انا بحب واحد من زمان وكلمة بحبه دي قليلة بعيط علشانه وبصلي وادعيله واللى يشجعني على الصلاة اللى بيستجاب فيها الدعاء زي قيام الليل يصليهاواقعد ادعي كتير كتير اوى ومش ببغيب عن بالي بحاول اعمل اى حاجة علشان يحبني وبعدين قبل أما نتكلم اصلا على الواتس علشان واحدة قالتله انى بشتمه جامد انا كلمته اعتزرله وكمان كنت عايزة اديلو هدية مرضاش ياخدها وقالي لا مينفعش قولتله خلاص براحتك قالي معلش والله وبيرد عليا بعد فترة وكمان ردود باردة عادي وانا كنت عرفت من اسبوع كدا أنه مرتبط قولت مينفعش احاول معاه وهو مرتبط وقولت امشي بس فى حاجة جامدة بتشدني اني اخليه يحبني اقول هكسر قلبها وشوية احس برضوا أن فى حاجة غريبة غير حبي ليه بتخليني عندي امل ومش عارفة اخليه يحبني ازاي وهو تقيل اوى اوى مع اى حد ومش عارفة اعمل ايه ومش عارفة انساه برضوا ولا عارفة انى متخيلوش قدامي كل شوية مش عارفة بحاول اتلكك بأي حاجة واكلمه بس معتش بعمل كدا بس بجد مش عارفة انساه خالص خالص انام احلم بيه أخرج اشوفه فى اى حتة بحس بيه نفسي اوى اخليه يحبني اعمل ايه كنت بدعي يارب لو خير حببني فيه اكتر لو شر خليني اكره مش عارفة اكره بحبه اوى اوى دايما حاسة انه خير ليا ولما بحس بيه أو بفتكره بفرح اوى وبتمناله السعادة من كل قلبي اعمل ايه حتى لو هتكون صحاب انا هبقى راضية انه يكون مع واحدة تانية بس يكون سعيد بس نكون صحاب اوى بس اعمل ايه اخليه يكلمني ازاي منغير ما اجرح كرامتي
أنا هقولك جملة بسيطه وهي أن الحب مش بالعافيه مش معني أنك فتحتي قلبك أو أوهمتي نفسك بحب شخص ما أو مبهوره بيه فهو المفروض أنه يبادلك نفس الشعور يا حبيتي دي علاقة غلط حتي لو صحوبيه وتأكدي أن الخير مش بأحساسك الخير بأراده الله واللي ربنا كاتبه خير ليكي هيكون ربنا يهديلك نفسك يارب
تم النشر الخميس، ١٤ سبتمبر ٢٠٢٣
من الواضح انك في مرحلة المراهقة وسنك صغير ... وده مش عيب فيكي ولكن ده الشائع شوية عند اغلب المراهقين. بصي يا جميل .. اولا مينفعش تبقوا اصحاب .. الصحوبية حرام ما بين اي ولد وبنت. ده باب للشيطان. وانتي مصرة تفتحي الباب ده بأي طريقة . تاني شئ .. للاسف انتي عايشة وسارحة في الوهم .. انتي ولا بتحبيه ولا غيره .. انتي فقط منجذبه له، وعقلك هو القايم بالواجب بعد كده. ياريت تحافظي على مشاعرك وعلى كرامتك، لانك للاسف بتنزليهم الارض .. وهو اكيد حاسس انك مدلوقة عليه .. ف ياريت تنهي الحوار ده ف اقرب وقت. ولا تكلميه ولا غيره.. وتأكدي انه مش حب، انتي بس موهومه مش اكتر .. عايزة تحبي وتتحبي زي اي بنت في سنك.
تم النشر الخميس، ١٤ سبتمبر ٢٠٢٣
لو بتتمني له السعادة فعلا من فضلك ابعدي عنه تماما وبلاش ضحك على نفسك وتقولي يبقى صاحبي وكدة .. من فضلك ماتحاوليش تعلقيه بيكي وكفاية عليه علاقة واحدة عبيطة .. من فضلك ماتخليهومش اتنين
تم النشر الخميس، ١٤ سبتمبر ٢٠٢٣
وليه تقبلي ع نفسك إنك تكوني مجرد صديقة عنده ، إيه السبب اللي مخليكي تحبي واحد هو أصلا مش شايفك في حياته ، ليه تعملي في نفسك كده ، خلينا متفقين إن الممنوع مرغوب ولكن مش بالطريقة دي بلاش تقبلي ع نفسك أقل من اللي تستحقيه
تم النشر الأربعاء، ١١ أكتوبر ٢٠٢٣
هذا اول تعليق كتبته علي ذاك التطبيق .. و لكني شعرت برغبة في الرد لان العلل متشابهه و قد استشرت أعضاء التطبيق و لم يقنعني أحدهم .. هل لان ردودهم غير مقنعه لا بل هو الامل القاتل ظائما تملك امل لآخر لحظه و لذلك لكي عندي تصيحتين الأولي .. هو تأكدي بأن تنتهي هذه الحكايه بالحسرة فاستعدي الحزن المرتقب و استعيذي بالله من ذاك الحزن و الثانيه استمري في الدعاء بالصدق و ذيدي من أعمال التطوع في سبيل الله كالصيام و النوافل بخلاف نوافل الإثني عشر ركعه و استمري في الأمل و ابقي علي العهد قد اكون أنا الوحيد الذي ينصحك بذلك و لكني لاني في ذاتها العله و كما احببته فاحزني عليه بصدق يوم فراقه و لا تحاولي الاقتراب منه أن كان ليس من نصيبك فسينسيك الله إياه و لكن لا تضيعي عون الله لكي بأن تحاولي الاقتراب منه في الحرام فاصبري و لا تجعلي لك حدود في التقرب من الله فإن لم يكن من نصيبك فسيكون قد حولك لإنسان الاجمل و علي كل اصبري
تم النشر الأحد، ١٧ سبتمبر ٢٠٢٣
اتركيه لوجه الله وادعي ان الله يعوضك افضل منه
تم النشر السبت، ١٦ سبتمبر ٢٠٢٣
حرام الصحوبية بين بنت وولد ولازم تتجوزي واحد صالح عشان بقربك من ربنا بس انت حرة انا نصحتك
تم النشر الخميس، ١٤ سبتمبر ٢٠٢٣
لعرض السؤال في فدني اضغط هنا