مشكلتي صعبه ومش لاقيلها حل
انا ممكن بحاول اربط اللي انا فيه من وانا صغير عشان يمكن يكون ده سبب ف اللي انا فيه ف هحكي من وانا صغير انا كنت إنطوائي وكانوا بيتنمروا عليا ومليش صحاب وبعدين كان في مشاكل في البيت ومكانش قريبين اسرياً من بعض خالص وبعدين كبرت وكان كل صحابي سوشيال علي الفيسبوك مثلا بس كانوا بيبعدوا من غير سبب وكنت بضايق اوي واشوف نفسي وحش بس مكانش في اي اعراض جسدية ، وبعدين بقي ليا 2 صحاب واحد منهم خذلني واتصدمت فيه وبعدنا والاكس خانتني وجات تقولي وكنت بعرف انزل اشتغل عادي ( عشان دي ليها مشكلة قدام ) ف تعبت جامد وبعدين فوقت شوية وبعدت عن صاحبي ده ، بس تعبت تاني مكنتش بعرف اتنفس وكان بيبقي عندي قئ وضغطي واطي وجسمي مش حاسس بيه وروحت لدكاترة معده كتير وكان في ادوية كتير وتشخيصات كتير بس اخر دكتور قالي انت مفيش فيك اي حاجة عضوية انت كل اللي انت فيه مشكلة نفسية ، مكنتش عارف ايه السبب ، روحت اتطوعت في جمعية خيرية وبقيت اشغل نفسي عشان دماغي وتفكيري مش بيسكتوا ، ورجعت امثل مسرح تاني مرجعتش زي الاول بس رجعت ، كنت دايما بدور علي علاقة حب بجد وشغل واستقرار ولما خلصت دراسة وجات البنت وجه الشغل تعبت تاني نفس التعب ( علي مدار الفترات اللي فاتت كنت بتعب كل فترة لما اشوف الحب القديم مثلا او يتراكم عليا ضغوط ومشاكل كتير ) ف تعبت لما نزلت شغل بقيت احس اني بتخنق ومش بقدر كل حياتي اتشقلبت من بعد ما تعبت اول مره بقيت دايما بحس اني بموت مشاكلي مش بحلها وبعيش اليوم بيومه وبتأقلم مش بعيش حياتي الإنبساط ممكن يبقي لحظي وممكن في ثانية اتخنق سبت الشغل عشان ارجع تاني احس اني كويس وبعدين قعدت ممكن اسبوعين ونزلت شغل تاني اهو مش بعمل فيه اي حاجة حرفيا وتعبت تاني والمره دي اصعب عندي قئ وجسمي همدان ومش باكل ومضغوط كتير ودماغي سحلاني بفكر ف كل حاجة حرفيا وحرفيا خايف الناس تقول عليا فاشل او مش قد المسؤولية او اخسر البنت اللي معايا
بص انت اول حاجه لازم تفهمها انه الخوف من شئ معين بيخليك واقف ف مكانك ومش قادر تتحرك ولا تاخد خطوه ف لازم تتخلي عن فكره الخوف من انك تبعد عن شخص وتيقن انه لو ربنا كاتبلك تفضل معاه هتفضل لو حصلت ميت مشكله وانا عارفه انه مشاكل الطفوله بتأثر علي الواحد زي مكان بيحصل معايا بس انت اوريدي كبرت خلاص وبقيت مسئوليه نفسك لازم تطور من نفسك لان الفراغ وحش وبيخلي دماغك دايما تفكر وتهلك نفسك ودايما صلي وسيبها علي ربنا ولو صحابك كلهم بعدو عنك ف اعرف انه دا لحكمه معينه ربنا عملهالك خد بكل الأسباب اللي حواليك واسعي واشتغل عشان تلاقي وحاول تتكلم مع حد متخصص جدا ف المشاكل النفسيه او حتي اتكلم مع عالم دين عشان تقدر تفهم ازاي تتعامل مع اي ابتلاء بتمر بيه واعرف دايما انك مسؤليه نفسك وأنت اللي بإيدك تودي نفسك ف حته تانيه وتقضي علي الخوف واعرف انه كل الأمور بيد الله ف ادعي الله أن يخفف عنك الحمل ويقربك منه اكتر💗
تم النشر الأربعاء، ٢٤ يوليو ٢٠٢٤
