نفسي في حل يبعد الأفكار ديه من دماغي واتقبل نفسي زي ما هي

Question

السلام عليكم ورحمه الله وبركاته هو انا متلخبطه شويه بمعني فيه حاجات كتير اوي مأثره عليا زي مثلا انا في كليه طب بيطري في سنه تالته بس لحد دلوقتي ماما مش متقبله ده وبتقول كلام بيأثر عليا وعلي نفسيتي أن انتي لو ذاكري كويس كنتي دخلتي كليه تانيه انتي نقصتي كتير انتي غبيه وبسبب ده كله مخلياني مش حبه الكليه اكتر منا اصلا مش حباها بس انا بحاول اتقبلها واتعودت عليها بس كل مانجيب سيره ثانويه عامه تقول نفس الكلام وبسبب كده مخليني كمان مش بذاكر ومش مستقبله اي حاجه ولا الحياه نفسها وكل لما اقول اثقف نفسي في المجال بتاعي أو غيره اقول في نفسي ليه ما كده كده هموت مش هيحصل جديد يعني وكل لما اقول انا اذاكر اقول ما أنا بجتهد بس مش بلاقي في الاخر وبنقص وبروح الامتحان اتوتر وبسبب كده مش بحل كويس في الامتحان ومش عارفه اتخلص من ده ازاي نفسي في حل يبعد الأفكار ديه من دماغي واتقبل نفسي زي ما هي ومهما حد قال حاجه ميأثرش فيا والتوتر ده

Accepted Answer

وعليكم السلام ورحمة الله وبركاته، أولاً، أريد أن أقول لكِ أنه من الطبيعي جدًا أن تُعاني من هذه الأفكار في مثل هذا السن، ولا يعني أنكِ غبية بأي شكل من الأشكال. الأفكار السلبية التي تحدثين عنها هي ما يطلق عليها اسم "التفكير السلبي الذاتي". وهو شيء شائع جداً عند الكثير من الناس. في المقام الأول، أريدكِ أن تدركي أن الأشياء التي يقولها الآخرون لا تحدد قيمتك أو قدراتك ، وإذا كنتِ تحبين دراستكِ والمجال الذي تدرسينه، فذلك هو المهم بالنسبة لك. حتى لو كانت تجربتكِ في الكلية صعبة، فهذا لا يعني أنكِ غبية ولا يضر بقدراتكِ. وصف حياتك الداخلية بكل تفاصيلها، وفهم الأسباب المحددة للتفكير السلبي الذي تعانين منه. يمكنك معالجة هذا التفكير السلبي الذاتي بواسطة الممارسة الدائمة للتفكير الإيجابي وتغيير الأفكار السلبية بأخرى إيجابية، والمحافظة على نمط حياة صحي والتمرن على التنفس والاسترخاء. هذه الخطوات البسيطة قد تساعدكِ على تحسين حالتكِ الداخلية وتقليل التوتر والقلق والتذكير بأنه بإمكانكِ الاستمرار في النمو في حياتكِ وتحقيق الأهداف التي تريدينها. وبمساعدة دعم الأشخاص المحيطين بكِ وردعهم الكلام السلبي، يمكنك تغيير المنظور الخاص بكِ والسير بثقة نحو مستقبل أفضل.

Answer

وعليكم السلام ورحمة الله وبركاته طيب انتي لو كنتي دخلتي كلية طب بشري كنتى كده كده هيجي معادك وهتفارقي الحياة، كنتي هتقولي برده منا كده كده هموت هذاكر ليه وعشان ايه؟ طول السنيين ديه انتي كنتي بتذاكري وتدخلي امتحانات، وتعملي نشاطات وتاكلي وتخرجي وهكذا ... ما احنا كلنا هنموت ليه مكملين؟ يعني مثلا لو قلنا احنا كلنا كده كده هنموت ليه مكملين بقى؟ وليه اتخلقنا اصلا لما احنا هنموت؟ اللي احنا فيه ده حقيقةً مش الحياة الحقيقية، والموت هي الحقيقة والبوابة للدخول الى العالم الحقيقي واللي هو عند ربنا. انتي موجودة علشان احنا كلنا في اختبار .. اختبار مطلوب مننا اننا نحله كله؟ علشان في الاخر نعرف نتيجته. واللي مات ده خلص اختباره علشان كده مات. اول ما تيجي عليكي افكار زي كده حاربي الافكار ديه بالمنطق، اتعلمي تردي على نفسك بالحجة والمنطق، ومتسبيش للشيطان فرصة انه يدخلك من اي اتجاه. اما بالنسبة لماما .. ماما بتحبك، وكان نفسها انك تكون في احسن مكان، اتمنى انه ميكنش عندك شك في كده. انا متفهمة انك مضايقة من كلامها، ف علشان كده اتكلمي معاها ... قولي لها كل اللي قولتيه هنا، وقولي لها انا عارفه انك كان نفسك في حاجة احسن، وعارفه انك بتتمني ليا الخير، بس اكيد اختيار ربنا الاخير مننا كلنا، وقولي لها ان الكلام ده بيأثر عليكي من كذا ناحية زي ما قولتي لينا. طيب لو فضلت زي ما هي؟ ما هو الحل؟ انك متركزيش مركزش ازاي واعملها ازاي؟ اه متركزيش في كلامها، بس ركزي على نيتها، يعني الواحد ديما او غالبا لما بيجي يفكر في الكلام للاسف بيفكر في كلام اللي قدامه او فعله مش بيفكر في نيته الاساسية. يعني لو مثلا انتي ماشية في الشارع ولقيتي فجأة بنت صغيرة ضربتك .. هتضربيها، ولا هتقولي ديه اكيد بتلعب ومش قصدها يعني انها تعنفني، مش هعمل عقلي بعقلها. لو حد كمان ماشي في الشارع وكان راجل كبير وجه راح شتمك، هترجعي تتخانقي معاه، ولا هتمشي وهتشفقي عليه، وهتقولي ربنا يشفيه، وراجل غريب او غلبان او مجنون، او اي حاجة، المهم هتمشي وهتشفقي عليه. انتي هنا هتختاري تتعاملي مع ايه؟ النية ولا الفعل؟ انتي لو اختارتي تتعاملي مع النية هترتاحي كتير طبعا، لانك هتقولي ماما اكيد بتحبني، مش قصدها، هي اساسا زعلانة، وكانت عايزة حاجة احسن. ف هنا هتريحي دماغك ومش هتحطي في بالك اي كلام بقى بعد كده. اتمنى اجاباتي تكون فيها اجابة على سؤالك، واتمنى ليكي السلامة

Answer

وعليكم السلام ورحمة الله وبركاته حببتي مش تتلغبطي أبدا بآراء الناس.. الغالب فمصر العيله كلها بتدخل فمجاله وكليته فإنتي كبري دماغك من كلامهم هما خلاص اختاروا ومنك حقك تختاري وتعبتي وربنا كرمك علي تعبك.. مش شرط تشتغلي فمجال كليتك ولكن افرض فعلا حبتيه وارتاحتي فيه إيه مانع ماهو مجال مطلوب وراقي ده في كذه دوله اوروربيه طالبه دكاتره ومتطوعين فالقري عندهم وأجر كويس آوي وعيشه فوسط الطبيعة تحفه. اقعدي مع نفسك ورتبي افكارك كنتي حابه وحاليا حابه إيه ونفسك تجربي إيه ومحدش بيجري وراكي ومش هنفضل نسعي ونحاول حببتي مهما وصلنا لقمه هنستهدف القمه ال بعدها ومش هنقف لأن الحال مش بيثبت و بيتغير مامتك لو هي أسلوبها كده من زمان وفاهمه إنها كده بتحمسك يبقي اتكلمي معاها فهميها إنه لا الاسلوب ده مش مناسب معاكي وانك متفهمة حبها وخوفها ولكن بتوصله غلط لكن لو هي أصلا حد خارجي بيفضل يكلمها ويقارنلها يبقي فهميها إنك فخوره بنفسك وتعبك وهي كمان لازم تكون فخوره بده ومتسمحش لحد خارجي يهزها وممكن يبقي طبعها الندم الكتير والتفكير الكتير فإنتي مش هتعالجي نقطه معينه آنتي هتحاول تعالجي أساس الخلل وطريقه التفكير دي من إيه كلميها بهداوه وقبلها تبقي آنتي مع نفسك قعدتي كتير اتكلمتي وفكرتى مع نفسك و قررتي.. ولازم يكون كلام براحه منعا إنها تزعل أو تأثر عليكي تآني وتكوني آنتي فعلا واثقه من خطواتك

نفسي في حل يبعد الأفكار ديه من دماغي واتقبل نفسي زي ما هي

نفسية

شغف

اجتماعية

أهل

سؤال من احد أعضاء فدني

تم النشر السبت، ١٨ مارس ٢٠٢٣

6 إجابة

0 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك