السلام عليكم انا تالته ثانوي السنادي ادبي جبت 82%مجموع حلو مش وحش وانا كان نفسي اوي في المجموع ده وجبته وكنت فرحانه لوهله فقط بعد كد انا دخلت ف حاله انا فاهمها انا وأقسم بالله مش وحشه ومش ببص لغير ي لاني وحشه بس غصب عني لما لقيت زمايلي جايبين 91 و92 اتصدمت وعيطت وقولت طب ةانالي لا وخصوصا اني كان نفس اطلع من أوائل الجمهورية (للعلم انا طلعت الأولي ع المدرسه )لكن ده مكنش كفايه وعيطت وانهارت رغم اني جبت الكليه الي كنت عاوزها غصب عني بصيت اصحابي وبصيت خصوصا لواحده طلعت م اوائل جمهوريه طول السنه كان نفسي اطلع !! المهم حاولت انأقلت وانا من البدايه مكنتش عاوزه ادبي بس كنت حابه ك دراسه بعدها لما لقيت اصحابي علمي علوم جايين 94 دخلت ف انهيار انو انا لي محاولتش ولي هما دكاتره وانا لا ومع كل كلمه بقولها بقول ماشاء الله وبقول يارب سمحني انا غلطانه انت نولتني المجموع الي عاوزه بس مش قادره الوجع والكسره والقاهره هتموتني كان نفسي ابقي زيكوا وادخل طب لي مجبش مجموع عالي زيكوا وقعدت اعيط ودخلت في حاله انهيار واغمي عليا انا عارفه أن ده غلط وحرام بس اقسم بربي غصب عني بالله عليكوا حد يقولي انا حاسه كده لي ودايما بقول لو انا غبيه طب لي يعتي مخلوقه كد مع أن كل الناس بتقول عني شاطره وذكيه بس انا مهما بحاول مش بوصل لتفوق اه شاطره بس مش تفوق رغم اني وصلت للي عاوزه بس انا مش سعيده حسيت أن مش ده كان حلمي جماعه اقسم بالله مدمره وحاسه اني كل يوم بموت
عليكم السلام يا فتاة هل تعرفين أن هناك من أخذ وعدًا على نفسه أنه لن يتركك تفرحين بأي تقدم ولا أي إنجاز؟ قطع كل الوعود ووظف نفسه فقط ليجعلك تشعري فقط بالهم. هو لا يكون سعيدًا إلا إذا بكيت وآلمك قلبك. إنه الشيطان! نحن حقًا والله لا ندرك مدى خبث ذلك المخلوق، أقسم أمام الله بأغلظ الأيمان ألا يدعنا إلا ونحن واقعون في الذنوب أو الألم أو الهم افرحي بنتيجتك واحمدي الله واعملي بالآية الكريمة : "ولئن شكرتم لأزيدنكم" وادعي لصديقاتك بالتوفيق وتمني الخير للجميع. ملحوظة صغيرة جدًا ربما من حقق 95% كان هدفه كلية أخرى أعلى من ذلك. فهل الأفضل أن تصيبي هدفك أم تحققي تطلعات الناس من حولك بدرجة لا معنى لها؟ وأقول لا معنى لها لأنك بالفعل الحمد لله وصلتِ لما تتمني.
