انا اولى معهد والمعهد بتاعى ملوش لازمه هو سنتين كده وانا كنت ثانوي عام بس مجموعى قليل دلوقت عايزه اتعلم حاجه مفيده اشتغل بيها ترشحولي ايه
انا بعرف ارسم وبتعلم بسيط كده بس عايزه حاجه محترمه اتعلمها تشغلني في مكان محترم وكويس علشان متمرمطش ومش عارفه بحب ايه او شغفى فين تعبت
هتعرفي شغفك لما تجربي كذه مجال مثلاً واللي هترتاحي فيه هتبدعي فيه وده هيكون شغفك... طيب أي شغل كويس هتلاقيه طالب كذه حاجة في المتقدم ليه حتىٰ لو شغل عن بُعد الحجات دي هتكوم لغة إنجليزية كويسة B1 او B2 ده كويس وانك تعرفي تتعاملي مع برامِج Microsoft و تكتبي على الـword وكِده فاهمة ولو معاكي لاب توب هيفيدك لو حابة تشتغلي من البيت... كـ نصيحه من أخت ليكِي بردُك، متنسيش الجانب بتاعك كأنثى وإنك مخلوقة ربنا خلقها لعباده أولا و في يوم من الايام هتكوني زوجة وام لو ليكي نصيب بإذن الله، ثقفي نفسك في الموضوع ده من قناة زي فقه النفس للدكتور عبد الرحمن ذاكر الهاشمي قناة هتفيدك جدا ويكفي واحده بس عشان متتشتتيش، وبس كده ربنا يصلحلك الحال ويحفظك
تم النشر الثلاثاء، ٤ فبراير ٢٠٢٥
بما انك بتحبي الرسم فأنتي ممكن تتعلمي جرافيك ديزاين.و الحل الوحيد علشان تعرفي شغفك فين أنك تجربي حاجات كتير و قيمي نفسك في كل حاجه قيمي انجذابك للحاجة إلي جربتيها و قيمي شطارتك فيها ...و احسن طرق تتعرفي بيها على حاجه جديده هي أنك تصاحبي ناس كتير كويسين و عندهم اهتمامات مختلفة و ابحثي دايما عن أي حاجة جديدة و لازم تبقى القراءة عادة شبه يومية و حتى شوفي ملخصات كتب...لو صوتك كويس ممكن تتعلمي التعليق الصوتي و ده مجال شغله كويس و ابحثي بنفسك
تم النشر الثلاثاء، ٤ فبراير ٢٠٢٥
عزيزتي نور، أفهم مشاعرك تمامًا ومدى الإحباط الذي قد تشعرين به في هذه المرحلة من حياتك. الأوقات الصعبة مثل هذه قد تحفزنا على التفكير في مستقبلنا واختيار مسارات جديدة. بما أنك تجيدين الرسم ولديك الشغف لتعلم شيء جديد، فهناك عدد من المجالات التي قد تكون متاحة لك، والتي تكون محترمة وتلبي احتياجات سوق العمل. إليك بعض الاقتراحات: تصميم الجرافيك : يعد تصميم الجرافيك مجالًا يشمل استخدام الرسم لخلق تصاميم بصرية لأغراض تجارية. يمكنك الالتحاق بدورات تدريبية عبر الإنترنت لتطوير مهاراتك في هذا المجال. الفنون الرقمية : يمكنك تعلم كيفية إنشاء فنون رقمية باستخدام برامج مثل أدوبي فوتوشوب أو كوريل درو، وهذا يعتبر مجالاً مهنياً متزايد الطلب. التصوير الفوتوغرافي : إذا كنت تحبين التصوير، يمكنك تعلم تقنيات التصوير وإدخالها في الفنون. الحرف اليدوية : يمكنك استغلال مهاراتك في الرسم لإنشاء منتجات يدوية مثل البطاقات، الهدايا، أو العناصر الفنية التي يمكن بيعها. التسويق عبر وسائل التواصل الاجتماعي : يمكنك استخدام مهاراتك في الإبداع للترويج للعلامات التجارية المُختلفة. حاولي أن تعثري على ورش عمل أو دورات تدريبية متاحة في مدينتك أو على الإنترنت، وامنحي نفسك الفرصة لاستكشاف مجالات متعددة قبل اتخاذ القرار النهائي. ومع مرور الوقت، سيتضح لك ما هو الشيء الذي يثير شغفك حقًا. لا تترددي في طلب المساعدة من المعلمات أو الزملاء في المعهد؛ قد يفيد ذلك برؤية أفكار جديدة. تذكري، الأهم هو أن تقومي بما تحبين وأن تعملين على تطوير مهارات جديدة تجعلك أكثر استعدادًا لمستقبل مشرق. حظاً موفقاً!
تم النشر الثلاثاء، ٤ فبراير ٢٠٢٥
السلام عليكم، هو فيه مهارات كتير ممكن تتعلميها والانترنت بقى عليه كل حاجة وسهل تتعلمي أي حاجة عاوزاها بس الفكرة في ميولك انتِ وشخصيتك. ممكن نرشح لك حاجات لكن في النهاية متكونش مناسبة لكِ. فيه اختبار ممكن تعمليها بيحدد شخصيتك وإيه المهارات أو المهن الأنسب لنوع شخصيتك... جربي تعملي الاختبار ده والتزمي بالتعليمات عشان تكون النتيجة دقيقة ده رابط الاختبار https://www.for9a.com/personality-test بالنسبة للمعهد، انتِ بتقولي ملوش لازمة بس أعتقد أي حاجة بنتعلمها أكيد فيه لازمة لها بس يمكن احنا مش واخدين بالنا أو مش عارفين إزاي نستفيد منه... إلا إذا كان قصدك مش هتقدري تشتغلي بعد كده بالشهادة بتاعته. بس عامة إذا هتكوني محتارة في مكان كويس تشتغلي فيه ممكن تشتغلي أون لاين لما تمتلكي مهارة وتتقنيها إن شاء الله، أكاديمية ابن سينا كانوا عاملين مبادرة العمل من المنزل للسيدات، ممكن تسمعي المحاضرات بتاعتها وإن شاء الله تساعدك تحددي المهارات اللي ممكن تتعلميها وإزاي بعد كده تشتغلي من البيت. ده رابط قناة التليجرام عليه كل المحاضرات https://t.me/workremotelyfreelance بالتوفيق إن شاء الله.
تم النشر الثلاثاء، ٤ فبراير ٢٠٢٥
لعرض السؤال في فدني اضغط هنا