السلام عليكم، بصراحة امك غلطانة باللي عملته، بما انك حاولتي معاها ومنفعش، خلاص توكلي علي الله وحسابها عند الله، وادعي ان ربنا يغفرلها ويسامحها، كلنا بنغلط، كل ابن ادم خطاء وخير الخطائين التوابون، وربنا غفور رحيم، ممكن سؤال بس، ايه عرفهم وقت اكتشافهم للمشكلة انك عارفه، انتي المفروض عارفه انك مشكلة زي دي كبيره ومعقدة وبتخرب بيوت وتهدم حياة، انتي كنتي عارفه وقتها، بس كنتي عملتي نفسك مش عارفه عشان الموضوع ميتقلبش عليكي، ثانيا، انتي بتقولي انك حاولتي تنتحري، الانتحار حرام، لكن خليني اقولك بما انه حرام دا ضعف ايمان بالله وشك في قدرته، لما تحاولي تنتحري انتي كدا بتتهربي وبتبعدي عن الواقع اللي عايشه فيه، ودا ضعف ايمان ليه؟، خليني اقولك ليه، لانك كدا مش مؤمنه ان ليكي رب مش هينساكي ومش بيسيب حق مظلوم،، مجربتيش ليه انك تدعي لامك بالهدايه وصلاح حالها، وتدعي ان ربنا يتوب عليكي من فكرة الانتحار، وتدعي كمان انه يعيشكم بسعاده، وتنجحي بحياتك، وييسرلك امورك، ليه مدعتيش ربنا بكدا بدال فكرة الانتحار، جايز تكوني دعيتي كدا واكتر وملقتيش نتيجة، فيإستي من ان ربنا ممكن يعدلك حياتك،(ولا تقنطوا من رحمة الله) ثاني حاجه، انك لما تفكري بالانتحار، كدا انتي عندك شك في عذاب الاخره، هتقولي اننا كلنا مؤمنين بالاخرة والعذاب، فعلا اننا كلنا مؤمنين، بس كل شخص انتحر وبيفكر ينتحر، مؤمن انه لما ينتحر هيرتاح من الدنيا، وانتي لما تيجي في بالك انك عايزة تنتحري اكيد انك فاكرة انك لما تنتحري هتروحي مكان افضل من ضرب والدتك وعذابك معاها، بس انتي اكيد مؤمنه بالله، وعارفه عقاب اللي ينتحر، بس متعرفيش ليه بتيجي فكرة الانتحار في دماغك مع انك عارفه عقابها، هنا الشيطان بيمارس هوايته، اللي هيا بيحاول يقنعك ويدخل في راسك انك لا تنتحري هترتاحي والكلام ده، وهنا انتي لما تتبعيه وتفكري بالانتحار، كدا انتي شاكه ان في عذاب وجهنم اصلا، لانك اكيد مش هتختاري تروحي جهنم والعياذ بالله عن عذاب امك ومعاملتها ليكي، فإنتي لو ايمانك بالله قوي مش هتفكري اصلا تفكير، واظن انك اكيد عرفتي الاسباب من الرغي كلو دا، صلي وادعي ربنا انه يتوب عليكي ويهدي امك، ااتمني اكون افدتك، لان عمري 14 بس، والسلام عليكم ورحمة الله وبركاته
فهماكي، جزاكي الله خيراً
تم النشر الأحد، ١٦ فبراير ٢٠٢٥
عرفو اني عارفه لانهم شافو الشات من عندي انا كنت فاتحه الواتساب بتاعها عندي من وراها ولما شوفت الشات خدته اسكرين، حبيبة قلبي انا مختمره الحمد لله وقريبه من ربنا اكيد في اقرب مني كتير بس انا عارفه ان الانتحار حرام انا لما كان بيجي فكره زي كد فدماغي كان بيبق قلة حيله و تعب الحمد لله كنت برجع لعقلي واقوم اتوضي واصلي بس كل الحكاية اني كنت ببق خلاص علي اخري من الي بيحصل فيا فهماني؟
تم النشر الأحد، ١٦ فبراير ٢٠٢٥
لعرض الإجابة في فدني اضغط هنا