كنت في علاقه توكسيك وخرجت منها وتعافيت منها نسبياً لكن بقى عندي خوف دائما من أني ادخل في اي علاقه تاني وجالي شخص بعد فتره مش كبيره وكان طالب ايدي للجواز بس قالي أنه فتره بس ويتقدم عشان ظروف ومشاكل عنده هتخلص وهيتقدم باذن الله وانا وافقت وهو كان كويس اوي وكان بيستحمل افعالي بس المشكله كان في تصرفات كتير مني بتدايقه ومكنتش بعرف الاقي حل ليها خصوصا أن في حجات في شخصيتي اتغيرت بسبب العلاقه التوكسيك دي بقيت انا كمان توكسيك للاسف ودلوقتي انا وهو بعدنا فتره عشان مقدرناش نكمل في كم المشاكل دي ولخبطه كتير المهم أن قالي هنبطل كلام لحد ما اجي اتقدملك باذن الله ونتكلم في الخطوبه احسن ونكون عارفين بعض في الواقع احسن من الشات وكده فا انا مش عارفه اعمل ايه وازاي اغير صفات المؤذيه فيا وازاي ارجع علاقتنا احسن
احكيلي ازاي بقيتي شخصية توكسيك؟ وملحوظة صغيرة علشان تكوني في الامان اكتر .. ياريت لو حد جه وقالك هتقدم، وانتي ناوية توافقي بلاش تتكلمي معاه غير لما يجي الاول. لان احتمال وارد انه يكون بيتسلى .. ف بلاش تتكلمي معاه غير لما يجي ويتقدم ويكون الكلام رسمي.
تم النشر السبت، ١٣ أبريل ٢٠٢٤
حبيبتي أول حاجة مينفعش تخافي من انماط علاقات معينة لان ده هيخليهم موجودين في حياتك والخوف ده موجود عندك من قبل العلاقة لكن العلاقة كشفت عنه لازم نتقبل فكرة أن طريقة حبنا وتعبيرنا مش واحدة وأن في أنماط علاقات شكلها سام بنسبالنا وحاولي تخرجي الخوف ده بطرق مختلفة زي التدوين ، الرسم ، تكوين علاقات ناجحة مينفعش ندخل علاقة واحنا لسه متعفيناش وعلشان نتعافي من اي شي لازم نفهم رسالتنا منه افتكري شخصيتك القديمة وشوفي هل كان فيها زيادة في مشاعر معينة علشان علاقاتي تكون صحية لازم اكون مشافي والشخص اللي خرج من حياتك كان حلي يعلمك حاجة معينة ويمشي افتكري عيوب الشخصية القديمة واشتغلي عليها وساعتها هتعرفي ازاي تحلي المشاكل الحالية
تم النشر السبت، ١٣ أبريل ٢٠٢٤
🥺🤍🤍ايوا عندك حق حاضر بإذن الله 🫂 تسلميلي
تم النشر الاثنين، ١٥ أبريل ٢٠٢٤
بصى قربى من ربنا اوى وادعى وافتكرى ديما وانتى بتعامليه انك كل حاجه هتعمليها معاه هتتردلك يعنى اى كل ماتيجى تقولى كلمه او تعملى فعل افتكرى انك متحبيش انها تحصلك حاولى تنسى اللى فات خالص وتتعاملى مع الشخص زى مابيعاملك لانه ميستهلش انه يتعامل وحش بسبب حاجه هو مالوش زنب فيها عشان ميزهقش منك وكل ماتحسى انك مضايقه وعايزه تضايقيه قومى صلى وادعى ربنا
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا