته، بما انك حاولتي معاها ومنفعش، خلاص توكلي علي الله وحسابها عند الله، وادعي ان ربنا يغفرلها ويسامحها، كلنا بنغلط، كل ابن ادم خطاء وخير الخطائين التوابون، وربنا غفور رحيم، ممكن سؤال بس، ايه عرفهم وقت اكتشافهم للمشكلة انك عارفه، انتي المفروض عارفه انك مشكلة زي دي كبيره ومعقدة وبتخرب بيوت وتهدم حياة، انتي كنتي عارفه وقتها، بس كنتي عملتي نفسك مش عارفه عشان الموضوع ميتقلبش عليكي، ثانيا، انتي بتقولي انك حاولتي تنتحري، الانتحار حرام، لكن خليني اقولك بما انه حرام دا ضعف ايمان بالله وشك في قدرته، لما تحاولي تنتحري انتي كدا بتتهربي وبتبعدي عن الواقع اللي عايشه فيه، ودا ضعف ايمان ليه؟، خليني اقولك ليه، لانك كدا مش مؤمنه ان ليكي رب مش هينساكي ومش بيسيب حق مظلوم،، مجربتيش ليه انك تدعي لامك بالهدايه وصلاح حالها، وتدعي ان ربنا يتوب عليكي من فكرة الانتحار، وتدعي كمان انه يعيشكم بسعاده، وتنجحي بحياتك، وييسرلك امورك، ليه مدعتيش ربنا بكدا بدال فكرة الانتحار، جايز تكوني دعيتي كدا واكتر وملقتيش نتيجة، فيإستي من ان ربنا ممكن يعدلك حياتك،(ولا تقنطوا من رحمة الله) ثاني حاجه، انك لما تفكري بالانتحار، كدا انتي عندك شك في عذاب الاخره، هتقولي اننا كلنا مؤمنين بالاخرة والعذاب، فعلا اننا كلنا مؤمنين، بس كل شخص انتحر وبيفكر ينتحر، مؤمن انه لما ينتحر هيرتاح من الدنيا، وانتي لما تيجي في بالك انك عايزة تنتحري اكيد انك فاكرة انك لما تنتحري هتروحي مكان افضل من ضرب والدتك وعذابك معاها، بس انتي اكيد مؤمنه بالله، وعارفه عقاب اللي ينتحر، بس متعرفيش ليه بتيجي فكرة الانتحار في دماغك مع انك عارفه عقابها، هنا الشيطان بيمارس هوايته، اللي هيا بيحاول يقنعك ويدخل في راسك انك لا تنتحري هترتاحي والكلام ده، وهنا انتي لما تتبعيه وتفكري بالانتحار، كدا انتي شاكه ان في عذاب وجهنم اصلا، لانك اكيد مش هتختاري تروحي جهنم والعياذ بالله عن عذاب امك ومعاملتها ليكي، فإنتي لو ايمانك بالله قوي مش هتفكري اصلا تفكير، واظن انك اكيد عرفتي الاسباب من الرغي كلو دا، صلي وادعي ربنا انه يتوب عليكي ويهدي امك، ااتمني اكون افدتك، لان عمري 14 بس، والسلام عليكم ورحمة الله وبركاته
تم النشر الأحد، ١٦ فبراير ٢٠٢٥
لعرض السؤال في فدني اضغط هنا