ازاي الإنسان يتخطى بسرعة شخص كان في حياته، خذله وفضل واختار شخص غيره عليه ومصمم انه يستمر في وهمي انه بيحبني وعادي يبقى متعدد العلاقات وانه مش هيقطع تعامله مع اللي بيتكلم معاها علشاني واني مش من حقي احاسبه، مش عايزة اسيبله اي باب موارب وفي نفس الوقت صعبان عليا نفسي وشعوري انه خذلني اني اتعلقت بيه بالرغم من سلبياته ورضيت بيها وخاصة اني دايما كنت حاسة اني وحيدة ومفيش اي اصدقاء في حياتي غيره للأسف!
مفيش تخطي سريع وتخطي بطيء. التخطي بيعتمد على صراحتك مع نفسك واقرارك ان المشكلة دي هتغيريها. والتجربة دي طبيعي تسيب اثر يقل او يزيد مع الوقت من طريقة التعامل معاها. شوفي الايجابيات الي خرجتي بيها والسلبيات الي حصلت والي كان ممكن تحصل واحمد ظي ربنا على التجربة والوعي. حطي مبادئ وقوانين لعلاقاتك مع الناس بعد كده. واقراي في التعلق وازاي الانسان يتخلص منه. اهم حاجة تنمية القسمة الذاتية وعدم اليأس. كل تجربة لها مميزات وعيوب المهم الوعي. ومتسبيش الباب موارب واقطعي اي علاقة بيه وكانه غير موجود، لان الباب الموارب مش هيخليكي تتخطي
تم النشر الاثنين، ١ أبريل ٢٠٢٤
الخذلان يذهب للجحيم اول ما تزودى من قيمة نفسك امام نفسك اكتر من قيمة الشخص اللى انتى منتظره منه التقدير متقفليش حياتك على شخص وبعدين تلوميه هو على افعاله ..الفعل الرئيسى سبب المشكلة هو انك سايبه براح الدنيا وحابسه نفسك فى سجن شخص واحد السجن وحش حتى لو كان مفروش بالدهب فمهما كانت علاقتك بشخص مستشعره فيها مميزات ولكن جواها تقييد لصورتك الذاتيه فى سبيله فانتى فى سجن . قدرى نفسك واخرجى من السجن للبراح ....الارتباط سجن مهما كان فيه معسول المشاعر الا ان جواه سم بيموت بالبطىء
تم النشر الاثنين، ١ أبريل ٢٠٢٤
النوع ده من العلاقات بيكون سام جدآ لأنه بيستنزف مشاعرك دون فائده ثم انه عاوز يمتلكك ويحب حد تاني ويبقى مرتبط بالاتنين واحدة إرتباط رسمي ومع حضرتك مجرد إمتلاك عاطفي لانه واثق من وفائك في حبه ولكن هنا بنقارن بين انك تختاري نفسك وسلامتها أو تختاري إشباع رغبته بإمتلاك مشاعرك واللي هتعود عليكي بالألم النفسي وبنحصك انك تختاري نفسك واعرفي ان اللي يبيعك لن يستحق وجودك ولا تنتظري ان ينهي هو التواصل بينكم ولكن اظهري له مدى قوتك وشجاعتك في التخلي عنه لأنه الشخص الغير مناسب لعواطفك ولا تتمسكي بمن يسبب لكي الألم واعلمي ان وجع الاستغناء اهون من الألم في الإستمرار
تم النشر الاثنين، ١ أبريل ٢٠٢٤
اذا كان نفس الشخص الذي تعلقت به مع مرور الوقت اكتشفت انه يشرب حشيش، لم أكن أجد مبررا لسوء معاملته معي وقت الخلافات، وبعد أن قرأت ان الشخص الذي يتعاطى الحشيش يسبب ذلك بالسلب على سلوكه وطباعه. هل هناك أمل في الاستمرارية في هذه العلاقة على أنه يتغير، أم أن انسحب من البداية، بالرغم أنه يدعمني كثيرا حين احتياجي له؟
تم النشر الأربعاء، ١٠ أبريل ٢٠٢٤
لعرض السؤال في فدني اضغط هنا