مش عارف ازاكر نهائي حاسس إن دماغي مش متقبله المعلومات ومش قادر احفظ حاجة وبمجرد ما بخلص فثره وادهل على اللي بعدها بكون نسيتها وامتحاناتي قربت الحل إيه ؟
دا طبيعى طالما ذاكرت بتركيز بعد ما تخلص حل على اللى ذاكرته بالكتابة هى دى الحل الافضل ليك وهى اللى هتثبت المعلومه ان شاء الله بعد الاستعانه بالله اكيد ؛ والحاجه اللى تقف قدامك شوف حلها واعرفه وكدا هتكون تمام جدا ان شاء الله
تم النشر الخميس، ٢ مارس ٢٠٢٣
يا اما ده توتر يا اما ده انشغال بحاجة تانيه غير المذاكرة.
تم النشر الخميس، ٢ مارس ٢٠٢٣
زي ما كتبولك في الكومنتات.. لازم تفصل اخرك ساعه ونص متواصله وبعد كده تفصل ربع ساعه ,وطبيعي انك تحس انك ناسي متقلقش لما تتبع اسلوب حل الامتحانات هيطمنك و هتطلع مش ناسي ده توتر طبيعي. كمان لازم تنام كويس قوي عشان كفاءه الذاكرة تشتغل صح واستخدم الملخصات وممكن تشوف فيديوهات أخضر علي اليوتيوب هتساعدك لعمل الخرايط الذهنية. بالتوفيق ان شاء الله
تم النشر الخميس، ٢ مارس ٢٠٢٣
افصل يوم كامل من المذاكره غير جو روح مكان تطلع كل طاقتك فيه وتلعب كوره وتحس حقيقي انك اتهديت وانبسط جدا كل الحجات الي بتحبها واشرب حاجه بتحبها وكون مع ناس بترتاح معاهم ولما ترجع شاور يرخيك بعد المجهود ده وشوف فيلم بتحبه يضحكك ميكونش فيه اي مشاعر سلبيه وصلي واقرأء قرأن ونام تاني يوم هتنظم مكتبك ومكان مذكرتك هتغيره تماما وتضبط انك كل جزء تذاكره تلخصه وتكتب عنه نوت وتعلقها قدامك نوت ملونه عشان تربط اللون بالمعلومه واستخدم اسلوب الشرح ف المذاكره وده انك تذاكر وتجيب حد تشرحله كأنك المدرس هتثبت معاك المعلومه اكتر وكل باب او فصل بتذاكره جمعه ف خريطه ذهنيه واستخدم فيها الالوان عشان تحفظها وتثبت معاك وطبعا اهم فتره تقرب فيها من ربنا يبقا ليك ورد قبل المذاكره وبعد المذاكره من القران وللاذكار هيفرق معاك جدا ان شاءالله وبالتوفيق
تم النشر الخميس، ٢ مارس ٢٠٢٣
لعرض السؤال في فدني اضغط هنا