أنا عايزة حل لمشكلتي أرجو مساعدتي
انا طالبه في 3تانوي ازهر لعلمي وانا مش عارفه انظم وقتي عشان اذاكر وتحل الواجبات المدرسين اللى في الدروس بيعطونا واجبات كتير ومش مراعين أن إحنا ازهر وخصوصا أن يبدأ دروس من الصبح بدري وبرجع العصر كل يوم وبقيت الايام دي بنام زياده عن اللازم وانا عندي كسل وخمول وعدم التركيز وكمان أنا مع اني بذاكر الدروس بس مش بعرف احل عليها خاصه الكيمياء والفيزياء والاحياء وانا بحب احفظ اكتر ما بفهم والناس بتعايرني بالموضوع ده عشان فهمي علي قدي فأنا عايزه حل عشان اقدر افهم كل حاجه بذاكرها وانمي ذكاء وهل عشان أنا فهمي علي قدي انا منفعشي اكون في كليات علميه وهل ممكن يحصل أن الدخول طب أو اي كليه كويسه ارجو افادتي ومساعدتي عشان اعيش فتره تانوي حلوه خصوصا إن أنا بحس بإحباط أما حد يتريق أن بحب الحفظ اكتر وانا كمان حاسه اني فاقدة الشغف وخصوصا أن الناس والأهل في البيت مش واثقين أن انا ممكن اجيب مجموع حلو مع انهم عارفين اني بذاكر وبحاول علي قد مقدر وكمان بحس بنقص أما اشوف زميلي احسن مني وقدرين يفهموا المعلومه أرجو أن عدد كبير يرد على ويفدني حسب تجربتهم أو تجربة حد عرفينه
أختي العزيزة، أفهم تمامًا مشاعرك وتحدياتك في هذه المرحلة من حياتك، وأقدّر جهدك المبذول في الدراسة. تنظيم الوقت وحل الواجبات يعتبر تحديًا كبيرًا للعديد من الطلاب، وخاصةً في نظام التعليم الأزهري الذي يتطلب الكثير من الجهد والتركيز. إليك بعض النصائح التي قد تساعدك في تحسين إدارة وقتك وفهم المواد الدراسية بشكل أفضل: وضع جدول زمني : حاولي خلق جدول يومي أو أسبوعي يحدد فيه أوقات للدراسة والراحة بوضوح. قسمي وقتك بين المواد المختلفة، واحرصي على تخصيص وقت كافٍ لكل مادة. تحديد الأهداف : قومي بتحديد أهداف صغيرة يوميًا، مثل دراسة فصل معين أو حل مجموعة من المسائل، فهذا سيساعدك في الشعور بالإنجاز. استراتيجيات الدراسة : إذا كنت تجدين صعوبة في فهم المواد مثل الكيمياء والفيزياء، يمكنك استخدام عدة استراتيجيات مثل: قراءة الدروس بصوت مرتفع. تلخيص المعلومات بكتابة النقاط الرئيسية. استغلال الفيديوهات التعليمية على الإنترنت. الاستفادة من زملائك : لا تترددي في سؤال زملائك عن ما لا تفهمينه. يمكن أن يساعدك التعلم مع الآخرين في توضيح المفاهيم. التعامل مع الخمول : حاولي تقليل فترات النوم الزائدة دون ضغط على نفسك، واجعلي على الأقل ساعة في اليوم لممارسة نشاط بدني بسيط، مثل المشي أو أي نشاط تحبينه. الإيجابية والثقة بالنفس : لا تقارني نفسك دائمًا بزملائك، فكل شخص لديه قدرات مختلفة. اعتني بنفسك ولا تفقدي الثقة بنفسك، واجعلي حبك للحفظ هو نقطة قوتك. أما بالنسبة لمستقبلك الدراسي، فلا تجعلي الخوف من الفهم البسيط يثنيك عن الطموح. العديد من الطلاب يحققون نجاحًا في الكليات العلمية بعد اجتياز هذه المرحلة بتصميم وجهد مستمر. تذكري أن التفوق يأتي بالاستمرار والمثابرة. وفي النهاية، إذا شعرت بالإحباط، ذكري نفسك بأن الجهد الذي بذلته هو جزء من الرحلة. استمري في المحاولة وكوني صبورية مع نفسك. أتمنى لك كل النجاح والتوفيق.
تم النشر الأحد، ١٥ سبتمبر ٢٠٢٤
السلام عليكم. طيب بصي اولا انت لازم تاخذي قدر مناسب من النوم؟ فتنظيم وقت النوم ده بدايه نظم الوقت. ما ينفعش نومي متاخر من الاحوال ان الفجر وتبدايه ممكن الفجر ده هيظبط معاكي حاجات كثيره جدا اكيد اقصى درس عندك بيكون بعض الساعه 1:00 الظهر. فانت معاكي من الساعه 6:00 الصبح. هنقول الساعه 12:00 الظهر. 6 ساعات بتوعك. فلو انت نمت كويس. وما نمتيش متاخر وصحيت الفجر وبدات يومك من هنا الوقت ده هيكون مناسب جدا انك تذاكري فيه تعملي الواجبات يعني بصي هتعملي حاجات كتير جدا في التوقيت ده ثانيا. لو بتاخدي. دارتين مثلا في اليوم بتدرسين دول ورا بعض بالظبط ده هيصعب عليك الموضوع انك تصفي ذهنك قبل ما تدخلي في الماده الثانيه فلو في وضع زي ده حاولي انك تغيري مواعيد الدروس دي بحيث انه ما يكونش في مادتين بتاخذ درسين ورا بعض على طول تمام. طريقه مذاكرته طريقه مذاكرتك شوفي الطريقه الانسب لك ايه اللي بيخليك تستوعبي المعلومه بسرعه اكثر او ترجعيها بسرعه اكتر هل انك تكتبيها بايدك ولا انك تسمعيها بصوت بس ولا انك تشوفي حد وهو بيشرحها ولا انك تشوفي فيديو نتكلم عن الموضوع اصلا جايب حاجات واقعيه من الموضوع شوفي ايه اكثر حاجه لان دي بتكون طريقه التعلم الانسب لكل واحد فينا واحنا كلنا مختلفين عن بعض احنا مش زي بعض مش كلنا هنسمع الشرح ان المدرس وهتكون دي خلصت تمام الطريقه اللي هتثبت معانا يقلل تعبك وساعات وجوه باحسن النتايج ان شاء الله. حد فينا لا هو محتاج يقعد يكتب الشرح بيدوه عشان خاطر يثبت المعلومه في حد ثاني محتاج لا يروح يتفرج على فيديو توضيحي للموضوع اكثر من شرح المدرس. فانا لازم اشوف ايه الطريقه المناسبه بتاعتي وادعم نفسي على قد فهمي لنفسي والشخصيتي وطريقه استيعاب الافضل ده مهم جدا جدا الحاجات دي هتساعدك قوي قوي في انك نسبه تحصيلك تزيد لانك تكوني مركزه اكثر فان ذهنك يكون مرتب اكتر ما تركزيش مع كلام حد ما تركزيش مع تعليقات حد خليك انت في طريقك اعملي كل الجهد اللي انت تقدري عليه ان شاء الله.
تم النشر الثلاثاء، ١٧ سبتمبر ٢٠٢٤
مفيش حاجه اسمهها بحب احفظ انا كنت بقول كدا برده بس الكلام دا مش مظبوط الفكره بس فى المواد دى انها تراكمات يعنى لازم تفهم الاساس بتاعها وواحده واحده هتفهميها واللهى كل دا مش صح كل واحد مننا عنده قدرات معينهوالحاجات انفسيه لازم تخلصى منها لو عاوزى توصلى للى نتا عاوزه
تم النشر الثلاثاء، ١٧ سبتمبر ٢٠٢٤
بصي سيبك من كلام اي حد اهم حاجه تحافظي على صلاتك وكل درس انتي بتدخليه وتاخدي الواجب بتاعوا في نفس اليوم ريحي شويه وحليه الواجب وهكذا وايام العطله راجعي على قد ما تقدري كل الي فات عشان يثبت في دماغك وخلي جزء من وقتك لورد من القران وهتبقي زي الفل
تم النشر الاثنين، ١٦ سبتمبر ٢٠٢٤
لعرض السؤال في فدني اضغط هنا