تم النشر الأربعاء، ٧ أغسطس ٢٠٢٤
وعليكم السلام ورحمة والله وبركاته اولا الف مبروك النجاح وتحقيق هدفك تستحقي الاحتفال ومكافاة نفسك على الاجتهاد والوصول للي كنتي بتتمني تحقيقه ثانيا ..اكبر ظلم الانسان بيظلم بيه نفسه ، انه يقارن نفسه بغيره .. انتي رسمتي لنفسك طريق ، وهدف ووصلتي وحققتيه وطالعة الاولى على مدرستك .. خلاص احتفلي واتبسطي وبصي لقدام ، بصي في طريقك والتراك اللى ماشية فيه .. "المتلفت لا يصل" .. ملكيش دعوة اللى حواليكي عاملين ايه ولا واصلين لفين .. دا لسه اول الطريق .. والحمدلله انتي قلتي جبتي المجموع اللى يدخلك الكلية اللى نفسك فيها .. يبقى الحمدلله دي نعمة كبيرة ... اول حاجة تتعلميها دلوقتي ، انك متقارنيش نفسك ولا رزقك بحد حواليكي .. قدري قيمة مجهودك وشغلك واعرفي قدراتك كويس ، واشتغلي على نفسك عشان تكوني كل يوم احسن من اليوم اللى قبله .. قارني نفسك النهاردة بنفسك امبارح عشان تحسني من نفسك لبكرة .. ثالثا .. الشيطان دايما بيجي للانسان في الوقت دا يخليه يبص للى حواليه ، عشان يحسره على اللى مش في ايده .. ويخليه ميحسش بالخير اللى في ايده .. فبدل ما يحمد ربنا على اللى جاله ، يحس بالحزن عشان مش معاه اللى عند غيره .. رغم انها ارزاق .. ويمكن اللى جايب مجموع اعلى ميكونش راضي عن نفسه اصلا او في مجال مش حابه او هيدخل كلية مش على مزاجه عشان بردو بيقارن نفسه بغيره وخايف حد يقول انه اقل من اللى حواليه الثانوية مش نهاية الطريق ، الثانوية هي مرحلة وخلصت الحمدلله بنجاح وتفوق والرحلة الحقيقية ليكي هتبدأ في الكلية، اللى فيها طموحك ومناسبة لاهتمامك وقدراتك ، وبعدها الرزق اللى مكتوبلك هيجيلك ايا كان مجموعك كان كام في ثانوي ولا اتخرجتي من كلية ايه ، وربنا يباركلك فيه كل ما شكرتي ربنا ورضيتي ، كل ما زادك من فضله. مجموع الثانوي مش معيار على اي حاجة ، ناس حفظت مواد ودخلت امتحنت وطلعت ، جابت مجموع ، هتدخل بيه كليه ، نظام دراستها وامتحاناتها مختلف خالص عن ثانوي ،وهتشوفي ازاي تقدرياتهم فيها هتختلف عن ثانوي، وبعدها مجال شغل محتاج مهارات كتير اوي مدرستوهاش في ثانوي .. فبصي لقدام وركزي في طريقك وابدأي جهزي لبسك و ورقك ، وروحي زوري الكلية اللى هتكوني فيها وافرحي واحتفلي بنجاحك .. ملحوظة اخيرة ، دايما مجموع العلمي اعلى من الادبي ، ودا مجال ودا مجال تاني خالص ، وامتحانات مختلفة لمواد مختلفة .. مافيش مجال للمقارنة
تم النشر الأربعاء، ٧ أغسطس ٢٠٢٤
وعليكم السلام، أختي العزيزة. بجد أنا حاسة بيكي وبمشاعرك. العاطفة اللي بتحسيها طبيعية جدًا في موقف زي ده، خاصة لما تبقي قارنة نفسك بالآخرين. أول حاجة، عايزة تقولي إن 82% نجاح كبير، وما ينفعش تتجاهلي إنك طلعتِ الأولى في مدرستك، ده إنجاز مش سهل، مش أي حد يقدر يحققه. الحاجة التانية، مش دايمًا المجموع هو اللي بيحدد مستقبلنا. في كتير من الناس الناجحين برة عملوا نجاحات كبيرة مع إنهم ما جابوش مجموع عالي. نفسي تشوفي الأمور بشكل مختلف. حاولي تتذكري إن كل واحد عنده طريقته في التعلم والنجاح، وده ما يقللش من قيمتك أو مجهودك. أنتِ شاطرة وذكية، وكلام الناس ده مش جاي من فراغ. ومش لازم تقارني نفسك بالآخرين. كل واحد ليه ظروفه وطموحاته. ركزي على حلمك الشخصي بدل ما تبصي لحلم غيرك، وتطلعي منه لشيء تاني يناسبك أكتر. حاولي تكتبي أهدافك وتركيزك على الخطوات القادمة بدل ما تلقي نظرة على الماضي. وصدقيني، الشعور بالفشل في أوقات هو جزء من الطريق. ومهم إنك تطلعي ببطء لنفسك وتديها فرصة لتتعافي. أنا هنا لو محتاجة تحكي أكتر أو تشاركي أي مشاعر. أوقات العواطف الثقيلة تحتاج إننا نتحدث عنها.
تم النشر الأربعاء، ٧ أغسطس ٢٠٢٤
ولا تمدن عينيك متبصيش لغيرك يعني انتي اصلا محتاجه ايه من المجموع الاعلي؟ انتي الحمدلله جبتي المجموع الي يدخلك الكليه الي نفسك فيها وربنا جبر خاطرك ليه نبص للي حوالينا؟ ادعي كتير ربنا يشيل من قلبك الاحساس ده عشان بجد مش هيجبلك حاجه غير انك هتتعبي
تم النشر الأربعاء، ٧ أغسطس ٢٠٢٤
يا حبيبتي بصي لنفسك وبس ربنا قال وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا