أنا تعبت لدرجة إني أريد الانتحار ولكن أنا كذا مرة كنت هعملها ومش بقدر بخاف من ربنا وبخاف انو أعملها
أنا كل يوم بتمنى انو انام ومقمش تاني
وببقى خايفة من اليوم اللي بعده انه يجي
حرفيا تعبت من كل حاجه ويأست حتي من نفسي
تضرعي لله واطلبي الفرج، قولي: "اللهم إني أعوذ بك من الهم والحزن". تذكري إن الحياة اختبار، والله مع الصابرين، زي ما قال تعالى: "إِنَّ مَعَ الْعُسْرِ يُسْرًا". كرّري الذكر والصلاة لأنها تهدي القلب، وحاولي تتواصلي مع شخص تثقين فيه أو مختص عشان يساندوك. تذكري إن الله رحيم وبييسر لكِ أمورك. وإنك قاومتِ نفسك لأنك عارفة أن الانتحار حرام، فهذا دليل على قوتك وإرادتك، والله معك في كل خطوة.💜🤍
تم النشر الاثنين، ٢ ديسمبر ٢٠٢٤
قربي من ربنا يا حبيبتي وكل حاجه هتكون كويسه اي مشاكل بتحصل لنا بسبب اننا بعدنا عن ربنا قربي من ربنا واشكي له وصلي وبإذن الله هتكوني بخير 😔❤️واتركي اي معصية بتعمليها واستغفري عن اي ذنب ولا تيأسوا من روح الله. قربي بس من ربنا والله العظيم هتكوني كويسه وكلنا بنمر بمراحل أسوأ من كدا ممكن بيكون ضغط من اهل او من أي حاجه بس لازم نقاوم ونقوم ونكون احسن ان شاء الله خير
تم النشر الاثنين، ٢ ديسمبر ٢٠٢٤
الانتحار عمره ما كان الحل. هو أسهل طريقة للهرب من المشاكل والحياة الصعبة وكويس إن ما زال عندك خوف من ربنا يمنعك من الوصول للخيار ده لأنه في النهاية يأس من رحمة ربنا. (إنه لا ييأس من روح الله إلا القوم الكافرون) وأكيد محدش يحب ينضم لهم ويخسر دنياه وآخرته كمان. *** سهل أقول لك أنتِ أقوى وقادرة تتغلبي على كل مشاكلك لكن طبيعي إننا بنمر بصعوبات وبنجاهد عشان نخرج منها لكن هل ده معناه نيأس ونسلم مهما كان الأمر صعب وحاسين إنه مستحيل نتغلب عليه. الحل إننا بدل ما نترك الشيطان يوسوس لنا باليأس والهزيمة والانتحار نسأل ربنا العون والمساعدة. (إياك نستعين) هو وحده مقلب القلوب ومغير الأحوال لكنه أيضًا قال (إن الله لا يغير ما بقومٍ حتى يغيروا ما بأنفسهم) فأنتِ تستعيني به وتواظبي على الصلاة وتحاولي قدر الإمكان تأديها بخشوع وتضرع لربنا وتدعيه كتير يقويكِ وتواظبي على أذكار الصباح والمساء. واظبي كمان على ذكر (لا حول ولا قوة إلا بالله) ردديه كتير في اليوم وأنتِ من جواكِ مؤمنة ومتيقنة إن مفيش تحول وتغير بدون الله و مفيش قوة لنا بدون الله. *** هيعينك كمان إنك بدل ما عقلك مركز مع الحاجات السلبية والصعبة في حياتك إنك تخليه كمان يبدأ يشوف الحاجات الحلوة والإيجابية مهما كانت صغيرة. سجلي كل يوم نعم ربنا اللي ممكن وسط حزنك وتعبك متكونيش واخدة بالك منها... نعم كتير ربنا أعطاها لك من غير ما تسأليه... سجلي النعم وكل اللحظات الحلوة وأي إنجاز في حياتك ولو صغيرة وصدقيني هيفرق معكِ كتير. **** شوفي الفيديو ده إن شاء الله يساعدك بالنصائح اللي فيه. https://www.youtube.com/watch?v=8xO-FS0IJKs&ab_channel=dr_AsmaaElkady بالتوفيق.
تم النشر الاثنين، ٢ ديسمبر ٢٠٢٤
انا معرفش ايه ظروفك بس اكيد انتى بتعانى صدقينى الانتحار مش حل لان فعلا انتى كده بتتعبي نفسك ف الدنيا والآخرة وده كلام ربنا لان المنتحر كافر ، كمان ليه انتى لسه عايشه مثلا لحد الان ؟ الاجابه ببساطه لان ربنا كاتبلك حياه معينه بناس جديده بظروف مختلفه الناس الى ربنا قرر أنهم يسيبوا الدنيا حتى وهما لسه صغيرين ويبان لينا أنهم كان ليهم مستقبل الحقيقه ان ربنا اكتفى بحياتهم ف الدنيا لكن انا وانتى وغيرنا ناس لسه عايشه لسه ربنا مكتفاش بحياتنا لسه انتى ليكى قصه ربنا لوحده عارفها انتى مش واثقه ف ربنا ولا ايه ؟ انا اتمنى انك تشيلى الفكره دى من دماغك وانك تستغفرى وتدعى ربنا يعوضك خير وحياتك تتحسن وانا كمان هدعيلك ربنا معاكى ويوفقك 🤍
تم النشر الأحد، ١ ديسمبر ٢٠٢٤
أختي العزيزة، أنا آسفة جدًا لسماع ما تمرين به. من الواضح أنك تشعرين بعبء كبير وثقيل في قلبك، وهذا أمر صعب للغاية. الأوقات التي نشعر فيها باليأس يمكن أن تكون مرهقة، وأشعر بمشاعرك وآلامك. أريد أن أذكّرك بأن لكل مشكلة حل، وأن طلب المساعدة هو من أسمى أنواع الشجاعة. من المهم أن تتحدثي مع شخص موثوق، سواء كان صديقًا مقربًا، أحد أفراد الأسرة، أو أخصائي للرعاية النفسية. هناك من يمكنهم دعمك ومساعدتك في تجاوز هذه الأوقات الصعبة. لا تترددي في طلب المساعدة، لأنك لست وحدك في هذه المعركة. كل يوم قد يبدو مظلمًا فهو فرصة جديدة للتغيير والتحسّن. ذكري نفسك بأن البقاء قويًا أمام التحديات هو فعل عظيم، وبإمكانك تحقيق ذلك. في الإسلام، نُحث على الثقة في رحمة الله وندعو إليه في كل وقت. أرجو أن تتحدثي مع شخص يمكنه مساعدتك اليوم.
تم النشر السبت، ٣٠ نوفمبر ٢٠٢٤
حاولي تشغلي وقت فراغك بهواية او عمل او خروج مع اصدقائك اكيد الوحده سبب كل ضيق واكتئاب وحزن لكن لا تتركي نفسك لمثل هذه الأشياء ديما كوني مشغوله حتي لاتعطي فرصة لمثل هذه الافكار
تم النشر الأحد، ١ ديسمبر ٢٠٢٤
لعرض السؤال في فدني اضغط هنا