اعمل ايه عشان اقدر ابدأ مذاكرة
انا في اعدادية ودرجتي الترم الاول مكانتش مرضية بالنسبة لي وقولت هبدأ جد الترم ده وانا نقصت كتير بسبب التوتر والتفكير الزيادة وعدم انتظام النوم والاكل
عندي مشكلتين
الاولى اني بقول اني هذاكر وافضل اأجل واقول ساعة كمان بريك والوقت بيضيع
ممكن لو في حل او طريقة ابدأ بيها صح ؟
المشكلة التانية اني ببقا متوتر جدا لمجرد ان في امتحانات حتى لو مذاكر وبفقد الشهية للاكل ومش بعرف انام وحتى مش بقدر اعمل اي حاجة ممتعة حتى ولا ببقى قادر اتكلم كتير وطبعا النوم بيبقى مش منتظم لاني بسهر اذاكر ايام الامتحانات
ومش عارف ايه الحل للتوتر والتفكير الزائد ده لانه بيأثر على كل حاجة حتى غير الدراسة
بص المشكلة الاولى هتلاقى ليها حل ان شاءلله وهى انك تعمل جدول وتخلص كل اللى عليك متقولش مش هتلحق صدقنى لو فاضل يوم هتلحق اسمع على اليوتيوب محاضرات مراجعة نهائية المشكلة التانية بلاش توتر وسيبها على المولى عز وجل ربنا قال وان ليس للانسان الا ما سعى وان سعيه سوف يرى
تم النشر الاثنين، ٢٥ مارس ٢٠٢٤
متضغطيش علي نفسك يعني اقنعيها بالصح بدل ما تجبريها ودايما يبقي عينك انك تعملي اللي عليكي
تم النشر الثلاثاء، ٢٦ مارس ٢٠٢٤
اعمل تمارين التنفس العميق للتخلص من التوتر والقلق .. حدد ميعاد للنوم المبكر والاستيقاظ المبكر اعمل مخطط أو جدول بالمواد المراد دراستها ومدتها طبق استراتيجية (25_5) بمعنى ذاكرة 25 دقيقه وخذ راحة ٥ دقائق وكرر لمدة ساعة وفي الساعة الثانية كرر نفس الخطوات ولكن فترة الراحة تكون 10 دقائق.. ابتعد عن المشتتات والاجهزة الإلكترونية وقم باغلاقهم عند بدء المذاكرة ابتعد عن الأجهزة الإلكترونية قبل النوم بساعتين.. اهتم بشرب الماء والاكل الصحي .. كافي نفسك عند انجاز كل مهمة أو جزء جاوب على الاسئلة التالية: ليه عايز تركز وتذاكر ؟ وايه اللي هيحصل لو ركزت وذاكرت؟ اوصف شعورك في حالة تحقيق التركيز؟ اوصف شعورك في حالة عدم تحقيق التركيز؟ ايه اللي ممكن يمنعك من التركيز؟ كيف تتخلص منه ؟ مين المسؤل عن تحقيق هدفك؟ من يمكنه مساعدتك؟
تم النشر الثلاثاء، ٢٦ مارس ٢٠٢٤
ما ينفعش تقول ها أجل المذكره انا كمان عملت كده في الترم الاول وجبت درجه مش عجباني و بس دلوقتي بحاول اني اذكر علي شان ققدر اوصل لحلمي
تم النشر الاثنين، ٢٥ مارس ٢٠٢٤
اعمل جدول مذكره حاول تمنع التوتر وتقول أنا ان شاء الله هنجح يعني ادي لنفسك امل انك هتنجح علي شان تفرح نفسك وتفرح قلبك وقرب من ربنا
تم النشر الاثنين، ٢٥ مارس ٢٠٢٤
من حاجات اللى ساعدتنى اذاكر انى اقعد فى مكان هادى و احط السماعه و اشغل فيديوهات study with me بيبقوا 5/4/3 ساعات و مش لازم تمشى بيهم كلهم مره واحده كل حاجه براحه واحده واحده و هتمشى اكتى من ال 3 ساعات اما التوتر لازم يبقى فى توتر بس احنا لازم نحاول نتخطى ده علشان ده هياثر جامد و ال Overthinking برضو بياثر و انا بعانة منو بس بحازل اتخطى الموضوع حاول تكلم therapy و هو هيساعدك
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا