انا متضايقه اويي ومش منتظمه ف المذاكره انا أولي ث يعني لازم اتأسس و اذاكر اكتر
وحاسه بخمول دائما
حلو آوي انك واعيه بنفسك ورقيبه عليها.. ابدأي اتعلمي إزاي تخططي ليومك صح وتستغلي الوقت صح و طاقتك.. من اليوتيوب في فيديوهات كتير.. والوقت ف صالحك لسه ادعي ربنا يباركلك فيه وابدأي بالصلاه هتنظملك اليوم تلقائي وانك تصحي بدري وإن شاء الله يارب بالتوفيق 💜 وشوفي إجابات الاسئله المشابهة هنا 🌻
تم النشر الثلاثاء، ٢١ فبراير ٢٠٢٣
طبيعي لما مستوانا او طاقتنا ع المذاكره بتقل بنتضايق و ممكن يتكون حافز انك تذاكري اكتر وتشدي حيلك الترم ده وثقي ف ربنا انه هيديكي نتيجه تعبك ومجهودك ف ذاكري ورتبي افكارك حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخص الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وترجعي اشطر من الاول وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره بأنك هتخرجي العبي رياضه واتعرضي للشمس مده طويله وكلي اكل صحي وفواكه وخضار كتير
تم النشر الثلاثاء، ٢١ فبراير ٢٠٢٣
ظبطي نفسيتك بخروجه كويسه الموضوع كله ف النفسيه انك بتذاكرى وانتي مرتاحه اعملى عصير فريش هات حاجه بتحبها تاكلها جمب المذاكره هتلاقي نفسك بدأتي تستجيبي
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا