اوقات كتير ببقى أنا معايا الحق و كل حاجه و مش بكون خايفه خالص و لا اي حاجه بس لما اروح أواجه الشخص ده احس اني خايفه كده و اتوترت جامد و مش عارفه اجمع و ده بيخليني إبان اني ضعيفه و مش هعرف اخد حقي دايما بحس من العواقب الهتحصل بعد الأنا هقوله ده مع اني أنا المعايا الحق
هو حلو إنك عارفه وقادرة علي نص الطريق وهو حاجتين.. إنك متأكدة معاكي الحق وإنك مش خايفه تواجهي أصلا وده بجد حلو آوي آوي.. التوتر طبيعي لأنها حاجه مجهوله مهما عملتي احتياطات و سيناريوهات وتدريب علي ردود الفعل الممكنه برضو هو موقف أصلا يستدعي التوتر فمتهاجميش توترك أو تقولي لنفسك ده يضعفك،، بالعكس كون إنك رحيمة وحريصه علي كلامك يبقي لين وحكيم وصارم مش يبوظ الدنيا حواليكي ده حلو آوي إنك تكوني حليمه ولكن هي فن وحرفه إنك تقولي كلمه ب ١٠ جمل وتبصي نظره وآحده بنقاش كامل وده بس بيحتاج منك تقرأي كتير ف شخصيات الناس عشان تقدري تتعاملي بعقولهم وتدخلي لهم من نقاطهم وتتدربي علي الثبات فالرد والهدوء.. فإنتي قبل المواجهة تبقي عارفه هتكلمي فإيه وممكن استعيني بالكره الضاغطه واتنفسي كويس اثناء المناقشه منعا للغضب وطبعا استعيذي كتير من الشيطان وافتكري إن الشيطان يكمن ف التفاصيل ف اتكلمي فقط ف المهم والاساس بلا مماطله ولا تسمحي أصلا بها من الطرف الاخر.. طبعا الكلام بهداوه واحترام لان أيا كان ده بيعكس تربيتك آنتي حافظي عليها ولكن لو الشخص ال قدامك قليل ورخيص فاسلوبه يبقي سعتها كلمتين بصوت شديد إنه إنسان غير محترم ومش تسمحيله بكده ولو محترمش نفسه يبقي مع السلامة.. وفكك من نظره الناس.. كتير من قله حيلته ممكن يقولك سكوتك ضعف مثلا! بس الناس البلطجيه! لا طبعا، ده القوة والعزه إني مدخلش نفسي أصلا ف الوسط ده.. واسيبه وامشي يهري مع نفسه. فدايما نظرتك لنفسك آنتي اكتر حد واعي بيها مش الناس..
تم النشر الأربعاء، ١٥ مارس ٢٠٢٣
وتفتكري ايه العواقب اللي ممكن تحصل بعد اللي انتي هتقوليه؟ الشخص ده هيزعل يعني؟ او ايه اللي ممكن يحصل؟ هل خايفة انه يزعل او يضايق او ان الموضوع يكبر؟ لو خايفة على انه يزعل او يضايق؟ طيب ما يزعل .. انتي في الاصل اللي متضررة من الموضوع .. انتي اللي معاكي الحق .. هترك لكي سؤال مشابه لسؤالك اتمنى الاجابات تكون مفيدة ليكي https://fedni.net/q/81320362/ازاي-ماخدش-كل-حاجة-على-اعصابي
تم النشر الأربعاء، ١٥ مارس ٢٠٢٣
لكي تكوني جريئة وأن تواجهي الآخرين عندما تكون لديك حق، يمكنك اتباع الخطوات التالية: 1- تحديد الحق الملموس: عليك أولاً أن تتأكدي من أن لديك حق حقيقي وبما مرتبطة به الأدلة الواضحة، حتى تكوني واثقة من موقفك. 2- التفكير والإعداد المبكر: مع بذل المزيد من الجهد على التفكير والإعداد المسبق ، ستشعرين بالثقة والأمان قبل المواجهة. تفكري في جميع الأحتمالات وتجهزي خيارات عديدة لتحقيق الهدف الكبير الذي تريدينه. 3- التعامل بامرئيات الآخرين بصورة حميمية: قد تكون المواجهة مع الآخرين مرهقة أحيانا، لذلك عليك أن تعاملي الآخرين بحميمية وتوضح لهم بأسلوب واضح تفاصيل موقفك. 4- التعامل بالهدوء: حاولي التعامل بروية وهدوء، سيجعل ذلك الآخرين يدركون أنك تعتمدين على أحمال القوة والثقة، وبالتالي المهمة ستكون عليهم ضمن المزيد من الحوارات والنقاشات. 5- مشاركة رأي المحيط بك: حاولي مشاركة رأي أصحابك ومحيطك الاجتماعي المفضل بمسألة التي تواجهيها، قد يتحمسون لتقديم النصح وحل المشكلة. 6- البقاء على العزيمة : عليك البقاء على عزيمتك ورفد نفسك بالطاقة الإيجابية، للمحافظة على حالتك وصلابتك أثناء المناقشات والحوارات. 7- البقاء مؤدبا: في النهاية، عليك البقاء مؤدباً ومهذباً، حتى وإذا كان الآخرون يخالفون موقفك، تحافظ على هذا السلوك الحيوي المثالي ولا تسمحي لمكاسبهم الجانبية بإلحاق الأذى بك.
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا