ازاي انسي علاقه عاطفيه من تلت سنين وجه اتقدم ومحصلش نصيب وكل شويه بفكر فيه ومش عارفه انساه ابدا ياعني حاولي بقالنا اسبوع مش بنتكلم وتعبانه اوي ونفسي اكلموا جدا اعمل اي ؟!
فكري ايه هي اسباب الرفض ؟ يعني غض النظر انك مثلا كنتي بتحبيه .. ياترى هو اترفض ليه؟ ما هو اكيد فيه اسباب ترجع لاهلك؟ ممكن تتناقشي مع اهك وتعرفي ايه اللي شايفينه وانتي مش شيفاه. لربما يكون معاهم حق ... انتي هتاخدي وقت علشان تتعافي طبعا بس بس لازم تدركي ان ده هيعدي، وان اكيد لو كان خير كان حصل. هتعملي ايه بقى؟ بلاش شخصية بديلة الدخول في علاقة تانية بعد الانفصال، مش هتعالج ابدا اي شيء، بل هتضرك انت والشخص الاخر. استبدلي العلاقة بالرياضه، بالشغل، بالمذاكرة، بالكورسات، أتعلمي حاجة جديدة نفسك تتعلميها من زمان، العبي رياضة تخرجي فيها طاقتك، اعرفي ناس جديدة ولذيذة وايجابية، اخرجي بره غرفتك، بره الكومفورت زون بتاعتك. تعملي إيه كمان؟ من الحاجات اللي هتساعد جدا في انك تنسي أو تتعافي هي انك تفرغي كل مشاعرك في الكتابة، أو انك تحطي لحد مقرب، بل بالعكس اوقات الكتابة تغني عن الكلام مع حد، لان اوقات كتير الواحد بيكون محتاج يطلع كلام محدش يعرفه غيره وبس. اقطعي علاقتك بكل صفحاته على السوشيال ميديا، عمرك ما هتعرفي تتعافي وانتي لسه بتراقبي صفحاته على الميديا. من الحاجات المهمة أننا نعرف أن العلاقات ممكن لا تدوم. للاسف ناس كتير بتكون عامله توقعات خرافية جدا، طموح العلاقة بيكون عالي جدا، لدرجة أنها بتدخل في حالة إنكار بعد كدا. مش شرط علاقة الصداقة تدوم. مش شرط الارتباط يدوم، مش شرط يتحول لخطوبة، مش شرط يتحول لجواز. مش شرط يعني من حق اي حد في العلاقة أنه يخرج منها، احنا مش أملاك لبعض، انتي شخص كامل متكامل وهو شخص كامل متكامل. كل مرحلة من مراحل الحب، سواء في الاول كانت ارتباط أو جواز أو خطوبة، هي مرحلة مُكملة للأخرى، ومش معنى كدا إننا منعملش احتمال أنها متكملش، طبعا ممكن متكملش، وطبعا احنا محتاجين سياسية التقبل، وسياسة الرفض.
تم النشر السبت، ١ أبريل ٢٠٢٣
طبيعي تحسي انك مدايقه وتعبانه في تلت سنين وفيهم ذكريات اكيد وتفاصيل مش قليله انها تتنسي بسرعه كمان مشاعرك لسه منطفتش اتجاهه وكان في اعتياد ع تفاصيل بينكم وانقطعت بس هقولك حاجه في اوقات الاحساس الي بتبقي حساه ده مش حب للشخص نفسه قد مهو افتقاد للحاله الي كنتي عيشاها بمشاعرها وتفاصيلها بتبقي مفتقداها اكتر من الشخص بس عايزه اقولك في مواقف بتحصل ايوه بتبعدك عن شخص بتحبيه بس منتهتش يعني لو بيحب بجد مش هيقف عند انه اتقدم مره واترفض ده هيبات ع باب بباكي كل يوم عشان يوافق ويدخل ناس عشان يوافق ويكلم ناس تعرف بباكي عشان يوافقوا مش هيسكت غير لما تكوني معاه واديكي لسه قاعده تشوفي الكلام ده هيحصل ولا لا وتشوفي قد ايه هيقدر ع غلاوتك ولا هيستغلاكي ع نفسه ومش هيتعبلك وثقي ان ربنا شايلك حاجه احسن وافضل وهتبرد تعب قلبك وهيراضيكي مش هيرضى بكسره قلبك وزعلك هيراضيكي بس ادعيله كتير ان لو فيه خير يقربه ويكتبلكم الحلال ولا شر يبعده عنك وينسيهولك ويربط ع قلبك ويراضيكي ويعوضك عوض الصابرين يارب حاولي متقعديش في البيت انزلي شغلك او جامعتك او انزلي الجيم اخرجي مع صحابك اعملي اي نشاط يشغل وقتك ومتعمليش اي تصرف متهور زي انك تكلميه واستني شوفي اراده ربنا وانتي راضيه بقضائه وقربي من ربنا جدا واقرأي قرأن وسوره البقره كل يوم وادعي بالي نفسك فيه ربنا يستجيب منك ان شاء الله
تم النشر السبت، ١ أبريل ٢٠٢٣
ده احساس طبيعى لانك اتعودتى عليه وعلى تفاصيل كتير معاه وده اللى خلاكى تحسي بكده ولسه هتقعدى فترة اكتتر من اسبوع وانتى تعبانه وبتقاومى شعور انك ترجعى للروتين اللى كنتى فيه معاه . اصبرى وهتعدى الفترة دى
تم النشر الجمعة، ٣١ مارس ٢٠٢٣
طيب آنتي بتفتكري إيه بظبط هل في إحتياج معين كان هو بيقدمهولك.. لو لقيتي حد سواء أهلك أو أصدقائك أو أصلا سيبي فرصه لحد تآني يملي احتياجك ده ويشغل فراغك وتحكي معاه ويشاركك ده هينسيكي وكل مره تضعفى افتكري إنك بتظلمي نفسك وبتستهلكي مشاعرك عالفاضي.. الموضوع مش سهل بس محتاج منك حكمة وقوه لأنك تستحقي تبقي سعيده وكمان توكلي على ربنا لو هو خير ليكي هيكون ولو شر ليكي هتنسيه وادعي ربنا يشيله من قلبك وتفكيرك ويشغلك برضاه وطاعته بعيد عن أي ملهيات بتحزن الاسنان وتضيع فعمره.. كلمي نفسك كتير بالمنطق لأن المشاعر دي ما هي الا أفكار وفنفس الوقت احتويها وحني علي نفسك بلاش تستعجلي ادي لنفسك وقت كافي واطلبي من ناس ال بتحبيها تدعمك وتفضل معاكي وتسمعك وتفرغي دايما افكارك اكتبيها واحكيها عششان تبطلي تفكير
تم النشر الجمعة، ٣١ مارس ٢٠٢٣
الوقت بس هو اللى هينسيكى
تم النشر الجمعة، ٣١ مارس ٢٠٢٣
أولا، أريدكِ أن تعلمي أن الشعور بالألم والحزن طبيعي جداً بعد نهاية علاقة عاطفية، ويحتاج الأمر إلى وقت وجهد للتغلب عليه. ثانيا، إذا كنتِ تشعرين بالألم والحزن بعد ثلاث سنوات من انتهاء العلاقة، فهذا يعني أن هناك شيئًا يحتاج إلى تغيير داخلكِ. قد يكون هذا المشاعر السلبية التي تشعرين بها تجاه نفسكِ، أو عدم الرضا عن ما تقومين به في حياتكِ اليومية. لذلك، أوصيكِ بممارسة التفكير الإيجابي والتركيز على الأشياء الجيدة في حياتكِ. قد يكون من المفيد أيضًا ممارسة الرياضة أو الأنشطة الأخرى التي تساعدكِ على الاسترخاء وتحسين مزاجكِ. بالنسبة للشخص الذي تفكرين فيه، أعتقد أن من الأفضل تجنب الاتصال به لبعض الوقت حتى تتمكني من التركيز على نفسكِ والعمل على إيجاد السعادة والاستقرار داخليًا. وعندما تشعرين أنكِ قد تعافيتِ وذهبتْ لأبعد من ذلك، يمكنكِ التفكير في الاتصال به والتحدث به وربما إعادة بناء الصداقة معه فيما بعد بدون تحميله أي مسؤولية عن شعوركِ أو تلقيه ضغوطاً عن العودة لكِ.
تم النشر الجمعة، ٣١ مارس ٢٠٢٣
لعرض السؤال في فدني اضغط هنا