فضول العلم ده صفه حلو جدا وتبشرك بالخير 💜 ولكن شويه ترتيب وتحقق كل نفسك فيه والترتيب علي أساس الأولويات و الأولويات علي أساس الظروف الماديه والاجتماعيه والطاقه.. و فالعموم اخرك مهمتين صعبين و٣ سهلين فنفس الوقت ولو إن عشان تعرف تلتزم مهمة صعبه وآحده.. يعني ركز علي حاجه ولما يتقدم مستواك فيها تتحول لسهله فتضيف غيرها صعبة تبدأ فيها وهكذا.. وافتكر إنك مش يتسابق غير نفسك ولما تسابق نفسك براحه برضو.. ربنا يبارك فوقتك و طاقتك يارب ويعينك علي كل بتتمناه ويراضيك بنجاحك 🌻 رأي ركز حاليا في الماني وانجلش وزود إيطالي فقط.. وتتعمق ف الفيزيا والرياضيات. بما إنك لسه ف مدرسه ف تبقي استغليت فتره دراسة صح.. أوقات الاجازة تبدأ تتعلم علوم شرعيه اساسي مع القراءه الدراسه من تآني ثم الاجازه ال بعدها تطوير ذات ومهارات تواصل ومراجعه ال انجزته فعلا الدراسة من تآني ثم الاجازه ال بعدها أشوف البرمجه وهكذا ومتنساش تأجز وتفصل الاجازه مش كلها تطوير ولازم تفصل وتشحن
تم النشر الثلاثاء، ٢٨ فبراير ٢٠٢٣
عظيم جدا .. ولكن خلي بالك انت كده بتشتت نفسك ما بين حاجات كتير جدا. مقدرة انك شغوف بحاجات كتير جدا وعايز تتعلم حاجات كتير في نفس الوقت. ولكن خلي بالك .. انت لسه تضع اولوية لكل شئ في حياتك في الاول، علشان تعرف تنظم كل حاجة. يعني مثلا .. انت دلوقت شغوف وعايز تتعلم لغات .. او شئ اخر. عايز ليه تتعلم لغات؟ عايز ليه تتعلم برمجة؟ عايز ليه تتعلم مونتاج؟ عايز ليه تقرأ؟ وبعد كده ارجع تاني وأقرأ اجاباتك .. وابدأ في ترتيب اولوياتك في الفترة الحالية. ابدأ في الاول بالإجابة عن كل شيء انت عايز تتعلمه في حياتك بالورقة والقلم. ليه؟ علشان اجاباتك هي اللي هتحدد انت عايز تتعلم ايه في الاول وعايز تتعلمه ليه؟ يعني لو واحد دلوقت هدفه يشتغل في البرمجة .. عايز يبقى مبرمج فالمفروض يبدأ يذاكر انجليزي كويس ويذاكر برمجة هو ده يبقى هدفه ويركز عليه كويس جدا. طيب الحاجات التانية؟ الحاجات التانية اللي عايز اتعلمها اعمل فيها ايه؟ سؤال انت عايز تتعلمها ليه؟ عايز تتعلمها علشان تبقى عارف حاجات كتير، وتملئ ال cv وخلاص.. ولا انت حقيقي نفسك تكون عارف في حاجات كتير، طيب لو الواحد عايز يعمل ده يعمله ازاي؟ يعمله على حسب فترته الحالية .. ومطلباته في الفترة الحالية.
تم النشر الثلاثاء، ٢٨ فبراير ٢٠٢٣
شوف ده مش عيب لاننا ممكن نستغله صح وميزه حلوه جدا ان يبقا عندك طموح وشغف كده ف تعال نرتبهم ونحددهم واعمل لنفسك خطه بنظام المراحل كل مرخله هتخلص فيها جزء تتعلمه وليكن اول مرحله هتتعلم انجليزي وفرنساوي والماني وتحسن مستواك فيه ويكون مستواك اعلى من الطبيعي ف مرحلتك بمرحله تاني مرحله بعد متخلص الاولى تشوف باقي اللغات تكون اتقنت الاساسيات ومرحله تالته ورابعه وخامسه وتحطط كل مرحله بناء ع احتياجاتك دلوقتي يعني انا بدرس لغات وشغوف اتعلم لغات يبقا تحدد خطتك ع المرحله الاولى ..مثلا باخد فيزياء ومستوايا قليل شويه يبقا هعمل مرحله اتعلم فيها فيزياء وهكذا وهتحقق كل افكارك وطموحاتك بس محتاجه شويه ترتيب بناء ع الاولويات واحتياجاتك وامكانياتك وحاول كل متجيلك افكار تشتتك طب انا عايز ابص ع علم النفس وانا ف مرحله الفيزياء وقف نفسك وقلها هخلص المرحله دي وهوصلك واشوفك انا مش ناسيكي ودي اهم حاجه ترتب افكارك وتسيطر عليها
تم النشر الثلاثاء، ٢٨ فبراير ٢٠٢٣
طيب اولا احييك على شخصيتك الجميلة الطالبة للعلم....دى حاجة جميلة منك . ثانيا ..كل دى امنيات واحلام ..ممكن نكتبهم فى ورقه او كل حاجة فبهم فى ورقة منفصلة . وكل شويه اكتب فيها الجزء الجديد اللى حققته فى خطوات الحلم ده. مع الوقت واثناء التعلم هتعرف ايه شدك اكتر
تم النشر الثلاثاء، ٢٨ فبراير ٢٠٢٣
لعرض السؤال في فدني اضغط هنا