انتى بدأتى اول خطوة اهو ..انك تطلعى اللى جواكى اللى محدش بيسمعه غيرك وتيجى تكتبيه هنا الموضوع بتاع الخوف ده وعدم التعبير حله انك تتدربى تطلعى اللى جواكى بكذا طريقة وكذا شكل .,,,لحد ما تعرفى تردى وتقولى رأيك وكمان تتحملى نتايج اى موقف يحصل معاكى ...لو اعتبرنا انك بكماء ( لا تستسطيعى الكلام ) فانتى عندك لغة جسد ولغة اشارة ...عندك كتابة .. ضرورى تستخدمى اى طريقة تعرفى اللى قدامك انتى حاسه بايه وبعدين لما تقعدى مع نفسك ...ضرورى تعبرى بكل حاجة جواكى ..بصوتك وقدام نفسك وتسمعى نفسك وانتى بتقولى الكلام ده ...قدام المراية او كاميرا مفتوحه او تتخيلى الشخص اللى عاوزة توجهى ليه الكلام وتتكلمى بجد ( مش بس جواكى ) هتحسى بضربات قلبك سريعة وهتحسى انك مخنوقة ..بس هتبدأى تكسرى حاجز الخوف بعدها هتقدرى تنقلى على مرحلة انك تتكلمى قدام الاخرين بثقه اكبر وبردوا بالتدريج ..مره كلمة مره اتنين وهكذا وهكذا انتى ربنا خلقك تعبديه هو وبس وتخافى منه اكتر من اى حد ..ومفيش حاجة هتحصل الا باذن ربنا ...واتخلقتى حره دون حدود عبادتك للخالق..السجن اللى انتى فيه وهمى ...امسحيه من راسك هيتمسح من الواقع اعرفى ان الحرية والقرار معناهم انك تكونى مستعدة تتحملى تبعات القرار ان كان صح ولا غلط ...واى حد يخوفك او يقولك احنا خايفين انك متعرفيش تتصرفى ..وضحيلهم انك مستعده حتى لو طلعتى غلط
تم النشر الاثنين، ١٣ نوفمبر ٢٠٢٣
كان عندى صديقه بتشتكي من إلى انتى بتشتكي منه بس بعد محاولات عرفت تحرر نفسها وبعد ماكانت مجرد شخص بيسمع الكلام بس وينفذ أصبحت شخص آخر تماما وبقت هيه إلى تقول الكلمه وهما إلى يسمعوا ساعدى نفسك بنفسك ومش تفكرى فى الانتحار بس علشان موضوع زى ده مش مستاهل ادخلي على اليوتيوب وشوفي فديوهات عن كيف تبنى شخصيتك وطبقيها وحده وحده واوعدك هتكوني شخص مختلف تماما عن ما انتى عليه الوقتى وان عزتى تتكلمي مع حد وتفضفضى كلنا هنا معاكى وسمعينك
تم النشر الاثنين، ١٣ نوفمبر ٢٠٢٣
لازم شخصيتك تكون فارضه. نفسها مع اي حد وفي اي مكان لازم تجمدي قلبي اكتر
تم النشر الأحد، ١٢ نوفمبر ٢٠٢٣
لو مردتيش على اللى بيدايقك بالكلام هتفضلى كده طول عمرك خايفة وحزينة لازم تخدى قرار بالرد مهما كانت النتيجة لان نفسيتك وصحتك اهم من اى شخص متخافيش من رد الفعل لان اللى قدامك لما هيلقيكى جريئة فى الرد هيعمل ليكى حساب وهياخد باله من الكلام
تم النشر الجمعة، ١٧ نوفمبر ٢٠٢٣
انتي ممكن تعملي حاجه كويس مبداءا وهي انك اكتبي إلا انتي عاوزة تقوليه ثم بعد كده اقفي قدام المرايا وتكلمي عودي نفسك علي الكلام ،ابداء اقراء كتب حتي لو روايه ، الخطوة الابعد كده اتكلمي مع جوزك عن مسلسل أو فلام انتي شاهدته بالفعل واحكي قدامه عن تفاصيل المسلسل أو الافلام ، عودي نفسك علي كلام نصيحة ، اوووعي تعمل حاجه غلط بس انك تخلص من دا..🌸🌸
تم النشر الاثنين، ١٣ نوفمبر ٢٠٢٣
فكري فى الموضوع كويس وخدى قرار واصدمى الكل برد فعلك اعملى كل حاجه متعوتيش تعميله زعليهم بدل ما يزعلكوى انت النسخه الوحيد من نفسك مش هيجى زيك تانى هى حياه واحده الخوف بيموت صحبه كل يوم فا لو هتموتى موتى مره بس فاجى الى حوليكى برد فعل ميتوقعوش خالص
تم النشر الاثنين، ١٣ نوفمبر ٢٠٢٣
للأسف انتي كبرتي علي الخوف وعدم القدره علي اخذ القرارات اللي تخصك واللي زود الخوف ده كتمانك لمشاعرك وعدم التعبير عنها مبدئيا انتي محتاجه مساعده بما ان الموضوع وصل لافكار انتحاريه ومحاولذ انك تأذي نفسك انصحك تستعيني بمعالج .. وزي ما اتعودتي علي الخوف وعدم الكلام ومشاركه اهلك لمشاعرك ابدئ عودي نفسك علي العكس وده جزء كبير من انك تتعافي من الالم اللي جواكي ساعدي نفسك بانك تعبري وتتكلمي عن مشاعرك وتطلبي احتياجاتك استخدمي جمل أنا حاسه بكذا أنا محتاجه كذا بلاش انت عشان ميعتبرهاش اللي قدامك هجوم عليه منك من حقك تعبري عن اللي جواكي حاولي مره ورا مره هيسمعوكي .. ثانيا محتاجه تكتبي مشاعرك مع كل موقف والافكار اللي كانت بتدور في دماغك لان الافكار دي هي اللي اتسببت في الشعور اللي بتحسي بيه وبيضايقك مع الوقت الكتابه هتغير تفكيرك وتشوفي الامور من زوايا مختلفه جديده .. اكتبي قائمه بالحاجات اللي تبسطك وتغير مودك وكل يوم اعملي حاجه منها .. اشتغلي علي نفسك اقري اسمعي فيديوهات خدي كورسات اي وسيله تناسبك تشغل وقتك وتنمي من وعيك وتبعدك عن الافكار اللي ممكن تأذي بيها نفسك ربنا ييسرلك اكورك كلها يارب
تم النشر الأحد، ١٢ نوفمبر ٢٠٢٣
بصي اول حاجع لازم يكون عندك رايك وتجامدي شخصيتك بمعني تجامدي قلبي اوي وايكي تعملي حاجع انتي مش عاوزه متخليش حد يفرض سيطره عليكي انتي كبيره كفايه علي انك تخدي قرارا للي واحدك فهمه قصدي .... اهاا صح لازم تعملي علاقات وتكوني اجتماعي وتصحابي وتثقي في نفسك اكتر واتكلم بكل قويه وشجعيه متخافيش من حاجه ولو انتي مش قدره تتكلمي معيه إناس اتفرجي علي مسلسلات كوميدي ورقصي وغني حته لو صوت وحشه زي كده 😂 بس بقرف بيه ناس وخلاص.... وبس كده اتمني تكوني مبسوطه يقمره🤍🫂
تم النشر الأحد، ١٢ نوفمبر ٢٠٢٣
لعرض السؤال في فدني اضغط هنا