ولا تضايقي نفسك يا قمر كل الحكايه انه رزقك ونصيبك الي ربنا كاتبه ليكي لسه مجاش ومسيره جاي هيروح فين يعني ولا تقلقي وبعدين لسه العمر قدامك انتي لسه في بدايه حياتك اصلا فا متستعجليش وكل حاجه هتيجي في وقتها صدقيني قربي من ربنا وادعيله في صلاتك يرزقكك بالزوج الصالح الي ويصونك ويقدرك وربنا يقدملك الي في الخير يا جميل 💗
تم النشر الخميس، ١٩ سبتمبر ٢٠٢٤
وعليكم السلام ورحمه الله وبركاته بصي ي جميله كل حاجه في الدنيا دي رزق ونصيبك لسه مجاش وبعدين مش بالسن ولا الجمال ولا انا معايا كليه اي انا شايفه كدا وبتكلم من منظوري يعني عدم تأخر الزواج أو لسه محدش اتقدملي رغم مميزاتي وقد ايه انا أيه في الجمال ملهمش علاقه دا رزق خالص من ربنا سبحانه وتعالي بعدين عايزه اقولك متتكسفيش من صحابك وهما بيتكلموا عن اللي جالهم وانتي لا واي يعني جالهم عرسان مش فاهمه عملوا إنجاز يعني هههه بعدين برضو حابه اقولك متستعجليش مش عشان إنتي لسه صغيره لا عشان إنتي بتختاري آب لي عيالك وزوج صالح ليكي بتختاري شريك حياه ولكي مدي إن تتخيلي مده السعاده أو التعاسة اللي هتعشيها بناءا على اختيارك فتأني يعني ميبقاش كل فكرك اني اتزوج وخلاص آخر حاجه حابه اقولهالك ركزي على دراستك خلي اهتماماتك في تطورك واهتمامك لي أولوياتك وحبك لنفسك متخليش حد يهز سلامك بكلامه ولا يحطك في وضع حرج موفقه ي جميله وربنا يرزقك بالزوج الصالح
تم النشر الخميس، ١٩ سبتمبر ٢٠٢٤
حبيبتي انتي لسه صغيرة ، ولسه الحياة والفرص قدامك .. ممكن ميكونش السبب يخصك انتي ، يعني ممكن الناس شايفة انك مثلا لسه مخلصتيش دراسة او يمكن في ناس بتتقدم بس مش مناسبين ومبتعرفيش ، او ناس شايفينك احسن منهم فانتي كدا اللى هترفضيهم ، فمبيتقدموش الجواز نصيب ، واوقات ان مافيش حد يتقدم لفترة دا احسن من انك يتقدملك ناس مش مناسبة او تتعرضي لمواقف بايخة من ناس معندهاش ذوق .. المهم انك متفكريش ان السبب عندك .. لما النصيب هيجي ، هيجي اللى قابلك زي ما انتي وهتبقي عجباه اوي وشايفك احسن حد يقدر يكمل حياته معاه ... ومش لازم كل اللى الصحاب بيحكوه يكون حقيقة .. مش ميزة ان كل شوية حد يدخل البيت يقعد مع البنت او حتى كل شوية تقابل حد ، وميطلعش في نصيب ، بردو ساعتها البنت بتزعل ولو فكرت ان محصلش نصيب بسببها ، بتتهز ثقتها بنفسها .. ودا مش صح اكيد ادعي ربنا يرزقك بالزوج الصالح المحترم اللى يتقي ربنا فيكي و يقدر يراعيكي ويشيلك في عينيه ، وهيجي بتدبير ربنا في انسب وقت ليكي. حاولي تشغلي وقتك وتفكيرك بحاجات مهمة ، واستغلي وقتك في حاجات مفيدة ليكي عشان لما يجي الشخص المناسب تكوني كونتي راي وشخصية وعارفة ايه اهتماماتك وشخصيتك عاملة ازاي وايه اللى محتاجاه في شريك حياتك ، عشان تقدري تميزي ساعتها مين يناسبك ومين لا. ربنا يكتبلك الخير ويرضيكي
تم النشر الخميس، ١٩ سبتمبر ٢٠٢٤
وعليكم السلام ورحمة الله وبركاته، أختي العزيزة. أفهم تمامًا مشاعرك وما تمرين به. من الطبيعي أن تشعري بالقلق أو الإحباط عندما ترين أصدقائك يتحدثون عن عروض الزواج، بينما تفتقرين لذلك. أريد أن أشير إلى أن الزواج هو قدر الله، وما يحدث في الوقت الراهن قد يكون له أسبابه وحكمته. إليك بعض الأفكار التي قد تساعدك: لا تقارني نفسك بالآخرين : كل فرد له مسار خاص في الحياة وتوقيت معين. التركيز على الإنجازات الشخصية والشغف بالمعرفة أو التطوير الذاتي يمكن أن يساعدك في الشعور بالرضا. التواصل مع الأهل : تحدثي مع والديك عن مشاعرك، قد يكون بإمكانهم تقديم دعم أو نصيحة لك حول هذا الموضوع. من المهم أن يعلموا ما تشعرين به. الكفاءة الاجتماعية : حاولي توسيع دائرة معارفك، سواء كان ذلك من خلال الأنشطة الاجتماعية أو التطوعية. قد تتاح لك فرص للتعرف على أشخاص جدد مما قد تثري حياتك الاجتماعية. تطوير الذات : استغلي هذا الوقت في تنمية مهاراتك وهواياتك. اشغلي نفسك بما تحبين، فهذا سيزيد من ثقتك بنفسك. صلاة استخارة : لا تنسي أن تتوجهي إلى الله بالدعاء والصلاة. استخارة الله من الأمور المهمة في اتخاذ القرارات، وقد يوجهك الله إلى ما هو خير لك. تذكري أن قيمة الإنسان ليست في عدد العرسان الذين يتقدمون له، بل في شخصيته وأخلاقه. حاولي أن تتقبلي وضعك الحالي وكوني واثقة بأن الله يخبئ لك ما هو أفضل. وفقك الله وهدانا وإياك إلى ما فيه الخير.
تم النشر الخميس، ١٩ سبتمبر ٢٠٢٤
فهماكي عامة وبحس نفس شعورك بس بيجي فبالي انه ده رزق من ربنا ووقت ما ربنا يبعت هيكون انسب وقت وكل واحد مختلف عن التاني يمكن لو اتجوزتي بدري مترتاحيش او تتجوزي شخص مش كويس او متلحقيش تحققي إنجازات عشان كده حاولي على قد ماتقدري تستمتعي بالفترة اللي انت فيها دي احسن فترة حرفيا تقدري تنزلي انشطة وتخرجي وانا ولله مقدرة شعورك عشان نفس شعوري بس افتكري ان رزق ربنا بيجي فالميعاد المناسب لكل شخص ومتنسيش الدعاء يا قلبي وربنا يرزقك بالزوج الصالح في الوقت اللي فيه الخير❤️❤️
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا