بحس دايما ان انا مش عايشه حياتي ذي باقي البنات و مش عارفه اعمل ذيهم يعني ولا بحب المكياج ولا حتى لبس البنات ولا بفكر ف هلبس ايه و لا هعمل ايه و اظبط نفسي ذيهم ولا بهتم ببشرتي ذي اي بنت ولا بتكون متعتي ف ان انا اهيص مع صحابي البنات و نرقص سوا و نغني ولا متعتي ف ان انا اتكلم على كذا و كذا و لا حتى بحب واحد او بعجب بواحد حتى دايما بتجنب اي حاجه ليها علاقه بالحب
و دا دايما مخليني حاسه ان انا غريبه جدا و المفروض اعمل ذيهم بس حاولت كذا مره اعمل كدا بس فشلت و رجعت اقول خليني على طبيعتي خصوصا ان انا مبحبش اي حاجه من دي
بجد بقيت بحس نفسي غريبه اوي وسط صحابي خصوصا انهم من النوع اللي بيحب يحط منوكير و مكياج و يظبط نفسو ونا بكره كدا جدا مش عارفه اعمل ايه هل ابقا على طبيعتي و اعمل اللي بحبو ولا المفروض ابقا ذيهم عشان مبقاش غريبه ؟
بصي يا جميل .. مش كل الناس زي بعضها ومش كل الناس هتحب نفس الحاجات .. انتي عندك فيه ناس مش بتحب الكلام ده، يعني مش انتي لوحدك. ولا كل الناس هدفها بيبقى الزواج ولا الحب .. فيه ناس مش حابه مثلا انها تكون اسرة .. عادي ايه المشكلة في كده هما احرار .. هما ولا عاملين حاجه ولا غلط ولا حرام. ف متعمليش زي حد، كوني نفسك وبس، وعلاقات الحب مش من غير ارتباط شرعي اساسا هي حرام، ف انتي لو كنتي متجنبة ده، يبقى انتي كده في السليم. اما لو مش عايزة تتجوزي في يوم من الايام، ف برضه عادي ده شئ يرجعلك، ومش انتي الوحيدة اللي بتفكري كده. وبالمناسبة مينفعش البنت تبقى ملفتة بره البيت .. لازم تبقى ملتزمة بالزي الشرعي طبعا.. بقدر الامكان. ف اعملي اللي يرضي ربنا، ويرضيكي برضه. وملكيش دعوة بحد.
تم النشر الاثنين، ١ يناير ٢٠٢٤
خليكي على طبيعتك ملكيش دعوة بحد واكيد مع الوقت هتلاقي نفسك عايزه تعملي الحاجات دي كلها وبعدين مش شرط الناس كلها يبقا تفكيرهم واحد
تم النشر الثلاثاء، ٢ يناير ٢٠٢٤
هل كان عندك الاهتمامات دى وانتى صغيرة ولا لا؟ حطيتى مكياج ومانيكير ونفس الحاجات دى أهميتها بيها فى صغرك ولا زى ما انتى كده
تم النشر الثلاثاء، ٢ يناير ٢٠٢٤
مش كل الناس ذي بعضها كل واحد له ميوله و اهدافه
تم النشر الاثنين، ١ يناير ٢٠٢٤
اوقات كتير المجتمع بيضغط علينا عشان نكون في شكل معين ونبقي كلنا شبه بعض فمحتاجين ناخد بالنا ايه الحاجات اللي بجد احنا عايزنها وايه الحاجات اللي بتفرض علينا اما بالنسبة احساسك إنك مش شبه صحابك فدي حاجة انتي اللي لازم تقرريها اما انك تكملي في الصداقة دي بس هتبقي محتاجة تشتغلي علي انك تبقلي الناس بأختلافهم عنك من غير ماتحسي بغربه وسطهم يعني تبقي قابله اختلافك عنهم من غير ما تحسي بخزي من دا ومحتاجه تشتغلي علي قبولك لنفسك بأختلافها دا او الحل التاني انك تدوري علي مجتمع تاني يكون شبهك اكتر
تم النشر الاثنين، ١ يناير ٢٠٢٤
مش لازم نتصرف زي اللي حوالينا عشان نبان طبيعين
تم النشر الثلاثاء، ٢ يناير ٢٠٢٤
خليكي ع طبيعتك أحلي بس نصيحه من بنت لبنت حاولي مثلاً تشوفي الحاجة ال بتحبيها زي مثلا مش بتحبي الميكب تقدري تعملي مسكات واهتمامات بالبشره تسريحات شعر جديده الاستايل اهم حاجه يكون واسع محتشم كده أنتي ع طبيعتك وف نفس الوقت مهتمه بنفسك كبنت ومتحسيش نفسك غريبه او حاجه ناقصه فيكي 🤍
تم النشر الأربعاء، ٣ يناير ٢٠٢٤
حاولي تكتشفي نفسك وتفهميها
تم النشر الأربعاء، ٣ يناير ٢٠٢٤
بجد بارك الله فيكي وفي تربيه اهلك ليكي ...انا شخصيا لو قابلت واحده زيك في حياتي هعتبر أنك هديه من ربنا..
تم النشر الثلاثاء، ٢ يناير ٢٠٢٤
كده اجمل🌹
تم النشر الثلاثاء، ٢ يناير ٢٠٢٤
لا انتي مش لازم تبقي زيهم عشان تعجيبيهم لأنك هتحققي نفسك غريبه ومش دايما هتكون مبسوطه وخلي في مخك أن المختلف جيد
تم النشر الاثنين، ١ يناير ٢٠٢٤
بصي مش لازم تبقي زاي حد أو تبقي شبه حد ..كوني مختلفه وعلي طبيعتك..ولكن ميمنعش انك تتجملي ويكون مظهرك لافت طبعا طبقا للحدود..ده لا عيب ولا حرام..بالتوفيق
تم النشر الاثنين، ١ يناير ٢٠٢٤
لا طبعا على وضعك، مادام مش بتتصرفي على هواكي بما يغضب الله، ربنا يرضى عنك، بس لا مانع انك تكوني صداقات مع هؤلاء، يعني بلاش تقاطعيهم عشان مجرد مش على ذوقك.. عادي هم يتقبلوا الاختلاف والاذواق طبيعة
تم النشر الاثنين، ١ يناير ٢٠٢٤
شكرا 💗
تم النشر الاثنين، ١ يناير ٢٠٢٤
انتى كدة مميزة واحسن منهم بكتير خليكى زى مانتى
تم النشر الاثنين، ١ يناير ٢٠٢٤
قال رسول الله صلى الله عليه وسلم لا يكن أحدكم إمعه ...والاختلاف تميز البنت صفتها الحياء والالتزام بالضوابط الشرعيه اللي فرضها عليها ربي من كل الجوانب والاهتمام بالمظهر ف حدود الادب كما جاء ف كتاب الله وأن لا تظهر المرأه زينتها للناس حتى لا تكون لهم فتنه مع الاهتمام بنظافتها الشخصيه دون مكياج او لفت للانظار
تم النشر الاثنين، ١ يناير ٢٠٢٤
لعرض السؤال في فدني اضغط هنا