امي دايما بتعاملني اني طفل صغير مع اني 29 سنه دايما بتتعامل معايا ان ليها الحق تتحكم في كل حاجة في حياتي و انا مببقاش عايز ازعلها او بخاف ازعلها علشان بتقولي لا علي حاجات كتير هي في ايديها تمنعها عني دايما تكلمني و تبقي عايزه تعرف انا مع مين وبعمل ايه خوف غير مبرر عارف انه نعمه عليا من ربنا وجودها في حياتي بس انا تعبت وخايف اتجوز حتي علشان متتحكمش في حياتي و دايما تقعد تفكرني بأي غلطه انا عملتها زمان انا فعلا تعبت من تصرفاتها معايا و بحاول ارضيها بكل الطرق بس هي دايما بتفضل اخواتي عني
مببقاش عايز أزعلها او بخاف أزعلها احساس جميل منك طبعا خوفك علي زعل والدتك سواء حابب تراضيها او بتقلل نقاط الخلاف خوفها عليك أزايد عن اللزوم مش هنقدر نتحكم فيه لانه خارج نطاق سيطرتك ممكن نفكر خلال يومك ايه ممكن تعمله يخفف لودها عليك ويكون تمام معاك
تم النشر الثلاثاء، ٥ نوفمبر ٢٠٢٤
للاسف فيه امهات كتير بيشوفو عيالهم حاجه ماديه ممكن يملكوها ويتحكمو فيها مش مش انسان له الحق انه يعترض ويقول رأيه مشكلة التسلط موجوده غند ناس كتير وبتبقي اوحش مع الولاد عشان الراجل لازم يبقاله شخصيه وكلمه في حال لو اتجوز يعرف يمشي بيته ويبقي مسؤول ، اولا احمد ربنا ان شخصيتك مطلعتش ضعيفه وانك معترض علي اللي بيحصل اعرف واحده مربيه راجلين حرفيا تربية البنات ملهمش صوت ولا بيعرفو ينزلو الشارع من غيرها وهما مخلصين جامعه حولتهم لشخصيه اعتماديه مرضيه ميقدروش يروحو مشوار لوحدهم بسبب تسلطها وخوفها الزايد عليهم كان ممكن تبقي زيهم بس ربنا ستر فالافضل انك تقعد معاها وتفهمها انك راجل والوضع بيختلف مع اختلاف السنين وبعدين تبدأ تطبق ده عملي يعني مش كل حاجه تقولهالك تجري تعملها طبعا بدون عقوق ولو حاولت تتحكم وتفرض عليك حاجه ازعل وخد جنب لأنها من الواضح انك المفضل عندها وزعلك هيزعلها فهمها قد ايه انت بتضايق من أسلوب الاطفال ده وخليك مصر علي قرارك انك كبرت ومن حقك تاخد قرارتك بنفسك بإذن الله تتغير شويه شويه بس الموضوع محتاج صبر مش من يوم وليله
تم النشر الجمعة، ١ نوفمبر ٢٠٢٤
أخي العزيز، أفهم تمامًا مشاعرك وحاجتك للحرية والاستقلالية، خاصة في سنك الحالي. العلاقة بين الأبناء والوالدين يمكن أن تكون معقدة في بعض الأحيان، خصوصًا عندما يكون لدى الأم قلق زائد أو رغبة في السيطرة على تفاصيل حياة ابنها. من المهم أن ندرك أن هذه التصرفات قد تأتي من مكان من الحب والقلق، ولكنها قد تؤدي إلى شعورك بالضغط وعدم الراحة. إليك بعض الخطوات التي قد تساعدك في التعامل مع هذا الموقف: فتح حوار : حاول إجراء محادثة صادقة مع والدتك حول مشاعرك. استخدم عبارات تعبر عن مشاعرك الخاصة بدلاً من توجيه الاتهامات. على سبيل المثال، يمكنك أن تقول: "أشعر بأنني بحاجة إلى المزيد من الاستقلالية في حياتي، وأود أن أشاركك في قراراتي دون الشعور بالضغط." وضع حدود : تحديد الحدود الصحية في العلاقة مهم. يمكنك أن توضح لها بكل احترام ما هي الأمور التي تفضل أن تُترك لك لتقرر فيها بنفسك. التواصل المستمر : حاول أن تمنح والدتك الطمأنينة بشأن حياتك، مثل إبلاغها بالمكان الذي تذهب إليه مع الأصدقاء، أو الأشخاص الذين تتعامل معهم. ذلك قد يساعد في تقليل قلقها. البحث عن الدعم : إذا كنت تشعر بأن الأمور أصبحت معقدة جدًا، يمكنك التفكير في البحث عن مستشار عائلي يتحدث معكما معًا لمساعدتكما على فهم بعضكما البعض. تقدير الذات : تذكر أن كل إنسان يرتكب أخطاء، ولا مانع من التعلم منها. حاول أن تركز على إنجازاتك وتقدمك في الحياة بدلاً من التركيز على السلبيات. أخيرًا، تذكر أن هناك مراحل طبيعية في العلاقات الأسرية، وقد يستغرق الأمر بعض الوقت للتغيير. كن صبورًا وكن دائمًا واضحًا وصريحًا في تواصلك مع والدتك. أسأل الله أن يجمع بينكم في محبة وتفاهم.
تم النشر الخميس، ٣١ أكتوبر ٢٠٢٤
بتفضلني لما يبقي المعامله حلوه وتمام لكن انه يبقي تحكم مش اهتمام هنا يبقي فيه مشكله
تم النشر الثلاثاء، ٥ نوفمبر ٢٠٢٤
حساها كده بتفضلك... الاهتمام ده حب زايد.... بس لما تكون ف بيتك متعرفهاش خصوصياتك و خلي الكلمه الاولي و الاخيره ليك.... واقعد معاها فهمها انك محتاج مساحتك
تم النشر الخميس، ٣١ أكتوبر ٢٠٢٤
لعرض السؤال في فدني اضغط هنا