انا شخصيه طيبه بزياده لما بحب حد ممكن اعمل كل حاجه حلوه ليه يمكن ممكن اجاي علي نفسي علشان للي بحبه من فتره انخذلت وفقدت الثقه لان كان ليا أصحاب او يمكن كانوا اكتر من صحاب ليا بس تقريبا هم مكنتش ليهم كدا دايما عندي ثقه في ربنا ان هو يقرب لينا الناس للي شبهنا وزينا ويعوضنا دلوقتى في واحده صحبتي بقينا قريبين بعض جداااا فا دلوقتي عيد ميلادها قرب وانا نفسي اجبلها هديه وفرحها بس خايفه خايفه مع الوقت تبعد زيهم ورجع اتكسر تاني ومع العلم هي عمرها ماجبت ليا هديه في عيد ميلادي بس احنا وقتها مكناش قريبين زي دلوقتي بصراحه فانا مش عرفه اعمل ايه
تم النشر الخميس، ٦ يونيو ٢٠٢٤
أنا فاهمه كويس مشاعرك وترددك، ومقدّرة إنك مش عايزة تتوجعي تاني. الحياة دايمًا بتكون مزيج من العلاقات الحلوة والصعبة، ولازم نلاقي التوازن ما بينهم. أول حاجة، الطيبة والحب مش حاجة وحشة، بالعكس، دي صفات جميلة وقيمة. بس لازم تربطيها بالنضج والوعي. يعني، لازم تحددي حدود لنفسك، ما تتنازليش عن قيمك وحقوقك عشان حد تاني. بالنسبة لصديقتك الحالية، لو بتحسي إنها تستحق وبتعاملك كويس، مفيش مانع تجيبيلها هدية وتفرحيها. ده مش معناه إنك بترهني على علاقتك بيها، بس ده تعبير عن مشاعرك الطيبة تجاهها في اللحظة دي. العلاقة بينكم مش محتاجة ميزان للهدايا، قد ما هي محتاجة عهد من الاحترام والتقدير المتبادل. وجاوبي سؤال لنفسك: إذا قدمتي لها الهدية وفرحتها، هل هتحسي بالسعادة من العمل ده؟ لو الإجابة نعم، اعملي كده من غير ما تخافي من المستقبل. العطاء هو جزء من الطيبة اللي بتحمليها جواكي، ومش بالضرورة استني مقابل فوري ليه. وفي الآخر،أي علاقة اجتماعية هي تجارب بتعلمنا، ممكن تكمل وممكن تنتهي، لكن دايما بنتعلم منها. خلّي ثقتك في ربنا كبيرة، واستمتعي بالحظات الحلوة في حياتك واعرفي إنك تستحقّي دايمًا الخير.
تم النشر الأربعاء، ٥ يونيو ٢٠٢٤
فاهمة احساسك بس ال اقدر اقوله ان مفيش حد بيقضل صاحبك طول عمرك لما تكبروا الظروف بتتغير مش معنى انك هتبعدوا تبقى بحاجة وحشة لا عادي هي بس الظروف و انتي اعملي النفسك تعمليه و هيفرحها و ربنا هيجازيكي خير عشان نيتك تفرحي حد و تجبري بخاطرك و ان شاء الله يارب تفضلوا صحاب ع طول و ربنا يبعد عنكوا ال حاجات الوحشة
تم النشر الأربعاء، ١٧ يوليو ٢٠٢٤
هاتيلها هدية عادي ومتندميش على اي حاجه حلوه عملتيها لحد سواء هي بعد كده جبتلك هدية يبقي كويس ولو مجبتش عادي متزعليش عشان انتي كنتي شخص كويس واتعاملتي بطبيعتك وبدأتي بالحب والاهتمام ف متندميش انك اتعاملتي كويس مع حد ابدا عشان ده بيحببك ف نفسك ويخليكي راضية عن العالم قدام ربنا ودي اهم حاجه
تم النشر الجمعة، ٧ يونيو ٢٠٢٤
كونك طيبة ميمنعش إنك تحطي حدود و الحدود دي شيء اساسي عشان نحمي نفسنا و كونك طيبة مش معناه إنك تكوني غبية... يعني ببساطه تعاملي عادي بطيبة مع الكل لكن ما تجيش على نفسك جامد عشان حد و ما تسمحيش لحد انه يعاملك بطريقة مش بتحبيها أو بتضايقك و موضوع الخذلان ده عادي جدا و تجربة بنتعلم منها درس و بمجرد ما بنتعلم الدرس مش هيتكرر معانا عشان كده لازم تتعملي الدرس في النهاية انتي المسؤولة عن معاملة الناس ليكي سواء كانت وحشة أو حلوة عشان كده متسمحيش لحد يعاملك وحش اما بالنسبة لأنك عاوزة تجيبي لصاحبتك هدية فده شيء طبيعي و عادي انك تجيبيلها هدية خصوصا إنها مقربة منك.... بالإضافة إن في حاجه ادركتها قبل كده لأني كنت ذيك طيبة اوي و في الاخر أخدت على دماغي و الحاجة دي هي ان عادي اثق في شخص لكن بقدر محدود يعني أثق عادي في الشخص لكن مش للدرجة إلي تخليني أفكر انه مستحيل يضرني و كمان انه عادي لو اتكرر الموضوع و اتخذلت مرة تانيه من الناس لان في النهاية لو فضلت خايفة من الألم يبقى هعيش طول حياتي في الم و من ساعة ما أدركت الموضوع ده بقيت كل تجربة مؤلمة أو خذلان من الأشخاص مش بيأثر فيا جامد ذي زمان و عادي بكمل حياتي و بتعرف على ناس جديدة
تم النشر الخميس، ٦ يونيو ٢٠٢٤
عجبتني جدا جملة (عندي ثقة في ربنا)، جميلة لو معاكي فلوس وتقدري تجبيلها هدية وحاسة انك هتبقي مرتاحة..هاتيلها ولو مش معاكي مش مهم. لو حاسة انك بتحبي اللي قدامك واللي قدامك دا انسان كويس قدميله اللي انتي عايزاه وانسيه وصدقيني أي حاجة حلوه بتقدميها هتلاقيها دلوقتي أو بعدين
تم النشر الأربعاء، ٥ يونيو ٢٠٢٤
الصداقة حاجة مهمة جدا في حياتنا بس لازم تختاري صديقة صح وتكون بتحبك بجد وده مش عشان بتخرجوا مع بعض ولا بتتكلموا كتير لا الثقة دي بتتبني علي المواقف ولازم يكون في عطاء متبادل بينك وبينها وتكون صديقة بجدا بتحبك والافضل ان يكون في حدود ودي مش معناه انك كدا مش طيبة لا حدود دي هتحميكي وشوفي ايه اللي خلي صحابك القدمي يبعدوا هل عيب في شخصيتك انتي حاولي تصلحي عيب ده لو فيهم احمدي ربنا ان هما بعده وديما رددي اللهم ابعد عني اصدقاء السوء من يضر ولا ينفع ومن يسئ ولا يحسن
تم النشر الأربعاء، ٥ يونيو ٢٠٢٤
لعرض السؤال في فدني اضغط هنا