الموضوع غريب شوية....
بإختصار عرفت بنت من فترة وحبيتها جدا وهي حبيتي ومكنش فيه اي تجاوزات بينا نهائى عشان متبقاش سبب اننا نبعد عن بعض حتى مشاعرنا مكناش بنعترف بيها لبعض المهم طلبت منها أتقدم لها كتير واكلم باباها بس كان باقي ايام على مركز التدريب قالت ادخل وأطلع أتقدم على طول دخلت وطلعت لقيتها اتخطبت بالغصب ودايما بتعيط وجالها اكتئاب وبتروح لدكاترة نفسيين كتير المشكلة أهلها مش راضيين يفهموها نهائى وعندهم رأي البنت ملهوش لازم حتى اللى مخطوباله نفس الموضوع مش فارق معاه رأيها المهم ان أهلها موافقين
دلوقتي فاضل على كتب الكتاب فترة بسيطة يعتبر أيام وهي كل يوم بتنهار أكتر والصراحة مش عايز اخسرها
هل فيه طريقة؟
السلام عليكم، للأسف حاليا أنت مفيش في إيدك حل ولا من حقك تتدخل أو تحاول تفسد خطبتها لأن أعتقد ده هيدخل في (لا يخطب أحد على خطبة أخيه). ما دام حاولت بكل الطرق زي ما قلت فاترك الأمور للقدر وإذا لكم نصيب تكونوا لبعض هتتحل من عند ربنا إن شاء الله. الحل حاليا في إيدها هي لأن طالما هي رافضة رفضا قاطعا يبقى الزواج باطل والمفروض تحاول بأي طريقة توصل رأيها للشيخ أو المأذون. ولازم هي تعرف الكلام ده كويس، إنها طالما رافضة شرعا مش من حق أي حد يجبرها على الزواج وإلا فالعقد لا يصح فتحاول بكل جهدها تنقذ نفسها. إذا رضخت هي في النهاية ووافقت عشان أهلها أو كلام الناس أو غيره فهو قدرها في النهاية وربنا يجعل لها مخرجًا وانت وقتها ما عليك إلا إنك تحاول تتجاوز وتنسى وربنا يعوضك خيرًا إن شاء الله.
تم النشر الثلاثاء، ١١ فبراير ٢٠٢٥
واصلا هي يمكن تكون بتحاول تهرب منك مش اكتر فخد بالك ده مجرد علاقة غير شرعيه ومفيش اي اعتبارات بينكم فممكن بتحاول تمشيك لو عرفت كدا امشي من سكات انت غالي
تم النشر الثلاثاء، ١١ فبراير ٢٠٢٥
هو انت كدا مفيش في ايدك حاجه تانيه تعملها عارف انك بتحبها ومتعلق بيها بس انت هتعمل ايه هو اصلا الزواج بمدا العصب دا باطل اساسا
تم النشر الثلاثاء، ١١ فبراير ٢٠٢٥
مش بهون من تعلقك بيها.... بس من الأول العلاقة غلط لأنها خارج حدود الخطوبه فأنت بتأذي نفسك وهتأذي نفسك اكتر اللي بينك مشاعر تحصل بين اي ولد وبنت لانكم مختلفين في النوع فقربتوا من بعض بشكل غير طبيعي اللي هو الخطوبه اللي اخرها جواز باذن الله فحصل بينكم تعلق وده منهي عنه عشان كدا انما لو جواز طبيعي هترتاح انك مش متعلق.... فنصيحتي ليك انت لو بذلت كل الأسباب خلاص لو زودت عن كدا هتأذيها في علاقتها الجايه وهتأذي عيلتها وهتإذي نفسك وهي والله والله لو من نصيبك هتبقالك بس امشي في طريق الحلال انت عملت اللي عليك والجواز بتاع العائلات دي باطل بدون موافقتها والموضوع منتهي لو هي صرحت بكدا
تم النشر الثلاثاء، ١١ فبراير ٢٠٢٥
لأ مش هروب لان بيوصلني الكلام من كتير مش منها بس وكمان كلمت مامتها ومفيش فايدة
تم النشر الثلاثاء، ١١ فبراير ٢٠٢٥
خلاص انساها بس ببساطه الجواز ده باطل وهي المفروض تنقد في العقد لانه من غير موافقتها
تم النشر الثلاثاء، ١١ فبراير ٢٠٢٥
جربت كل الحلول مش نافعة مع أهلها
تم النشر الثلاثاء، ١١ فبراير ٢٠٢٥
والله ده غلط يا غالي اصلا لازم تكون موافقه الجواز كدا باطل ولا يصح لازم هي تدخل حد كبير يتكلم
تم النشر الثلاثاء، ١١ فبراير ٢٠٢٥
كل مرة بترفض بيضربوها ومن عادات البلد ان البنت مش بتحضر كتب الكتاب اصلا
تم النشر الثلاثاء، ١١ فبراير ٢٠٢٥
بص الخسارة الحقيقية هي انك تكلمها في الحرام من ورا أهلها دا أولا وحط دي في بالك.... ثانيا مفيش حاجه اسمها جواز بالغصب الناس اللي بتعمل كدا في بناتها ما عندها دين واما تكتب الكتاب لو الماذون سألها لازم تقول مش موافقه ولا تمضي ولا تعمل حاجه لان من شروط الزواج هو موافقه البنت حتى الرسول قالنا كدا " لا تنكح المرأه الا بإذنها " فهي ليها القرار ممكن تعاني من أهلها شويه بس بعد كدا هتعاني طول العمر لو وافقت دون رضاها.... وتاني حاجه ما ينفع لو حتى فشكلوا انت تروح على طول لان اهلها هيعرفوا انك كنت كلمتها وهيرفضوك لازم تستنى فتره كبيره لحد ما الموضوع يتنسى
تم النشر الثلاثاء، ١١ فبراير ٢٠٢٥
لعرض السؤال في فدني اضغط هنا