السلام عليكم
مشكلتي حاسه انها ملهاش حل
انا اتعرفت ع شخص من السوشيال ميديا كنا صحاب جدا بعد فتره اعترف بحبه وانا كنت قلقانه بس اتعلقت بيه وحبيت شخصيته ومعاملته ليا الشخص ده بيحبني ويدعمني جدا وعمري مشوفت منه حاجه وحشه وناوي ع خطوبه وحقيقي بيسعي دايما عشان يخطبني ف اسرع وقت بس المشكله هنا فيا وف اهلي.
اهلي دايما بيتمنولي حاجه كويسه وحد عالي وكده عالي ف تعليمه ف مادياته كده عاوزين عيشه مرتاحه ليا انا فهماهم لكن الشخص اللي انا بحبه ده هو مستواه الدراسي اقل مني بس ده مش فارق معايا والاجتماعي والمادي بردو مش زينا فانا مش عارفة اعمل اي بقالي سنه مرتبطه بالشخص ده وهو مصمم عليا وانا خايفه من اهلي ليرفضوه وكمان حاجه مأثره عليا شويه في حوار شكله هو في الشكل انا متقبلاه بس صحابي بيقولو لا انا استاهل حد احسن منه ودايما كلامهم بيأثر فيا وانا متعلقه بيه جدا وهو شخص محترم اوي وعمره متعدي حدوده معايا لكن كلام صحابي ماثر عليا وبقيت بشوف نفسي كتيره عليه انا تعبت ومش عاوزه اخسره عشان في الزمن ده قليل اني الاقي شخص يفهمني زيه
معايير الزواج سهلة جدا زوج يكون عارف ربنا و عنده دين و محافظ علي الصلاة و مترضيش بأقل من كده ، و يكون هادي الطباع و متزن لكن عنده شخصية و مش ابن امه ولا بتاع أصحابه و لا كلام من ده و متاخديش المدمن تحت أي ظرف من الظروف مهما كانت المغريات و يكون راجل عارف يعني ايه قوامه و عارف انه هيفتح بيت و انه زوجته دي أمانة في رقبته و يكون عنده نخوة ، لو جالي واحد يكلمني من الشباك و الباب بيخبط هروح اشوف اللي واقف علي الباب .. لانه جاي بطريقة طبيعية لا اختلاف فيها ، اهلك بعد كل العمر اللي عاشوه بقي ليهم نظرة و عارفين ان المعايير الأساسية بس هيه اللي بتنفع في الجواز و ان الحب مش كافي لوحده علشان يفتح بيت و يحافظ عليه نصيحتي ليكي بلاش بسبب عدم وجود خبرات عاطفية توقعي نفسك في الغلط و خلي بالك فيه شوية قرارات في حياة الإنسان لو عملها غلط بيعاني بسببها مدي الحياة واحدة من القرارات دي اختيار الشريك المناسب .. شوفي العريس بتاع اهلك و مين عارف ممكن يكون حب حياتك بعد كده .. خلي معايير و مقاييس و طريقتك في اختيار شريك حياتك مقاييس ربانية و اطلبي من ربنا انه يوفقك و صدقيني اللي فيه الخير تشوفيه ، أما الشخص التاني فأنا و اي حد شايف ان مفيش تكافؤ من الاول و دي لو مأثرش عليكي هيآثر عليه و ممكن يحس انك اعلي منه و غالبا دا هيحصل ، و بعدين مين قالك انك لو حصل و شوفتي عريس اهلك مش هيحصل حب ..؟! أبواب الحب مبتتقفلش . بس الاختيار السليم هيوفر لك حياة كريمة و مريحة و بيئة مناسبة لعمل بيت و أسرة .
تم النشر الجمعة، ٢٧ سبتمبر ٢٠٢٤
لو كنت شوفت البوست ده من سنتين كنت هقولك اتمسكي بيه والحب والخ الخ وكل هري المسلسلات الهندي او التركي ده بس بجد بواقع خبرات شوفتها بلاش بلاش بلاش هتنتهي نهايه مأسويه اوي اوي كمان ومش كدا وبس هتبقي بمشاكل ولحظات المشدات بينكم بقي هتسمعي كلام هيندمك كل لحظه ...... عادي الحياه عباره عن تضحيات انا مثلا كنت معجب بوحده بس حالتها الاجتماعيه افضل + هي عايشه في مكان افضل عن بلدي الاصل ) هل انا أكابر واروحلها برضو ؟؟! اكيد لا لا حتي لو هي بتحبني فلازم اراعي مشاعرها برضو هي اتعودت علي نظام عيشه معينه هتوفره تمام مش هتوفره يبقي بلاشها خالص ده غير كل مستوي معيشي او تعليمي بيبقي له افكار وعادات مختلفه و ده غير لحظات الخلافات لما يبقي فيه فروق بتبقي قاسيه اوي اوي اوي اوي يعني فليه !! ليه تحط نفسك في موقف وحش موقف ممكن يخليك تندم علي كل لحظه كل ذكري كل ثانيه حرفيا مريت وبتمر بيها لا لا خالص
تم النشر الجمعة، ٢٧ سبتمبر ٢٠٢٤
وعليكم السلام اللى انتى بتقولى انك عارفاه ومش عاوزه تخسريه دى اولا مش معرفه حقيقية...لان مفيش تعامل حقيقى ..السوشيال واللى من على بعد ده وكمان بطريقة الارتباط الغلط ده ولا حاجة فى التعاملات الحقيقية انك مقتنعه بكلام صحابك وبكلام ماما وبابا ده بيأكد انه الشخص ده مش هو اللى يناسبك فعلا و ان الموضوع لطيف بس مؤقت من الاخر كده ولو حتى الشخص ده كان جاى يتقدم عادى وانتى بردوا متأثره بكلامهم يبقى هو مش مالى عينك بشكل كافى وده سبب يمنعك اصلا توافقى على الجواز من اى شخص الاعجاب شىء لطيف بس مش ده اللى بنبنى عليه حياتنا ابدااا
تم النشر الجمعة، ٢٧ سبتمبر ٢٠٢٤
وعليكم السلام ورحمة الله وبركاته. أقدر شعورك وما تمرين به من مشاعر متضاربة. من الجميل أنك وجدت شخصًا يساندك ويحبك، وهذا يعني الكثير في عالم مليء بالتحديات. الأمور التي تواجهينها مع الأهل والأصدقاء طبيعية، ومن المهم أن تعيشي مشاعرك على حقيقتها. بالنسبة لأسرة، فإنه من الطبيعي أن يتمنوا لك الأفضل، لكن عليك أن تتذكري أنه في النهاية، أنت من ستعيشين حياتك معهم، وليسهم. من المهم التحدث مع أهلك بصراحة عن مشاعرك وعن الشخص الذي تحبينه، وكيف أنه يدعمك ويجعل حياتك أفضل. بخصوص تأثير أصدقائك، يمكن أن يكون لهم دور في تشكيل آرائك، لكن تذكري أن الاختيار النهائي هو قرارك. الأهم هو تقييم مشاعرك تجاه هذا الشخص بموضوعية؛ إن كان يعاملك بكرامة واحتواء، فهذا هو الأساس. فكري في سبب حبك له وما الذي يجعله مميزًا بالنسبة لك. حاولي التركيز على الجوانب الإيجابية في علاقتكما، وتجاهلي التعليقات السلبية التي قد تؤثر على رأيك فيه. تحديات الشكل والدخل والنسب هي أمور قابلة للتغيير إذا استمررتما معًا في بناء حياة مشتركة تقوم على الحب والدعم المتبادل. أختم بكلمات من الصحابة، حيث قال أبو الدرداء: "من أحب شيئاً غير الله عذب به"، لذا تأكدي أن حبك وتقديرك لهذا الشخص يأتي من قلبك، وليس بسبب الضغوط الخارجية. كوني صادقة مع نفسك، واذكري الله دوماً في خطواتك، واستشيري الله في قرارك. أسأل الله أن يوفقك في اختياراتك وييسر لك السبل.
تم النشر الجمعة، ٢٧ سبتمبر ٢٠٢٤
قال رسول الله صلى الله عليه وسلم في حق الرجل إذا اتاكم من ترضون دينه و خلقه فزوجوه أما أي شيء آخر فله حل باذن الله
تم النشر الجمعة، ٢٧ سبتمبر ٢٠٢٤
لعرض السؤال في فدني اضغط هنا