السلام عليكم ..
دلوقتي يا جماعه كان في موضوع شاغلني ، دلوقتي انا مش بتاع مشاكل خالص لكن ولا بشتم حد و لا بتخانق مع حد و دايمًا في حالي ، بس لو حد جيه في مره شتمني بأهلي انا ساعتها مبقدرش اتحكم بنفسي و لا في اعصابي و بحس ان هو كده خاض في عرضي و مينفعش اسيبه .. بس في بعض الاحيان انا ساكن في منطقه شعبيه و في الغالب كل اللي فيها بيشيلو اسلحه بيضا و سكاكين و مطاوي و لو حد دخل معاهم في خناقه بيروحو يجيبو ده و ده و ده .. اللي هما معارفهم يعني و اصحابهم و مبيسيبوش حقهم حتي لو هما اللي غالطانين ( و ده انا عمري ما عرفت اعمله ) ،
الفكره هنا ان انا في فكره بتزن في ودني بقالها شويه وهي ان انا لو اتشمت من الناس البلطجيه دول او حد بيجر شكلي هل الصح ساعتها و اللي المفروض يتعمل ان :
_ انا اطنشهم و امشي عشان انا مش هخاطر بحياتي و انا اكيد لو جرالي حاجه مش عايز امي و لا ابويا او اهلي عامة يزعلو .. او ان انا حتى آخد اصابه تفضل ملازماني طول عمري
_ او ان انا مسيبش حد يخوض في عرضي اي كان و اروح اتخانق حتي لو الخناقه دي هتكلفني حياتي و حتي لو لوحدي و مش معايا حد لان انا في الغالب مليش اخوات و لا قرايب يسدو معايا
ارجو اللي عنده اجابه يفيدني و جزاكم الله خيرًا
وعليكم السلام ورحمة الله وبركاته، شايفة ان حضرتك انسان محترم وكويس انك ملكش في مشاكل دي حاجة كويسة جدا، ومن رأيي متحتكش خالص بيهم على قدر الامكان لان لو حد شتمك وانت سكتت من باب الاحترام فاهيستحلاها عشان انت مابتردش والاشخاص الي زي دي مش بتفهم ان ده احترام لانهم مش محترمين وبرضو هتبقى كظمت غيظك ودي حاجة كبيرة جدا "قوله تعالى (والكاظمين الغيظ والعافين عن الناس)" ، لكن لو شتمك وانت مسكتش معتقدش ان ناس زي دي هتسيبك في حالك من انهم يعملوا معاك مشاكل او يستقصدوك ودي مش حاجة تستاهل انها توصل لخسارة حياتك عشانها، وقوله ﷺ (إن شر الناس عند الله منزلة يوم القيامة من تركه الناس اتقاء شره) فهو اكيد عليه ذنوب الي بيخافوه دول لان من باب ترويع مسلم كمان بما انه بيمسك سلاح ، واخيرا لو استطعت تنقل من المنطقة دي وتروح مكان تاني يكون هادي واهله كويسين انت واسرتك هيكون افضل ليك، وده الي اقدر اقوله لحضرتك لان مليش احتكاك بالامور دي، وربنا يتوب علينا وعليهم ويهيدهم للطريق الصح
تم النشر الثلاثاء، ٢٥ فبراير ٢٠٢٥
السلام عليكم ورحمه الله وبركاته جميل جدا ان احنا عندنا مبادئ. نحافظ على احترامنا لنفسنا ونبقى بنتصرف بحكمه الوضع اللي انت بتشرحه ده خلينا نقول ان عندنا قاعده مهمه جدا فيه لا تخاطب السفيه يعني انا دلوقتي قدام شخص اصلا بعيد جدا عن درجه الوعي بتاعتي وما عندهوش مبد يعني طريقه وانا بعيد تماما عن الطريقه دي ومش هتبنى طريقتهم عشان اثبت اي حاجه ولا عشان ابقى افعت عن نفسي لا انا في عندي اولويات وهي ان انا احافظ على مبدئي اصلا وان انا احافظ على حياتي وعلى كرامتي وابعد عن نوعيه المشاكل اللي هي مش هتستفيد منها اي حاجه.ا ولا اي حاجه طيب انا دلوقتي يعني هتكلم حتى معه ليه يعني هبدا معاه حوار ممكن يتطرق انه يكون في الفاظ سيئه ليه فانا من البدايه مش هخلي فيه اي علاقه او موقف ممكن ينشا ما بيني وما بين النوعيه دي من الاشخاص اللي هم عندهم استعداد للشكل ده من الخناقات او الشكل ده من الالفاظ طيب والله حاجه صدفه او جاءت بدون قصد. ممكن اعمل ايه انا طبعا مش هرد بطريقتهم خالص ومش هاقف عند الكلام ده لانه الاشخاص دي. بتتكلم الكلام ده كده يعني زيه زي صباح الخير فاا هم عندهم.
تم النشر الثلاثاء، ٢٥ فبراير ٢٠٢٥
بص مبدأيا انا كنت ساكن في منطقة شعبية و قعدت سنين و عمري ما عملت خناقة او شتمت ولا اتشتمت من حد فنجيب الموضوع من الأول ايه اللي هيولد مشكلة او خناقة اصلا ما كل واحد في حاله و ماشية و بنتعامل مع الناس و بالعقل و كله بالطريقة و بالكلمة الحلوة ده ساعات ياخي بيبقى في خناقات كتير ممكن تحصل و هو واحد جاية في دماغه يتخانق معاك تقوله كلمتين حلوين و لسانك الحلو يخليه يلين و يقولك حصل خير يا صاحبي و يبوسك كمان و يمشي متراضي 😂 مش ضعف منك ولا خوف خالص بس طريقة تعامل شوف اللي قدامك و اتعامل على حسب عقليته خده على قد عقله هتلاقيه زي الطفل و قلبه ابيض لكن هتخشوا انتوا الاتنين ب attitude مين اجمد و مين أقوى و شتايم انت بتفتح على نفسك سكة كنت ممكن تخلصها بكلمتين اصلا و لكن مبقولكش تبقى ضعيف ولا جبان يعني شباب مثلا بيعاكسوا بنت او حاجة كدا دخلت تحل لقيت الموضوع مش جاي كلام ما انت مش هتسيبها و تمشي ده موقف بتتعامل فيه بقي لان رجولتك بتحركك وقتها او لو حد من اهل بيتك بيتعرض لاذي ولازم تدافع عنه دي حاجات لازم لكن مش ماشي على الفاضي و المليان تتعارك مع طوب الأرض بتبدأ كلام و حل ودي ده أول حاجة لانك مش بتسعي للخناقة في المقام الأول انت بتحاول تتجنبها بس لو اضطريت ليها تسد
تم النشر الاثنين، ٢٤ فبراير ٢٠٢٥
يمكنك أن تبتعد عن كل الناس اللي حولك الغير محترمه ودائم عندما تراهم ردد واذا خاطبهم الجاهلون قالوا سلاما وربنا يحميك بفضله وكرمه ان شاء الله تعالى ولكن اعرف انك في البدايه كنت خطأ لأنك اقمت علاقه مع الأشخاص الخطأ حتى لو تعارف فلا يمكن أن يشتموك الا اذا كان فيه معرفة بينك وبين هؤلاء الأشخاص فراجع نفسك جيدآ في ذلك وربنا معاك
تم النشر الثلاثاء، ٤ مارس ٢٠٢٥
وعليكم السلام ورحمة الله وبركاته. أخي العزيز، أقدر موقفك وصراعاتك النفسية التي تعاني منها. من الواضح أنك شخص تحترم نفسك وأهلك ولا تحب أن تُفضل النفس عن قيمك. ولكن، من المهم جداً أن نفكر بشكل عقلاني في مثل هذه المواقف. الاهتمام بالسلامة الشخصية : يجب أن تكون سلامتك في المقام الأول. ذكرني موقفك بشخص يحتاج إلى الحذر بسبب المحيط الذي يعيش فيه. النزاعات قد تؤدي إلى عواقب وخيمة، وفي بعض الأحيان من الأفضل تجنب المواجهة والخروج من الموقف بأقل الأضرار. التفكير في العواقب : التهور في الردود قد يؤدي إلى عواقب لا يمكن التنبؤ بها، مثل فقدان حياتك أو إصابتك بجروح قد تؤثر على حياتك بشكل دائم. بينما من المهم الدفاع عن كرامتك، يجب أن تتذكر أن بإمكانك القيام بذلك بطرق أكثر حكمة، دون الانجرار إلى العنف. استراتيجيات التجنب : يمكنك محاولة تجنب الأشخاص الذين يعرفون بهذا السلوك العدائي، وتفادي الأماكن التي تعرف أنها قد تتسبب في مشكلات لك. تذكر أن الحرية والكرامة تأتيان بالتفكير قبل العمل. اللجوء للدعم الاجتماعي : إذا كنت تستطيع، ابحث عن أصدقاء أو أفراد يمكنك الثقة بهم في مجتمعك، أو ابحث عن نشاطات أو هويات تخرجك من هذا الجو العدائي. الدعاء والتوجه إلى الله : اللهم احفظك، وتذكر أن الدعاء وتحسين علاقتك بالله قد يجلب لك السلام الداخلي والطمأنينة. في النهاية، لا يجب أن تترك أحداً يتحكم في مشاعرك أو ردود أفعالك. الحكمة تتطلب أحيانًا أن ندع الأمور تمر، بينما التهور قد يقودنا إلى عواقب ليست في صالحنا. بارك الله فيك وأعانك على اتخاذ القرارات الصائبة.
تم النشر الاثنين، ٢٤ فبراير ٢٠٢٥
لعرض السؤال في فدني اضغط هنا