السلام عليكم انا محمود عندى 20 سنة انا خلصت دبلوم وكنت بقدم في معهد ومحصلش نصيب ووقفت تعليم كده والحمدلله انا هدفي اللي نفسي اوصل ليه انى ابقي لاعب كورة كبير واخلي اهلي يبقو فخورين بيا واشوف ده في عينيهم كنت بلعب في كذا نادى صغير درجة رابعة لحد ما في ماتش اتصابت وعملت عملية وقعدت 4 شهور فالبيت غير انى بشتغل وبصرف علي نفسي ومش عندى صحاب وداخل الجيش كمان اسبوع انا فعلا تايه جدا وخايف انا بصلي علطول وملتزم الحمدلله بس الخوف من بكرا ده بيرعبنى البلد دى مش بتساعد الشباب خلاص وبتدفنهم ولا عارف احقق واوصل لحاجه نفسي فيها ولا في طريق للجواز الحلال في البلد دى ممكن نصايح ومساعدة اعمل ايه لما افكر في بكره بتعب وبعيط لحد ما دماغي توجعنى جامد ياليت وبحس علطول بتوحد وانى مش مرغوب فيا من الناس ممكن مساعدة
أول حاجة لو حضرتك بتفكر في بكرة سواء كتير أو قليل فأنصحك انك تحاول تخرج مخاوفك دي بطرق مختلفة زي التدوين ، الرسم ، الكلام لان التفكير في بكرة لا ينتج الا عن خوف ورفض للواقع ممكن تشرحلي ازاي حاسس بتوحد أنا احساسك انك مش مرغوب فيك ده بسبب أن حضرتك عندك مخاوف وطموح كتير حاول دايما انك تقنع باللي في ايدك وتحبه وتحاول تستعمله في مصالحتك بعد كدة اتعلم حاجات جديدة
تم النشر السبت، ١٣ أبريل ٢٠٢٤
زي من 10 سنين مثلًا مكنتش تعرف إن كل اللي حصل ده هيحصل أنت كمان متعرفيش بكرة الصبح ايه اللي هيحصل ربنا قادر يغير كل حاجة في لحظة اسعى واعمل اللي عليك ومالكش دعوة بالنتيجة دي ترتيبات ربنا وافتكر دايمًا وأن ليس للإنسان إلا ما سعى..
تم النشر السبت، ١٣ أبريل ٢٠٢٤
وعليكم السلام متربطش نفسك بحاجة أو حتى بلد حدد هدف واسعى له واستعن بالله ولا تعجز وخلي عندك اكتر من خطة توكل على الله امشي خطوة بخطوة ولا تتعجل النتائج
تم النشر الجمعة، ١٠ مايو ٢٠٢٤
مبدئيا انت لسه صغير و العمر طويل قدامك أن شاء الله محتاج دلوقتي تهدأ و تبطل تفكر في اي حاجه تقلقك و تبدأ تفكر في كل الاحتمالات و كل المجالات الممكنه دي فتره محاولات بالنسبالك لحد ما تلاقي الشغل اللي هتستقر فيه لكن جرب اشتغل في هذه حاجه و اثق أن ربنا مش هيضيع تعبك ز هيبقى معاك و يوقفلك ولاد الحلال في كل خطوه ماتيأسش و ادخل كده اتكش في اي حاجه تقابلك اكتسب كذه خبره كل ده هيفيدك قدام أن شاء الله
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا