سني 18 سنة و هتم 19 سنة شهر 9 الجاي و كنت عايز طولي يزيد لأسباب كتيرة و الموضوع دة شاغلني جداً بقاله فترة كبيرة.. هل لو روحت لدكتور عظام هيقدر يفيدني في الموضوع دة ولا هبقي بضيع وقتي علي الفاضي و في أمل اصلا في كدة ولا لا
الي اعرفه ان نمو الجسم بيقف عند ١٨ سنه و حتي لو رحت لدكتور هيديك فيتامينات وممكن يقولك تعمل تحاليل عشان تعرف فيه ايه مشكلة عندك ويديك ادويه بس من الاخر دي جينات والدك ووالدتك ف انت ملكش دخل فيها فبلاش تتوجه لدكتور اصلا عشان متفتحش علي نفسك مجال انت مش قده العب رياضه زي السويدي هيخلي جسمك رشيق وحلو
تم النشر الأربعاء، ١٠ أبريل ٢٠٢٤
طيب انت بتروح للدكتور واه دكتور عظام بيعمل تحاليل الاول بيشوف السبب دا وراثي ولا في مشكلة فى العظام ولا فيه نقص في هرمون معين ف لو فيه نقص وغالبا هيبقى في هرمون النمو هيشتغل على أنه يزوده فبيكتب حقن (زي اللى بياخدوها اللى بيروحو الجيم) بس الحقن دى بتبقى غالية اوى لو مستوردة وبتفضل عليها فترة مش فاكرة كام شهر بس طبعا مش هتلاقيك طولت من يوم وليلة اصلا لازم وانت بتاخدها توجه الهرمون اللى دخل دا وتبدا تعمل تمارين تطول زي ستريتشينج وتلعب ع العقلة وممكن بعد م تخلص الجرعة خالص تلاقيك زدت من نص سانتى فيما فوق ع حسب اهتمامك وبتتمرني ولا لا بس برضو في ناس بتتمرنش وبتعمل الحوار دا فولا كأنه دخل جسمها فالموضوع كله ريسك ف الفلوس ولو حصل محتاج اهتمام
تم النشر الجمعة، ١٢ أبريل ٢٠٢٤
بشكل عام، لا يمكن زيادة طول الإنسان بشكل ملحوظ بعد بلوغه سن البلوغ. وذلك لأن عظام الجسم تتوقف عن النمو بعد إغلاق صفائح النمو في نهاية سن البلوغ. ولكن : يمكن زيادة الطول بشكل طفيف : من خلال ممارسة الرياضات التي تُطيل العضلات : مثل السباحة واليوغا وكرة السلة. من خلال تحسين وضعية الجسم : مثل الوقوف والجلوس بشكل مستقيم. من خلال اتباع نظام غذائي صحي : غني بالبروتين والكالسيوم وفيتامين د. لا يُمكن الاعتماد على : تمارين الإطالة : لا تُطيل العظام بشكل مباشر، بل تُطيل العضلات فقط. الأجهزة والمكملات الغذائية : لا يوجد دليل علمي يدعم فعاليتها في زيادة الطول. ملاحظة : يختلف سن البلوغ : من شخص لآخر، ويعتمد على عوامل جينية وبيئية. يُمكن استشارة الطبيب : لمعرفة المزيد عن إمكانية زيادة الطول في حالتك.
تم النشر الثلاثاء، ٩ أبريل ٢٠٢٤
اطالة عظام الاطراف السفلية يحتاج الى عملية باستخدام ليزاروف و لكن لا انصح حضرتك بها لما يترتب عليها من مضاعفات، هناك فرصه لحضرتك في زيادة الطول بحكم ان عظام البالغين تلتحم بالكامل عند سن ال 25 عاما
تم النشر السبت، ٢٧ أبريل ٢٠٢٤
في فيتامين بس لازم تسأل دكتور عليها علشان طولك و هتفرق معاك .ان شاء الله واعمل تمارين
تم النشر الأربعاء، ١٠ أبريل ٢٠٢٤
مش عارف اقلك ايه بس الطول ويعتمد بنسبه كبيره علي الجينات الوراثية حاول تعمل تمارين جم بس لازم تخلي بالك من الإصابات علشان معظم الجمات بيبقى المدربين مش متخصصين ف ال تدريب .
تم النشر الأربعاء، ١٠ أبريل ٢٠٢٤
لعرض السؤال في فدني اضغط هنا