الناس الي بتنسحب فجأة بدون اي مقدمات وبدون تفسير واضح وصريح بيبقي اي السبب؟؟
ليه يسيبو مثلا الانسان تايهه ومش عارف هو هعمل اي او الي خلاهم ينسحبوا كده يعني ليه ممكن شخص ينسحب من حياة حد فجأة بدون اي مبرر او حاجه واضحه
انا دورتلها علي كذا تفسير بس كلهم كانو في نفس النمط ان الشخص ده مؤذي للحواليه ومينفعش حد يتعلق بيه هل ده منطقي ولا يمكن انا بافور مثلا او فاهمه غلط؟؟
بحس ساعات ان الانسان ده ميتمامنلوش وممكن يسيبك ف اي وقت اي كان محتاجلو او مش محتاجلو مش باقي علي حد من الاخر
يمكن رده فعلي عن الموضوع اوفر بس الموضوع بيعصب اوي
ليه تكون بتكلم مع حد طبيعي جدا وبتتفاهموا وفجاه بدون اي مقدمات يمشي من حياتك متعرفش عنو حاجه
للأسف السؤال ده هتسأليه لنفسك كتير و مش هتلاقي إجابة غير لو الشخص نفسه قالك ، و يمكن حتى لو قالك متقتنعيش،، فالاحسن تستسلمي لفكرة أن ده تدبير ربنا سبحانه و تعالى ،، أن السبب اكبر من أنه يتشرح بالكلام و إن نصيبك غير كده فاحمدي ربنا و ادعي يكون احسن و إن شاء الله هيكون احسن و ربنا يعوضك عن كل لحظة وحشة عيشتيها يارب
تم النشر الجمعة، ١٨ أغسطس ٢٠٢٣
السبب ده يقولك عليه الشخص نفسه .. مهما قعدتي مع نفسك وتقعدي تفترضي .. هي هتفضل ف الاول والاخر افتراضات برضه! مش هنوصل للشئ ال 100% صح ..! ولكن حاولي تعرفي السبب منها هي؟ مشيت ليه؟ ايه اللي حصل؟ اعرفي منها حتى لو هي مش عايزة الصداقة ديه اصلا تقول؟ بس فيه ناس كده عموما، مش بتعرف تواجه، مش بتعرف تتكلم وتقول فيه كذا وكذا .. بتفضل انها تبعد من بعيد لبعيد. وممكن تكون حصلها مشكلة برضه، ف حاولي تتواصلي معاها .. وتشوفي الموضوع هيوصل لفين. ومهما كانت النتائج اعرفي ان لو خير ليكي الشخصية ديه انها تكون في حياتك ف هتكون .. لو مش خير يبقى الرسالة بتاعتها خلصتها ومشيت. يعني ايه الرسالة بتاعتها خلصتها ومشيت؟ كل واحد فينا بيبقى موجود في حياة الانسان التاني ك رسالة .. او انتي تبقى موجودة في حياتها ك رسالة برضه. سواء بالخير او الشر .. يعني انتي عملتي ايه في حياتها؟ وهي عملت ايه في حياتك طول المدة اللي فاتت؟ ايه هو التغيير اللي طرأ في شخصيتك او شخصيتها؟ كل اللي حصل كان لازم يحصل .. علشان كده ل ربما رسالتك او رسالتها خلصت.
تم النشر السبت، ١٩ أغسطس ٢٠٢٣
بصي انا گ واد وشاب و عديت بموافق وتجارب زي دي كتير وبعيد عن ان دا نصيبك ومكتبولك تقربي من دا وتبعدي عن دا بس السبب الرئسي بيرجع لحاجتين... ان الشخص دا لقي بديل ليكي احسن.. او زهق مش عايز يكمل معاكي بس ف الاول و الاخر افتكري انو كل شخص دخل حياتك وطلع منها درس المفروض تتعملي
تم النشر الجمعة، ١٨ أغسطس ٢٠٢٣
دا نصيبك وقدرك انو تعيشي لحظات زي دي والي ربنا ابتلاكي فيها عشان تقربي منه اكثر ولانه بحبك ابتلاكي.. السؤال دا اجابته صعب حد يجاوبه ومحدش حيجاوبه حتى ااشخص دا بذات نفسه لهيك اكسري عصبيتك بحاجة حتى ترتاحي مثلا اكسري صحن او قلم رصاص او عيطي خلي دموعك تنزل لتخلص او اطلعي واصرفي فلوس اي شي يخليكي ترمي الطاقة السلبية الي هيا العصبية لحتى خلص تنهي هاي الطاقة وهاد السؤال وهاد الموقف وتتعلمي منه وتكملي حياتك.. تمام ارضي بالي كتبه ربنا ليكي واتقربي منه واكسري عصبيتك.. ربنا يكون معك ويهونها عليكي يارب..
تم النشر الجمعة، ١٨ أغسطس ٢٠٢٣
ممكن تكوني انتي الي فهمتي غلط الشخص ده لزام نخلق ليه مبرر ممكن شخص ده يكون بيمر بحاجات صعبه ف الوقت ده ف هيبقي محتاجك معاها حتي لو كان رافض الفكره وحكايه ممكن يكون زهق وكده ف ممكن في حاجه بتضايقه ف العلاقه
تم النشر الجمعة، ١٨ أغسطس ٢٠٢٣
ممكن عندهم مشاكل او حصلت حاجه طارئه
تم النشر الجمعة، ١٨ أغسطس ٢٠٢٣
لعرض السؤال في فدني اضغط هنا