انتى بتواجهي معاناة كبيرة، وده مش سهل.. لكن أول حاجة لازم تعرفيها إنك شخصية قوية جدا، حتى لو ما حسيتيش بده دلوقتي.. القوة الحقيقية بتبان وقت الأزمات.. وانتي رغم كل التعب والقهر لسه واقفة وبتدورى على حلول.. وده أول خطوة في طريق الخلاص من المعاناة او معالجتها بأقل حاجة تقدرى عليها.. أنا مقدرجدا شعورك وكل التعب النفسي اللي بتمري بيه.. واضح إن الوضع عندك في البيت صعب جدا، وده ضاغطك نفسيا وجسديا.. ف اول حاجة ممكن اقلهالك ربنا يعينك ويقويكى ويثبت ايمانك.. خلينا ندردش سوا يمكن نوصل لحاجة... بصى ياستى.. اللي بتمري بيه ممكن يخليكي تشكي في نفسك أو تحسي إنك قليلة.. بس الحقيقة إن قيمتك مش محددة بأفعال الناس معاكي.. قيمتك من جواكي من حبك لنفسك ومن قوتك في مواجهة المصاعب وتحملها.. حتى لو محدش حواليك مقدر قيمتك، انتي لازم تقدريها.. أحيانا المشاكل الكبيرة زي كده صعب تتحل مرة واحدة.. فمهم تبدأي خطوة خطوة.. أول حاجة فكري في حاجة واحدة تشتغلي عليها.. ممكن تكون علاقتك مع مامتك أو تحسين صحتك النفسية او تحسين علاقتك باخواتك.. اعرفي دايما إن الألم اللي بتمري بيه دلوقتي مؤقت.. حتى أقسى اللحظات بتمر..انتي دلوقتي زي اللي بتبني جسر تعبري بيه من الضلمة للنور..فلازم الصبر.. وكونك حاولتى تنتحرى انتى كدا ضيعتى مجهودك ونفسك ع الفاضى بدل ماتواجهى بتهربى.. انا مقدر ان الجو صعب بس مش هو دا حلك يا استاذة.. سامحي نفسك أول حاجة.. لو حسيتي إنك ضعفتي أو استسلمتي في لحظة، سامحي نفسك.. انتي إنسانة مش ملاك وكل إنسان بيضعف.. الأهم إنك ترجعي تكملي طريقك وحياتك.. كل مرة تحسي بضغط و قهر، افتكري حاجة وحدة.. انتي مش لوحدك في المعركة دي.. انتي معاكي نفسك وقلبك وعقلك.. ولازم تستمدى القوة من ذاتك.. اطردي الأفكار السلبية.. كل ما تجي لك فكرة تأذي نفسك أو تحسي إنك فاشلة أو غير قادرة قولي "لا أنا أستحق حياة احسن، وأقدر أخلق حياة أحسن لنفسي" الأفكار السلبية مش بتوصلنا لأي مكان غير مزيد من الألم والتعب... ايمانك راح فين اطلبي المساعدة من ربنا وبعده من اللي تثقي فيهم.. الإنسان بيحتاج سند ولو مالقتيش السند حواليكي الجأي لله بالدعاء ربنا الملجأ الاول والاخير.. كوني صريحة في طلبك للمساعدة من حد تثقي فيه سواء صديقة قريبة او حد قريبك.. لو حسيتي إنك وصلتي لطريق مسدود، افتكرى دايما انتي مش المشكلة..الظروف هي اللي غلط.. ماتشيليش نفسك هم وغلط والدتك.. هيا ليها رب يحاسبها وليها زوج يتعامل معاها وانتى دورك النصيحة والمعافرة معاها.. لازم تتمسكى بالامل ولو بسيط.. كل انسان بيغلط وبيرجع عن غلطة وهيا باذن الله تتوب وتستغفر اتعاملى معاها وتقبليها وسامحيها احنا ياما غلطنا واهلنا سامحونا.. التعليم هو سلاحك الأقوى للخروج من أي موقف قهري. ركزي على دراستك كأنها طوق نجاة.. تعليمك هو مفتاح حريتك.. ركزى على مستقبلك.. فكري إن كل ده ضغط مؤقت وهدفك الأساسي دلوقتي تكملي تعليمك وتبني مستقبلك.. لو في عنف بدني أو لفظي مستمر عليكي ، لازم تلاقي طريقة تحمي نفسك بيها.. حاولي تتكلمي مع حد كبير موثوق فيه يقدر يساعدك.. لو عندك إمكانية، ضروري تتواصلي مع حد متخصص في الصحة النفسية.. ممكن يساعدك في التعبير عن مشاعرك ويعطيك استراتيجيات تتعاملي بيها مع الضغط..ولو مش قادرة تتكلمي مع حد ابدأي تفريغ اللي جواك بالكتابة.. حتى لو مجرد ورقة وقلم او تنزلى بوست زاى دا ده هيساعدك في تنظيم أفكارك وتخفيف الضغط عليكى جدا... انتى وشطارتك بقى.. حاولي تخلقي جو إيجابي بسيط في البيت.. حتى لو عن طريق كلمة طيبة أو حاجة بسيطة تعمليها لنفسك..كل حاجة صغيرة بتفرق..و إخواتك بيمثلوا ضغط عليكي.. ممكن تبدأي تكسبيهم تدريجيا بالكلام و الاهتمام.. ولو مش نافع يبقى ضروري حد كبير يتدخل بينكم.. أحيانا حاجة بسيطة ممكن تكون مصدر أملك زي حلمك إنك تعيشي حياة أحسن أو هدفك إنك تعملي حياة كريمة لنفسك وبيت وعيلة.. امسكي الأمل ده ومتسابيهوش أبدا وخلية دايما قصادك عشان يهون عليكى رحلتك.. وافتكرى دايما ان حياتك مهمة انتي أقوى من كل اللي بيحصل حواليكي.. ما تفكريش في إيذاء نفسك أبدا مهما كان الوضع صعب.. دايما في مخرج وحلول.. لو حسيتي إنك محتاجة حد يسمعك احكى معانا هنا واحنا كلنا معاكى.. ولو في حاجة محددة حابة تركزي عليها أكتر احكي ع طول.. انا كتبت كتير وطولت اوى 🙂 فعذرا يعنى واتمنى الكلام يخفف عنك ولو شوية
حاضر
تم النشر الخميس، ١٣ فبراير ٢٠٢٥
متفكريش فيها كدا.. حرام يضيع تركيزك ومجهودك هدر لمجرد ظروف بتمرى بيها.. انتى ياتركزى فعلا يابلاش لكن ماتدخليش السنه دى وانتى نص نص حتى.. مش هتدي لنفسك حقها وهتظلميها معاكى.. انتى الاول والاخر الى شايفة وعارفة نفسك وعارفة عاوز تدخلى اية ومحتاجة مجهود اد اي..
تم النشر الخميس، ١٣ فبراير ٢٠٢٥
شكرا جدا لحضرتك، بحاول بجد بحاول فكل حاجه، مفيش حاجه اسمها اكمل السنه الجايه هيشمتو فيا اوي خصوصا اني بنت خالتي قدي وهي ما شاء الله عليها ممتازة وانا والله لو ركزت وذاكرت هكسر الدنيا بس انا مش قادره، الحمدلله ع كل حال، وشكرا خالص لحضرتك
تم النشر الخميس، ١٣ فبراير ٢٠٢٥
يالله.. بجد والله انا مبهور بيكي! أنا مقدر اللي بتقولي عليه وواضح إنك بتمري بضغط نفسي كبير جدا وبتعاني من معاملة قاسية من أهلك ولسا بتحاولى .. ربنا قال ( وهل جزاء الإحسان إلا الإحسان) ابشري باذن الله.. ماحدش فينا بيختار اهله اعتبرى ان دا ابتلاء من ربنا وبيختبر صبرك وايمانك فى اقرب الناس ليكى.. اكيد فى حكمة من انك تعيشي حياة متخبطة بالشكل دا والاهم انك لسا ثابتة.. ربنا يبارك فيكى ويثبتك على طاعتة.. انتى عملتى كل حاجة عليكى ادعى كتير ربنا مبدل الاحوال وطلعى صدقة بنية فك الكرب وساعدى المساكين والايتام بنية التقرب من ربنا وحفظ نفسك واهلك.. عليكى برب القلوب.. والمهم دلوقتي إنك تحمي نفسك. لو في حد من أهلك أو عيلتك الكبيرة ممكن يقدر يتدخل ويساعدك حاولي تطلبي منه المساعدة.. بالنسبة لموضوع الدراسة، طبيعي إنك تحسي بالسرحان والضياع بسبب كل اللي بتمري بيه ومش من العدل إن حد يطلب منك تركزي وسط كل المشاكل دي.. أهم حاجة دلوقتي تهتمي بصحتك النفسية حتى لو بدايتها بالكتابة عن اللي حاسة بيه أو مجرد التنفيس والمشاركة.. ولو خلصت خيارتنا الموضوع لسا بأيديكى وممكن تأجلى سنه.. المهم نفسك.. وبالنسبة لصحابك اللي أذوكي.. حاولي تاخدي بالك أكتر من الثقة اللي بتديها للناس.. بس لو لقيتي حد حتى مستعدة تسمعك وتساعدك.. ادي نفسك فرصة... هيفرق بجد ان حد يقرب منك.. أنتى مش لوحدك في اللي بتمري بيه.. كل حاجة صعبة لها مخرج، حتى لو المخرج ده صعب الوصول ليه في الأول. إحنا هنا لو محتاجة تحكى أو تلاقي حد يسمعك.. ويارب تكونى بخير وبأحسن حال.. اسأل الله العلى القدير ان يصلح ذات بينكم ويرزقكم سبل السلام والهداية..
تم النشر الخميس، ١٣ فبراير ٢٠٢٥
شكرا بجد ع كلام حضرتك بس بجد هما بيعاملوني وحش واخواتي مهما حصل مش هيتعظو لان هما شايفين امي بتعمل كد معايا فهما ازاي يتعدلو انا امي كانت خنقاني جامد من رقبتي وبتقولي والله لاموتك انا مريت بكتير اوي وحش معاها والله و حاولت كتير اوي من غير ما أعرف حد انها تبطل الي بتعمله و منفعش انا حتي اشتريت خط جديد وكلمتها وقولتلها اني هقول لاهلها وكد ولا فرق معاها، بالنسبه للدراسه انا 3قانوي ولدلوقت كل ما آجي أذاكر اتعب اتوه واسرح ويا دماغي والمشاكل الي فدماغي وانا بجد تعبت من كد مبقتش عارفه اعمل اي انا حقيقي جبت اخري من معاملتهم و حضرتك بتقول احكي لحد انا مش بصاحب حد لاني صاحبت كتير جدا وكلهم اذوني بشكل وحش اخر واحده جت قالتت لاهلي اني بكلم اتنين وده والله ما حصل هي قالت كد عشان انا بطلت اكلمها انا اصلا الحمد لله مختمره وحتى الخمار قبل مالبسه امي كانت رافضة ولحد دلوقتي رافضه اني البسه انا بتحايل عليهم انتقب مش راضيه وخلت بابا يقولي لا وحقيقي بتعاملني وحش اوي وانا تعبت انا حاولت معاها بمليون طريقه وحاولت ارضيها بكذا شكل بجد ورغم كل الي عملاه فيا ده كله شفتها بتطلب حاجه ليها وكانت هتجيبها قسط كلمت انا الي هتشتري منها وقولتلها انا هديكي فلوسها ومتقوليلهاش عشان هي اصلا قريبتنا حاولت اني اصحابها منفعش حاولت بمليون طريقه منفعش وبتقعد مع اي حد تشكي مني وانا والله مش بكلمها ومش بعملها حاجه
تم النشر الخميس، ١٣ فبراير ٢٠٢٥
لعرض الإجابة في فدني اضغط هنا