أنا عمرى 27
شخصيه انطوائيه جداا جداا
استطيع تكوين صداقات ولكنى لا ارتاح مع اى شخص و اعود لعزلتى و لكن هذا الشئ يدمر مستقبلى و عملى لانه يعتمد على الاصدقاء والمعارف .. وافشل في كثير من الامور تقريبا لنفس السبب حتى ان فرصتى في الزواج تكاد تكون معدومه لانى ايضا شخصيه الزم المنزل كثيرا ولا اخرج الا للحاجه .. لا اعلم ماذا افعل !! اشعر انى شبه مسجونه داخل عزلتى ولا استطيع الخروج
طيب اولا الشخصية الانطوائية ديه مش حاجة وحشة او اضطراب في الشخصية او مرض. ده عادي جدا، واحنا مختلفين. ولكن لو فيه حاجة بتعوق مسار حياتي هل كده تبقى مشكلة اه، يعني حتى لو كانت اي حاجة في الحياة مش شرط انطوائية، يعني ممكن حد يكون اجتماعي وعنده مشكلة في الموضوع ده .. ولازم يعني يسيطر مثلا على حاجة معينة. ندخل في المهم ... وواحدة واحدة .. قصة انك مش بترتاحي مع اي حد ده مش مشكلة ده طبيعي .. هل مطلوب منك انك تعتادي على اي حد وخلاص بسرعة .. والله انتي شخصيتك كده .. بتاخدي وقت في التعارف، بتاخدي وقت في انك تطمني، بتاخدي قوت وده حقك، وكمان مش اي حد تدخليه حياتك وده طبيعي .. انتي ليكي معايير في اختيار الناس اللي تدخل حياتك وشخصية انتقائية، ومش اي حد بتتعودي عليه. لازم اشخاص معينة. ندخل على اللي بعده ....... طبيعة عملك ايه؟ ولا لسه مش لاقية عمل .. لانه في اعتقادك ان العمل يلزم الاصدقاء والمعارف .. طيب بصي هو اه قصة المعارف كويسة جدا انها تكون عندك، ولكن مش هي ديه الطريقة الوحيدة لكده، انتي ممكن تشتغلي برده فيه طرق كتير لكده ولو حابه نتكلم في الموضوع ده قوليلي. فيه ناس انطوائيين وشغالين عادي جدا. ندخل على الجزء اللي بعده .. ايه رأيك تحاولي تنخرطي في المجتمع شوية شوية .. تبدأي تدخل في حاجات تطوعية .. وتتعاملي مع الناس اه هيكون شئ مش مريح .. وتبقى عايزة تمشي من اي مكان فيه تجمعات ..بس حاولي يمكن تحسي مثلا في المكان براحة وبشعور جيد فتقولي لنفسك اجرب مش هخسر حاجة. ايه رايك كمان تلعبي رياضة سواء في الجيم او تختطفي من اليوم ساعة كده وتجري او تتمشي كل يوم الصبح مثلا .. غيري في روتين حياتك .. اقعدي مع عائلتك مثلا واتكلمي معاهم كتير .. اتمنى تكون اجاباتي مفيدة بعض الشئ
تم النشر الأحد، ٢٢ يناير ٢٠٢٣
الشخصيات بها جزء من كل شىء ...نحن نرتاح لجزء اكبر من التانى فنصنف شخصياتنا لهذا اكتر من ذاك. شخصيتك الانطوائية بها جزء اجتماعى ( هو الجزء الاقل طبعا) لكن هى كلها مهارات ويمكننا تنميتها بقدر ما نحتاج تستطيعين ان تكونين اجتماعية ولكن انطوائية ...ازاى؟ بحفاظك على مسافة بينك وبين الاشخاص ..تكوين علاقات لا يعنى بالضرورة الخروج والاستمرار فى التواصل بشكل مكثف. كل شىء وله بديل واكثر من طريقة لتحقيقة. الانترنت والتواصل من خلاله ساعد الكثيرين فى موازنة الانطوائية مع الحاجات الاجتماعية. انسى القوالب الاجتماعية واعملى انتى طريقة تانيه توصلى بيها للاخرين بدون الاحتكاك المباشر ...ده ممكن يساعدك كتير ان شاءالله. ومتزعليش من انطوائيتك ...فقط عبري عنها واطلبي من الاخرين احترامها.
تم النشر الاثنين، ٢٣ يناير ٢٠٢٣
لعرض السؤال في فدني اضغط هنا