اتعرضت للتحرش وانا صغيرة من قريبي و لسه لحد دلوقتي بخاف جدا ان حد يلمسني و بخاف وانا نايمه ان الشخص دا يخش يتعرضلي تاني عشان احنا بيت عيله مش عارفه اتعامل عادي بحس ان الغلط مني انا مع ان كنت صغيرة خالص قولت لماما و بابا معملوش حاجه بالعكس بقوا يشكوا فيا انا... انا مش عارفه اعمل ايه انا بقى الحوار كعقده عندي اسفه لو الشرح مش كفايه مبعرفش احكي
اهلآ وسهلآ بكي عزيزتي يؤسفني سماع ذالك حقآ وانا أشعر كم هو صعب ما مررتي به وكم هو صعب أن تشعرين من حولك او عائلتك يشعرون بالسوء ظن اتجاهك ولكن دعينا نركز على مشكلتك انتي ...اولآ يجب عليكِ ان تمنعي اية افكار سلبية تواجهك ويجب أن تعلمي جيدآ كيف تتصالحين مع نفسك ولكن لا تتجنبي تلك المشاعر السلبية بكبتها وعدم مواجهتها او نسيانها لان الأنسان لا يبقى بذاكرته سوى ما يحاول نسيانه لذلك دعي الوقت لمشاعرك حينها سوف تتغلبين عليها وتتوقفين عن رؤيتها سلبية وتذكري أين انتي الأن وما تخطيتِ، كوني واثقة جيدآ انك سوف تكونين على مايرام وستعبرين كل تلك العقبات صلي جيدآ حفظكِ الله من كل شر عزيزتي أتمنى لكي الشفاء بأسرع مايمكن..
تم النشر الثلاثاء، ٣ سبتمبر ٢٠٢٤
بصي يا ست البنات اول حاجه كده العيب مش عندك نهائي واوعي تشيلي نفسك ذنب مش بتاعك وملوش أساس من الصحه علشان متتعبيش الحاجه التانيه انك تسالي نفسك سؤال واحد بس ايه الفرق بين وانا صغيره و انا كبيرة وهتعرفي كويس أن في حاجات بتحصل من صغرنا مش بنتقبلها بس لما بنكبر بنبتدي نشوف الدنيا بطريقه مختلفه ونقول ياااهه كنا صغيرين حتي لو فات شهر انتي دلوقتي اكبر من الاول واعقل وتقدري تشوفي نفسك صح لان الطريقه اللي انتي شايفه نفسك بيها هي اللي الناس هتشوفك بيها وعلى فكره الحوار ده متكرر كتير وناس كتير حصل معاها كده انتي مش لوحدك وربنا حاسس بيكي قربي منه وهتلاقي كله اتحسن تحياتي ليكي ❤️
تم النشر الأربعاء، ٤ سبتمبر ٢٠٢٤
انا عاوزاكى تدربى نفسك على حاجة واحده الاول عشان تسهل عليكى العلاج انك تبصى للشخص ده بقرف وغضب كل ما يجى قدامك سكوتك عن مشاعرك الخاصه بالموضوع ومحاولتك للتعامل بشكل عادى فى وجوده هيصعب تجاوزك للموضوع بعدها ممكن ندخل فى تفاصيل تجاوز الموقف ان شاء الله
تم النشر الثلاثاء، ٣ سبتمبر ٢٠٢٤
أختي العزيزة، أشعر بمدى الألم والضغط النفسي الذي تمرين به، وأود التأكيد لك أن ما تعرضت له ليس ذنبك، ولا يجب أن تشعري باللوم تجاه ما حدث. من المهم أن تعرفي أنك لست وحدك في هذا المجال، وهناك الكثير من الدعم المتاح لك. أوصيك بشدة بالبحث عن مساعدة من متخصص في مجال الصحة النفسية، سواء كان ذلك عبر العلاج النفسي أو الاستشارات. المهنية يمكن أن تساعدك على معالجة مشاعرك وأفكارك بشكلٍ فعال، وتمكينك من التغلب على تلك التحديات. قد تجدي أيضًا فوائد في الانخراط في مجموعات دعم، حيث يمكنك مشاركة تجربتك مع آخرين قد مروا بمواقف مشابهة، مما يساعدك على الشعور بأنك أقل وحدة. احرصي على العناية بنفسك، واعتني بصحتك النفسية بقدر اهتمامك بصحتك الجسدية. تذكري أن السعي للحصول على الدعم هو خطوة شجاعة، ومُشجعة للغاية. إذا كنت بحاجة لمزيد من المشورة حول كيفية الوصول إلى هؤلاء المتخصصين، سأكون سعيدة لمساعدتك.
تم النشر الثلاثاء، ٣ سبتمبر ٢٠٢٤
معنديش حد قريب مني
تم النشر الثلاثاء، ٣ سبتمبر ٢٠٢٤
للأسف رد فعل اهلك هو السبب انك فقدتي الامان حاولي تتكلمى مع مختص نفسي هيقدر يفيدك ازاى تتخلصي من الشعور ده وحاولي دايما تقفلي ع نفسك بالمفتاح لو تعرفي وياريت لو تشغلي نفسك بأي شئ مفيد يضيع وقت ويسحلك فيه عشان تنسي الموضوع علي قد ما تقدري ولو في حد بتثقي فيه من اهلك وقريب منك احكيله وفهميه كل حاجه جواكي
تم النشر الثلاثاء، ٣ سبتمبر ٢٠٢٤
لازم تعملي ليكي حدود وشخصيه قويه علشان اللي يقرب منك يفكر الف مره علشان ياخد الخطوه أما لو انتي سايبه نفسك كده واللي يقرب يقرب هتخافي من اي حاجه وحياتك هتسوء عن الاول وشخصيتك هتبقي ضعيفه متسمحيش لحد يقرب منك اللي يقرب وقفي عند حده
تم النشر الثلاثاء، ٣ سبتمبر ٢٠٢٤
حبيبتي انتي مليكش ذنب في حاجه فلو مفروض حد يلوم نفسه هو شخص عديم اخلاق اللي تسببلك في هذا الاذي وانتي كنتي طفله ويمكن مكتش عندك ادراك وده بيكون بسبب صدمة مش عارفه تعبري عن اللي حصلك اتكلمي مع اي حد قريب منك لو ناس في عيله عندك متفاهمين ولو موضوع ماثر عليكي تابعي مع طبيب نفسي عادي مفيش حاجه
تم النشر الثلاثاء، ٣ سبتمبر ٢٠٢٤
لعرض السؤال في فدني اضغط هنا