ازاي اتعامل مع اخويا هو اصغر مني بس انا مش عارف اتعامل معاه يعني لو اتكلمت معاه بالهدوء وبطريقه حلوه هو يتعالي عليا ويضخم في صوتو وبيتعامل بطريقة مش حلوه ولو اتعاملت معاه بقسوه بحس انو بيكرهني وبيكون مش طايقلي كلام ومش بيتكلم معايا بس سعات كتير بيسمعلي بس مش دايما هل ده لانو لسه في مرحلة المراهقه والبلوغ فا عايز ميكونش حد ضاغط عليه ولا اي وازاي اتعامل معاه
لازم تكونوا اصحاب وفيه الفه بينكم ومفيش حاجز ومفيش افتراضات حد على التانى يعنى لازم تكونوا محترمين بعض وحابين بعض
تم النشر الأحد، ٩ أبريل ٢٠٢٣
المرحلة دى هيكون فيها تغيرات كتير وده طبيعى هتركز على انك تبقي صاحبه اكتر حاجة....تكلمه بنفس النبره لما يكون بيضخم صوته تبقي زيه ولما يكون فى شكل هادى تكون معاه على نفس النمط. هو بدون وعى منه بيكون بيدور على اى تمرد لاثبات شخصيته ...فانت دايما اديله المسؤوليات والنقط اللى تأكد انه اصبح شخصية وكيان انت بتحترمه وانه مسؤول يظهر نفسه محترم ولو هو اللى موفرش الاحترام لنفسه فهيكون طبيعى محدش يحترمه . وقف خالص اى نبرة فى الكلام معاه انه غير مؤهل او انه لسه صغير ومش فاهم الحياه او انه لسه محتاج رقيب وحد يحاسبه ....انت هتعمل كل ده طبعا بوجودك كصاحب معاه بس مش هنقوله صراحة ولا مباشر ولا غير مباشر
تم النشر السبت، ٨ أبريل ٢٠٢٣
اول حاجه المفروض يكون في توازن ف اسلوبك معاه وانه يحترمك ملهوش علاقه بالصوت العالي ابدا هو هيحترمك عشان بيحبك ودي نقطه لازم يحسها تاني حاجه الاطفال مش لازم نعلي صوتنا ونزعق ونقسى عليهم في طرق تانيه زي الثواب العقاب زي منتي هاديه ولطيفه معاه جه تعال عليك تجاوز معاك قوله تمام كمل زي منت مبتعمل وهنضطر انه يكون ليك عقاب والعقاب ده بيكون بالحرمان من حاجه بيحبها لمده قليله عشان كل ميتكرر الخطأ تزود المده او الكميه ف المقابل اي سلوك حلو هو بيعمله هتكافئ برضه بالحاجه الي بيحبها وبتدرجي المكافأة من البسيط للاعلى بناء ع الانجاز الي بيحققه واستجابته للسلوك الجيد كمان لازم يكون في سيطره من الام والاب وقوانين تتحط للجميع بتدي كل واحد حدوده ف البيت وانها مينفعش تتعدى مهما حصل ولازم تفضل صاحبه واقرب حد ليه ابدا
تم النشر الأربعاء، ٥ أبريل ٢٠٢٣
أولاً، لا تيأس ولا تفقد الأمل في التواصل مع أخيك الأصغر، فالاتصال معه يعتبر مهم جداً في هذه المرحلة من عمره. ويمكنك تحديد المتحدث وراء زيادة صوته؛ فبعض الأشخاص يرفعون صوتهم عند الحديث مع من يكون أكبر منهم في السن أو أعلى رتبة، ولذلك يمكنك محاولة التحدث معه بطريقة تجعلك تبتعدين عن هذا السيناريو. ثانياً، في العادة يواجه معظم المراهقين صعوبة في التواصل، وبالتالي من الممكن أن يشعر أخوك الأصغر بالتوتر لأنه في مجال التعلم والتغيير المستمر. بمعنى آخر، يشعر بالضغوط العديدة على عاتقه حاليًا، وبالتالي من المهم التواصل معه بلطف وعدم تحميله مسؤولية محددة إذا لم يتحدث معك في مرة معينة. ثالثاً، من المهم التزام الصبر والعزم في التعامل مع أخيك الأصغر، كما ينصح المرشدين النفسيون بإيجاد الطرق الملائمة للتواصل معه والتحدث عن القضايا التي تشغله بطريقة تضعه في مرحلة الراحة والاسترخاء. وفي كثير من الأحيان، يمكن تقديم المبادرة الأولى في التواصل مع أخيك الأصغر ومحاولة الحديث معه عن أي شيء يتعلق بأفكاره ومشاعره وأسلوب حياته؛ من الممكن أن تكون هذه الأساليب هي الأساس لنشر جو من الثقة والتفاهم مع أخيك الأصغر.
تم النشر الثلاثاء، ٤ أبريل ٢٠٢٣
ربنا يخليكو لبعض
تم النشر السبت، ٨ أبريل ٢٠٢٣
حلوه الحركه المتبادله بين العيله كلها دي 😂
تم النشر السبت، ٨ أبريل ٢٠٢٣
انا فعلا جربتها وهو فعلا ابتدا يقرب مني ويتكلم معايا بس انا بتجنبو وبيكون عايز يفتح معايا اي موضوع وخلاص بس المهم يتكلم بس انا بطنشه زي ما قلتي
تم النشر السبت، ٨ أبريل ٢٠٢٣
حلو ده بجد طريقه حلوه جدا شكرا ليكي
تم النشر الخميس، ٦ أبريل ٢٠٢٣
أمين
تم النشر الأحد، ٩ أبريل ٢٠٢٣
دا أحنا بنعمل عجايب
تم النشر السبت، ٨ أبريل ٢٠٢٣
أختي عملتها معايا وانا عملتها مع أخويا
تم النشر السبت، ٨ أبريل ٢٠٢٣
تممم بس انتي عرفتي الطريقه دي منين
تم النشر السبت، ٨ أبريل ٢٠٢٣
بس متفضلش على كده يعني أفضل معاه كده يومين تلاته وبعدين أرجع كلمه هتلاقيه بيسمع كلامك عشا ماصدق إنك تلتفتلوا فمش هيرضى يزعلك بس برضو متخلهوش يتعدى حدوده معاك
تم النشر السبت، ٨ أبريل ٢٠٢٣
كده نجح
تم النشر السبت، ٨ أبريل ٢٠٢٣
بس إبقى قلي نفعت معاك ولا لا
تم النشر الخميس، ٦ أبريل ٢٠٢٣
العفو
تم النشر الخميس، ٦ أبريل ٢٠٢٣
متتكلمش معاه كتير وماتحولش تبدأ الكلام معاه عامله زي المشهور مع معجبينه يعني لما يجي يهزر ماعك أضحك بس متردش، بهزار وأعمل نفسك مشغول وغير طريقتك معه في الكلام يعني متكلمهوش زي صديق كلموا على أنك أكبر منوا وتحط له حدود معك بس ده مش معناه بالعصبية والصراخ بس بصلو بصة إستغراب حسسوا أنك غريب عنه ورح يحس بقيمتك انا اكنت هيك مع أختي ولما سوت هيك معي من بعدها وأنا أسمع لها وأحترمها بس هيك يارب تنفع معك أنت كمان هادي الطريقة💗🥰
تم النشر الخميس، ٦ أبريل ٢٠٢٣
لعرض السؤال في فدني اضغط هنا