حاول تهدي خالص ومتحطش الموضوع فبالك وانك تعبان حاول تقرب من الي معاك وتركز فشغلك وبس عشان محدش هيعرف يخطي خطوه لقدام وهو باصص لورا وقدر النعمه الي معاك والعوض الي ربنا كاتبهولك ومتضيعهوش من أيدك ادعي كتير لربنا وقرب منه ولو عندك حد قريب اشكيله عشان الكتمه وحشه وممكن الوجع ده يكبر وبلاش ادويه كتير مش حلوه ركذ علي حياتك وحاول تخرج برا المود ركذ علي الي فأيدك وحافظ عليه وطوره حاول حاول تنسي أي حاجه فاتت عادي كتير مننا بيبفضل متعلق بحاجه حصلت ونت حصلت معاك حاجات كتير ممكن خلتك كدا بس تغلبها وخليك قدها وتقرب من ربنا وأكيد هو هيشيلك من الحالة النفسيه دي حاول بس تفرح وانسي ومتقفلش علي نفسك رينا معاك ويسعدك
تم النشر الأربعاء، ٢٤ يوليو ٢٠٢٤
يا حبيبي، كلامك تقيل على قلبي بصراحة وفعلاً واضح إنك مريت بحاجات كتير وصعبة، وربنا يعينك إن شاء الله. الأهم دلوقتي إنك تعرف إن الطريقة اللي حاسس بيها دي مش حاجة صغيرة أو ممكن تتجاهلها. حاجات زي دي بتأثر على حياتك وصحتك مش بس دلوقتي، كمان في المستقبل. خليني أقولك شوية حاجات ممكن تساعدك: اطلب مساعدة محترفة: واضح إن اللي تعاني منه أكتر من مجرد ضغط نفسي عادي، وده يتطلب مساعدة من محترفين في مجال الصحة النفسية. لازم تدور على دكتور نفسي أو معالج نفسي تتكلم معاه بشكل منتظم. الموضوع مش عيب ولا أي حاجة، بالعكس، ده أول خطوة نحو العلاج. الاهتمام بنفسك: حبي نفسك واهتم بنفسك أكتر. كل كويس، وحاول تعمل رياضة حتى لو بسيطة زي المشي. جسمك محتاج تغذية واهتمام عشان يساعدك تتجاوز الحاجات اللي بتحصل. ابقى مشغول: انت بتقول إن التطوع والتمثيل ساعدوك قبل كده. حاول تلاقي حاجات تانية بتحبها تعملها وخليها جزء ثابت من يومك. دي طريقة كويسة تهرب بيها من التفكير الزائد. اضبط توقعاتك: حاول تكون أقرب لنفسك وتوقعاتها. مش لازم تكون مثالي وكافي إنك تكون انت بس وتعمل أفضل ما عندك. حافظ على صداقاتك: حاول تقرب أكتر من الناس اللي بتحبهم وبيحبوا وجودك، حتى لو كان عددهم قليل. الصداقات الحقيقية كنز وبتمدك بالدعم اللي محتاجه. حدد أولوياتك: شوف ايه اللي فعلاً مهم ليك في حياتك وركز عليه. يمكن الشغل الحالي مش المكان المناسب ليك، وممكن تدور على حاجة تانية تكون شغوف بيها. مارس الاسترخاء: اتعلم تقنيات استرخاء زي التأمل، اليوجا، أو حتى التنفس العميق. دي حاجات بتهدي الأعصاب وتساعد بشكل كبير. أهم حاجة تتذكرها إن كل حاجة محتاجة وقت ومافيش حل سريع، بس بنقول "الوقت أسهل شيء يمر والحمد لله على كل حال". تابع النصائح دي وبإذن الله هتحس بتحسن. لو احتجت أي حاجة أو دعم انا هنا دايمًا لمساعدتك.
تم النشر الثلاثاء، ٢٣ يوليو ٢٠٢٤
هو زي ما الدكتور قالك دي حاجه نفسيه ، مترتبه من وقت الطفوله " صدمات طفوله" ، انت خدت خطوه كويسه ف انك تشغل نفسك و تعمل حاجه جديده ، بس انت محتاج تحقق حاجه جديده ، اعمل حاجات تفرحك ، عوض نفسك عن اي حاجه انت مفتقدها ، اعمل حاجات تحسسك انك فعلا مهم و انك بتنجز حاجه ، انك مشغول و بتوصل للحاجه اللي نت بتعملها دي ، " خليك ناجح "
تم النشر الأربعاء، ٢٤ يوليو ٢٠٢٤
قرب من ربنا اكتر انزل صلي والتزم ع الصلاه هترتاح جدا نفسيا اما من ناحيه جسمك وبتكشف ومش بيطلع حاجه خلي حد يرقيك او ارقي نفسك والتزم ع اذكار الصباح والمساء وصلي الفجر في جماعه وشغل سوره البقره ولو مقدرتش روح لشيخ بس يكون موثوق منه.
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا