انا اتعرفت على بنت فالكلية كانت مرتبطة بولد وسابته ومش بتذاكر خالص وكل اهتمامهاالجواز حاليا انا تعبت منها وزهقت وعاوزة ابعد عنها بطريقة متضايقهاش لاني اكتشفت انها بتديني طاقة سلبية على طول بتقعد تقولي انه وحشها ونفسها ترجع وتقعد تشتم فيه ما علينا انا بحس اني مش موجودة عندها النهردا بعد الامتحان قولتلها هملا مياة وسبتها ومشيت وحسيت بحرية كده ومشيت مع بنت طيبة ومحترمة من قسم تاني
لما رجعت البيت لقيتها بتقولي متكلمنيش تاني وزعلت مني والصراحة انا قولتلها انا اسفة وهي لسة مشافتش الرسالة وقفلة انا مش بحب اكسر بخاطر حد بس انى اتخنقت ياجماعة مش الواحد من حقه يختار صحابه ولو لقى صاحب مش مناسب يسيبه؟؟ انا تعبت وخايفة تقبل اعتذاري ونفهم اننا نرجع صحاب انا مش عاوزة نرجع صحاب انا عاوزة اعتذلها واقولها اننا نبعد عن بعض فترة نرتاح شوية من غير ماتضايق وتفتكرني بياعة،ولا انا لازم تفضل مكتوبة عليا خلاص طول حياتي عشان عرفتها
اكيد انتى حاولت كتير عشان تغيرها بس هى مصممه تفضل زى ما هى ولو انتى معرفتش تغيريها وكملتى معاها هى الي هتغيرك ف الاحسن انك تبعدى هى بتديكي طاقه سلبيه وانا عارفه احساسك بس صدقيني دى علاقه مؤذيه تماما انتى عارفه يعنى صحاب ؟ يعنى ناس سند وناس تحبيهم بيخافوا علي بعض وبيحاولوا يبسطوا بعض لكن العلاقه الي انتى فيها دى قايمه بس علي طرف واحد وهو انتى ،انتى الي المفروض تعقليها كل شويه رغم أن هى عارفه كويس أن مينفعش تفضل تقول كلام سلبي او أنها زعلانه وهكذا مع انها عارفه أن الموضوع ميستاهلش علي الاقل كانت ممكن تحاول تديكي شويه مساحه تفكر شويه ليه دايما علاقتكوا انتى بس الي المفروض تواسيها وتكلميها وتصالحيها ليه مش هى بتبادلك نفس الحجات ليه دايما هى الي بتحملك فوق طاقتك الحقيقه انى كنت فى علاقه زى كده وانا حسيت انى طاقتى بتخلص كلها فى العلاقه دى والحقيقه انى بؤمن جدا بموضوع أن الحب والطاقه ليهم كميه معينه وبيخلصوا مينفعش تحطى كل طاقتك فى علاقه بتتعبك وبالنسبه للنقطه الأهم وهى ازاى تبعدى عنها موضوع هروبك مش هيقدم حاجه بالعكس ده هيبان جدا انك بتتهربي وفنفس الوقت مش هتكونى علاجتى المشكله الأساسية وهى عدم معرفتها بإحباطك نتيجه تحملك كل حاجه فى العلاقه وان طاقتك خلصت قوليلها انك مبقتيش حابه فكره أنها تحكيلك عن نفس الشخص أو انك محتاجه تاخدى بريك شويه من العلاقه دى بصي اكتر حاجه بتتعب الإنسان أن حد يبعد عنو بدون اسباب دى أحقر حاجه بأمانه وانتى باين عليكي حد كويس انك لسه باقيه عليها ف اتمنى متعمليش كده وتسيبيها من غير ما تواجهيها لأن هى كده مش هتعرف السبب وهتتساب لدماغها وممكن تأذى نفسها بالكلام ف قوليلها وجهة نظرك وفالاول والآخر قرار البعد ده حاجه تخصك بس لازم تقوليلها الاسباب
تم النشر الثلاثاء، ٢٨ مايو ٢٠٢٤
أفهم مشاعرك تماماً والموضوع مش سهل، بس لازم تفكري في نفسك وصحتك النفسية كمان. العلاقات اللي بتأثر علينا بطريقة سلبية بتخلينا نحس بالضغط وبنفس الوِحدة اللي فيها طاقة سلبية. أولاً، مش لازم تكوني مكتوبة على حد طول حياتك عشان عرفتيه. من حقك تختاري أصحابك وتحددي مين يكمل ومين لا، خاصة لو كان فيه تأثير سلبي عليك. ثانياً، علشان ما تجرحيش مشاعرها، ممكن تقولي لها أنك محتاجة شوية وقت لنفسك وتعبيها بفترة راحة. حاجات زي "أنا محتاجة فترة أركز فيها على دراستي وأشوف شوية مين اللي بيدعموني بطريقتي" ممكن توضح الأمور بدون ما تكون جارحة. ثالثاً، لو لقيت انك مش عارفة تواجهيها أو مش عاوزة تخسريها بشكل كبير، ممكن تبعدي تدريجياً وتبدأي تقللي التواصل بشكل لطيف. كلام زي "أنا مشغولة شوية الفترة دي" يقدر يساعدك في بناء مسافة. المهم تحطي صحتك النفسية وراحتك أولوية، ولو كانت علاقتكم مش مناسبة ليك، يبقى الأفضل تبعدي بشكل محترم ولطيف.ertil
تم النشر الاثنين، ٢٧ مايو ٢٠٢٤
البعد مبيتقالش ابعدي تدريجيا انك تسبيها و تمشي مع حد تاني ده اكيد جرحها و حسسها انك مش عيزاها انا رايي ترجعي الود بينكم يومين و بعدين تبعدي بحجة مشغولة في دراستي خارجة مع اهلي ورايا حاجات في البيت لو بين محضراتك هدور على حاجة في المكتبة ورايا تسليم كدة لكن متسبهاش و تمشي مع حد تاني لحد ما تقرر هي نفسك قرارك في البعد كدة هيبقى مناسب اكتر ليكم انتوا الاتنين
تم النشر السبت، ١ يونيو ٢٠٢٤
لعرض السؤال في فدني اضغط هنا