ازاى اتخلص من جلد الذات و الخوف من المستقبل بسبب غلطاتى انا غلط مع حد و عملنا علاقه مش كامله و هو معاه صور ليا بس بهدوم مبينه جسمى و حاليا بندم و تُبت لربنا بس خايفه على سمعتى اوى و ندمانه لدرجه كبيره خصوصا أن اهلى بيضربونى جامد فا بقيت مازوخيه و خايفه اوى متجوزش و اموت لوحدى انا محدش كان قريب منى قبل كدا مع العلم الغلطه اللى عملتها دى كان عمرى ساعتها ١٧ سنه
مممم هو انا هقولك راى الشخصى. الذى لا يعتد به .. اولا خدى فى اعتبارك انك دايما الذكرى دى هتفضلى فى جلد الذات ده لحد ما تبدليها بذكرى افضل و الزمن هينسى .. بس لازم عامل مساعد و هى ذكرى افضل و تغيير اسلوب حياة .. ثانيا التوبه و ربنا سيحانه و تعالى باب توبته مفتوحه و أحاديث كثيره عن التوبه مفتوحه ما لم يغرغر البنى ادم .. ثالثا .. الصحبه الصالحه هتتغيرك و هتنسى اسرع.. رابعا .. متخليش نفسك فاضيه خلى وقتك دايما مشغول بذكر الله او دراسه او فيلم مسلة او اى حاجه .. المهم متبقيش فاضيه عشان متفكرييش و تتذكرى
تم النشر الثلاثاء، ٩ يوليو ٢٠٢٤
قربي من ربنا واطلبي منه المغفره بجد استعيني بيه مفيش حد فينا حياته خاليه مالأخطاء تقبلي الخطأ بس اقفي وقفه مع نفسك انك مش هتكرريه تاني ولا هتغضبي ربنا لان هو ذنب يغضب ربنا منك بس ربنا غفور رحيم ادعيله كتير وصلي وهو مش هيردك وهيسامحك علي خطإك بس لازم انت كمان تسامحي نفسك ... والانتحار مش هيفيد هتموتي كافره هتبقي بعد الشر ميته بذنب وبكفر ف الانتحار مش حل ف قربي لربنا صدقيني وادعيله كتير
تم النشر الأربعاء، ١٠ يوليو ٢٠٢٤
حبيبتي، من الواضح أنك بتمرّي بفترة صعبة وانك محتاجة دعم. خلينا نبدأ بنقاط مهمة: المغفرة الذاتية : كل إنسان بيغلط، المهم إنك تعترفي بالغلط وتقرري تتوبي لربنا زي ما قلتي. ربنا رحيم وكريم، والمغفرة بتبدأ من عنده. كمان لازم تغفري لنفسك وتقدري تكمّلي حياتك. التواصل : مهم جداً إنك تتواصلي مع حد تثقي فيه زي صديقة مقربة أو شخص بالغ وفاهم يساعدك. طلب المساعدة : لو حاسة إنك مش قادرة تتغلبي على المشاعر السلبية لوحدك، ممكن تروحي لطبيب نفسي أو استشاري يساعدك، دي مش حاجة غلط بل بالعكس هتكون خطوة إيجابية. التفكير في المستقبل : ليه تخلي الغلطات اللي فاتت تأثر على مستقبلك؟ كل يوم هو فرصة جديدة. حاولي تركزي على أهدافك وطموحاتك اللي عايزة تحققيها. التخلص من الخوف : بالنسبة للصور، حاولي تكلمي الشخص ده بهدوء واتفقوا إنه يمسح الصور. حاولي تبعدي عن أي علاقة ممكن تتسبب لك في ضرر نفسي أو اجتماعي. حماية النفس : لو اهلك بيضروك جسديًا، دي حاجة خطيرة ولازم تتحدثي مع شخص بالغ موثوق فيه عن الموضوع ده، ممكن يقدر يساعدك. حب النفس : افتكري إنك تستحقي الحب والاحترام. كوني لطيفة مع نفسك وما تكونيش قاسية. في النهاية، انتي قوية وقادرة تعدّي المرحلة دي. خديها خطوة بخطوة وشوفي إيه اللي يقدر يخفف عنك ويريحك. وأنا هنا لأي سؤال أو نصيحة تحتاجيها 💕.
تم النشر الثلاثاء، ٩ يوليو ٢٠٢٤
في كتاب جميل اسمه ابي الذي اكره سأترك لينك الوصول له ❞ وذلك كان سجنهم الحقيقي (سجن الجُرم الذي لم يرتكبوه)، ولكنهم تشربوه وصار يكبلهم ويقيدهم ويمنعهم من تحقيق ذواتهم. لم يكونوا يدركون أن أبواب الزنازين مفتوحة، وأن بإمكانهم الفرار ❝ اقرأ الكتاب على @abjjad عبر الرابط:https://www.abjjad.com/book/2770272266?utm_source=app&utm_medium=android&utm_campaign=share_quote_reader&utm_term=أبي_الذي_أكره #أبجد #أبي_الذي_أكره #عماد_رشاد_عثمان
تم النشر الأحد، ١٤ يوليو ٢٠٢٤
لعرض السؤال في فدني اضغط هنا