انا كنت ثانويه عامه العام الماضي وللأسف مجموعي كان ٦٩ ونص في الميه وماكتي سفرتني برا اتعلم ورجعت بعد سنه واحده للأسف معملتش حاجه في السنه دي ومن وقت ما رجعت ومامتي دايما مقلله مني ومن رغباتي وشخصيتي ودايما بتقولي ان انا فاشله والمفروض ميكونش ليا نفس اضحك ولا اهزر ولا اكل او اشرب او اتنفس حتي ان انا المفروض احيب سم واموت نفسي ولما اتخانقت معايا مره قالتلي ان هي بتكرهني وانا حسيت الكلمه دي منها اووي لأنها كانت بتقولها وكأني عدوتها ومن وقت ما رجعت من السفر والعلاقه بيني وبينها وحشه رغم انها اوقات بتعمل حجات تخليني اقول هي بتحبني وسعات بحس انها كرهاني اووي المشكله ان انا بحبها وبخاف عليها من الهوا الطاير ومش ببقي عايزه ازعلها بس هي دايما بتكون متعمده تقول الكلام اللي يوجعني في مره قالتلي انتي عجله ومن وقتها انا كرهت جسمي وشكلي حتي بعد ما حاولت تحببني في جسمي بعدها انا لسا لحد دلوقتي كارهه جسمي وشكلي هو من وانا صغيره كدا بحس ان انا مهمشه في العيله يعني معنديش ثقه في نفسي خالص ودايما بلوم نفسي واعاتب نفسي دايما بقول لنفسي ان انا مش هعرف اوصل للحاجه دي وان انا استيعابي ليها اقل وان الشئ دا اكبر مني ومن قدراتي مانا داينا بتقولي ان انا غبيه ومش بفهم في حاجه وفاشله وان انا عاله عليها والنفروض اموت نفسي انا مش عارفه هي بتقول غلكلام دا في وقت غضب وعصبيه بس ولا بيبقي بجد بس المشكله ان كلامها بيوجعني اووي لدرجه ان انا بحس بوجع في قلبي واحس كأنه بيتكسر او بيتشال من مكانه بس بضحك وبعمل كأنها بتهزر وبعديها ودايما بلاقي نفسي في العصبيه والصوت العالي بعني لو حد لمسني بس بتعصب جامد اووي وبزعق برده جامد وبحس بعدها ان انا بهدي وبرجع لحالتي العاديه تاني ف مش عارفه انا ايه بالظبط ولا المفروض انا جايه الدنيا دي اعمل ايه وانا غبيه فعلا ولا ايه واموت نفسي يمكن دا يريحها بجد ولا لأ المشكله ان انا خايفه من ربنا !؟؟
انا مقدرة وجعك جدا .. ولكن انتي قولتي بنفسك ساعات بتحسي انها بتعمل حاجات كويسة وساعات بتحسي بتحبها. فيه مثل شعبي بيقول: - ادعى على ولدى واكره اللى يقول أمين يعني مهما تدعي عليكي او تقول كلام زي ده، هي بيبقى جواها حاجه تانية خالص، ولو حد جه جمبك ولا اتعرض ليكي شوفي هتعمل فيه ايه! هي للاسف كانت حاطه عليكي توقعات كبيرة، وف لحظة التوقعات ديه كلها راحت، ف هي حزينة طبعا عليكي وع املها مش اكتر. والكلام اللي هي بتقوله ده اساسا من زعلها، ولكن طبعا هي مش قصدها توتي نفسك ولا اي حاجه من ديه. بل بالعكس هي ممكن تكون بتشجعك .. هتقولي ازاي؟ يعني هو للاسف فيه بعض الاهالي طريقهم في التشجيع سلبية شوية، ممكن يبدأو يقولوا كلام وحش وموجع جدا لاولاهم علشان يتشجعوا، ويحسنوا من نفسهم. لكن ده طبعا بيدمر نفسيتهم .. لكن للاسف هما مش مدركين ل ده. حاولي تقدري ان ماما ممكن جدا تكون كمان من الناس ديه، وعلشان كده ركزي بس ع نيتها وهي نيتها انك تكوني كويسة .. ولكن الفعل سئ للاسف. ابدأي كمان ركزي ع نفسك، وحاولي تبقى احسن .. وشوفي هتعملي ايه ف حياتك. لان طول ما انتي حاطه الكلام ده قدامك مش هتطلعي لقدام. ارمي كل حاجه ورا ضهرك. واللي راح خلاص مش مهم، المهم تتعلمي من الخطأ.
تم النشر الخميس، ٧ سبتمبر ٢٠٢٣
ماما من حبها فيكى حاطه توقعات كبيييييرة اوى عليكى واحلام عظيمة اكيد فى السنة دى هى صرفت كتير وكانت مستنية نتيجة من مجهودها ومن توقعاتها انتى طبعا ملكيش دعوة بكل اللى هو حاطاه جواها ده ...وهى مش بتقوله بس بتعبر عنه وعن الخذلان اللى حسته بالشكل الوحش ده معاكى ده ميمنعش ابدا انها بتحبك ... انك يحصل معاكى عدم توفيق فى طريق بدأتيه ...ده شىء طبيعى ...المهم تكونى بتعملى اقصى مجهودك وحسسى ماما انك حاسه بزعلها ان لسه مفيش نتيجة لمجهوداتك بس انتى هتعملى كل اللى تقدرى عليه عشان هى تكون فخورة بيكى
تم النشر الخميس، ٧ سبتمبر ٢٠٢٣
مش لازم تخلي كلامها يأثر فيكي نهائي خليكي شخصيه قويه من حقك تزعلي الصراحه بس خلاص تقبلي الواقع هي شخصيتها كدا حاولي تغيري الموضوع بسرعه أول لما تجيب سيرة الدراسه عشان تعرف إن أنتي مش عاوزه تتكلمي في الموضوع و فعلاً في زمنا الحالي الدراسه ليس لها أي فائده غير إنها مضيعه للوقت لأن كتير من الشغل حالياً مش معتمد على الدراسه و بالنسبه للموت فا هو كدا ولا كدا جايلنا في وقت ما فا خلينا نستمتع بحبة الوقت اللي ربنا أهداه لينا في الدنيا دي ولكن من غير ما نعصيه عشان نعرف برضوا نستمتع في الجنه بكل حاجه حلوه مستنيانا، Be strong 🤍
تم النشر الخميس، ٧ سبتمبر ٢٠٢٣
اولاً انت انسانة طيبة و جميلة و حرام عليكى انك تموتى نفسك علشان هنخسر انسانة زيّك عندها مشاعر و احاسيس... مامتك عمرها ما تقصد الكلام الجارح ده لكن هى فاكرة انها بكده هتغصبك انك تتغيرى و ده غلط و ده واضح... جسمك و شكلك حاجة تخصك مش تخص الناس فانتى لازم تحافظى على نفسك قيسى طولك و وزنك و احسبى حاجة اسمها الbody mass index هتعرفى انك وزنك تمام ولا لأ و هتعرفى الوزن المناسب المفروض ايه و برضه التغيير ده حاجة بتاعتك انت بس. بالنسبة للبلد فلو كانت روسيا فأوعى تزعلى انتى حاولتى سفرك بس ده المفروض تخدى عليه نيشان و كونك ما استفدتيش بالدراسة مش معناه انك فاشلة بمعنى كونك ما اتوفقتيش فى طب مثلاً ده يخليك فاشلة فى كل حاجة مش ممكن انت دماغك أدبية تنفع فى اللغات و الفلسفة؟! مش ممكن تكونى كويسة فى الصيدلة و التجارة؟! انت محتاجة ارشاد بس و ما يكنش من مامتك و صدقينى انا اتمنى انها ما تخسركيش لأنها هتزعل اوى لأنك انتى اللى عاملة لدنيتها معنى والا هى مش هتبقى ام اصلاً من غيرك. و سؤال آخير: هو فين باباكى من ده كله؟! اومال هو فين؟! لو احتجتى نصيحة او مشورة اكتبى لى و انا ان شاء الله افيدك. موفقة دايماً ان شاء الله.🌻
تم النشر الخميس، ٧ سبتمبر ٢٠٢٣
بصي ي حبيبتي اولا فكره الموت دي تنسيها من دماغك حرفيا تمسحيها بأستيكه بصي مفيش اهل بيكرهوا عيالهم اكبر مثال ان مامتك بتحبك انها سفرتك تكملي تعليمك برا اي ان كان النتيجه بتاعتك كانت ايه او عملتي ايه بس ركزي انها مسبتكيش مجموعك ع فكره يجيب اي كليه هنا ف مصر تفتكري ليه سفرتك؟ عشان عايزه تشوفك حاجه حلوه الناس الكبيره اللي هما اهلنا تفكيرهم مختلف وزمانهم غير زمانا بمعني ان مامتك مفكره انها لما تعايب ع حاجه فيكي او تنتقدك كده هي بتشجعك انك تتغيري للاحسن وده غلط بس الناس الكبيره تفكيرهم غير تفكرينا راضي مامتك وخلي عندك ثقه بالله ثم نفسك وانتي جميله ب كل حالاتك ربنا مبيخلقش حد وحش وربنا معاكي ويوفقك♡
تم النشر الخميس، ٧ سبتمبر ٢٠٢٣
بصي حاولي دايما يبقى عندك ثقه في نفسك ان انت تقدري تعملي الحاجه دي تقدري توصلي للي انت عايزاه وما تسمعيش من الاخرين ولا تصدقي ان انت غبيه وما لكيش اي لازمه في الحياه بالعكس انت ليك لازمه كبيره لان ربنا اللي خلقك بس انت حاولي تشتغلي على نفسك شويه شوفي ايه الشيء اللي بتحبيه وشاطره فيه وتعمليه وكمان حاولي تعرفي مامتك ان الكلام اللي بتقوله لك ده بيوجعك قوي وتحاولي تصلحي على قد ما تقدري علاقتك بيها عشان تعرفي توجهي نفسك للطريق الصح
تم النشر الأربعاء، ٦ سبتمبر ٢٠٢٣
اول حاجه مينفعش تقولي انك تموتي نفسك ده حرام غير كده أن مامتك مهما قالت عمرها ما بتتمنى ليكي الموت حتى لو قالت هي عصبيه وده عادي يعني ناس كثير عصبيين أنا بقولك انك متسمعيش كلامها كأنها مش بتقول ليكي يعني بعد الشر لو حصلك حاجه اول حاجه هتبقي فقدتي دينك دنيا واخره غير كده مامتك هتتعب وهتفضل تندم طول ما هي عايشه هي طبيعه الناس أما بتتعص بتقول كلام هي لو ف الحقيقه هاديه عمرها ما هتقول كده بس هي عشان متعصبه انتي خدي الكلام بتاعها عادي طنشي مش اي كلمه هتأثر فيكي وموضع الاستيعاب عادي يعني ف ناس كثيره كده وده مش بإيدنا يعني انتي اعملي الي عليكي ادعي ربنا كثير حاولي تقربي من امك اقعدي معها قوليها اني بحاول والمفروض تقفي معايا تشجعيني حتى ولو غلطت بس انا عايزاكي متزعليش نفسك انتي الي هتتعبي وده هيأثر عليكي بعدين أنا كنت بتأثر من اي كلمه بس دلوقتي لاء لان الكلام لا بيودي ولا بيجيب بيتعب بس فخليكي قريبه من ربنا وانك متسمعيش كلام امك الوحش وتخليه يأثر عليكي ولا كلام حد وحاولي تعملي الي عليكي وبس وبجد كوني فخوره بنفسك اين يكن يعني أنا جايبه 60 السنه دي ف تالته ثانوي وشايفه أن ده قضاء ربنا وقدره واي حد يقولي حاجه برد عليه وقوله انت مالك يا اما مبيهمنيش كلام حد لاني عارفه أني عملت الي عليا
تم النشر الخميس، ٧ سبتمبر ٢٠٢٣
لعرض السؤال في فدني اضغط هنا