السلام عليكم انا شاب ماعنديش حظوظ خالص من ساعة ما ابتديت اشتغل وماكنش ليا حظ اني اشتغل في مكان كويس وبالرغم كدة راضي وبقول الحمدلله علي كل حال بحاول دايما اسعد اهلي علي قد ماقدر وبعمل ليهم اللي نفسهم فيه ونسيت نفسي وعمري بقي ٣٢ سنه حتي كل لما بدخل تجربة خطوبة او جواز مش بتوفق خالص حاجة غريبة اني لسه ماخطبتش لحد دلوقت مع اني انسان كويس وشكلي مقبول الحمدلله انا عارف اني كنت مقصر في حقق ربنا عليا بس انا ابتديت اتقرب لربنا الفترة دي وبدعي ربنا يقف معايا هل انا كدة العمر عدي بيا ومش هالاقي الحاجة اللي هاتناسب سني ولا ايه برجاء النصيحة وشكرا
وعليكم السلام الارزاق فقط لاغير وفقك الله فى ان يرزقكك البر باهلك ولم يقدر لك رزق الزواج حتى الان ..لا يوجد معيار بالسن فى هذه الامور ولا يوجد شروط لمن يكتب لهم هذا الرزق ومن لا انت استمر فى تصليح علاقتك بربنا والالتزام بالفروض و ساعد حد فى زواجه ولو بالقليل وان شاء الله ربنا ييسر ليك الامر
تم النشر الاثنين، ٢٥ مارس ٢٠٢٤
وعليكم السلام ورحمة الله وبركاته .. هو للاسف الكلمة ديه (الحظ) اضحك علينا كتير بيها .. مفيش حاجه اسمها حظ. فيه حاجه اسمها اقدار، فيه حاجه اسمها نصيب. لكن حظ اظن مفيش حاجه في الدين اسمها حظ .. ولكن علينا ان نرضى بما هو مكتوب الينا .. وربنا ادري بكل شئ .. واحنا ما علينا الا السعي ربنا قال: وليس للانسان الا ما سعى ف انت اسعى ديما انك تكون افضل مما انت عليه. وقصة تاخيرك في الزواج .. فيه اكبر من حضرتك وعادي لم يتزوجوا .. مفيش حاجه فاتتك. كل شئ بمعاد .. وربنا يوفقك.
تم النشر الأحد، ٢٤ مارس ٢٠٢٤
بص يحبي انت بتسأل هل انت يعتبر راحت عليك ؟ الإجابة لا انت المطلوب منك دلوقتي انك تقرب من ربنا تلتزم بصلاة كل الفروض في المسجد لأن صلاة الجماعة فرض واهتم جداً جداً جداً بصلاة الفجر وقيام الليل حتي لو ركعتين صدقني حياتك هتبقا بتنور وكمان أطلق لحيتك لأنه واجب علي كل مسلم مش سنة وغض البصر ومتسلمش علي بنات وغيرها من الأعمال طبعاً مش هقدر اقول كل حاجة إنت ابحث بنفسك وتابع ناس بتوع دين زى الدكتور حازم شومان والشيخ مصطفي العدوي والدكتور امير منير ومحمد الغليظ وأحمد عامر وغيرهم وبالنسبة للزوجة الرسول صلّ الله عليه وسلم قال فاظفر بذات الدين تربت يداك ف انت متتقدمش لواحدة مش علي دين او مش ملتزمة عشان متندمش بعدين وصدقني لما تخطب ذات الدين عمرك ما هتفشل وركز دائماً في أنك متغضبش ربنا ابدا ابدا لأن احنا شوية وماشيين يصاحبي ربنا قال وما خلقت الجن والإنس إلا ليعبدون.. ف خلي بالك وبالتوفيق
تم النشر الثلاثاء، ٢٦ مارس ٢٠٢٤
أحب أفكر حضرتك وأفكر نفسي بالرضا بما يعطيه الله لنا من الأرزاق والحظوظ فهو سبحانه وتعالى يقدر لنا من الأرزاق والخطوط و أرحم بنا على أنفسنا و أعلم بما يُصلحنا، فمن العباد من لا يُصلحه إلَّا الفقر، ومن العباد من لا يُصلحه إلَّا الغنى، والله عليم حكيم، يضع الأشياء في مواضعها، ويقضي للعبد ما هو أنفع له، وقد قال سبحانه وتعالى: {وعسى أن تكرهوا شيئًا وهو خيرٌ لكم وعسى أن تُحبوا شيئًا وهو شرٌ لكم والله يعلم وأنتم لا تعلمون}. و هذا لا يعني العجز وترك الأخذ بالأسباب، فإن الله تعالى قدَّر للأرزاق أسبابًا تؤدِّي إليها ينبغي الأخذ بالأسباب التي شرعها الله سبحانه وتعالى، ومن أعظم الأسباب تجنب معاصي الله، فإن معاصي الله تعالى من أعظم أسباب الحرمان، كما قال النبي الكريم -صلى الله عليه وسلم-: (وإن العبد ليحرم الرزق بالذنب يُصيبُه). من الأسباب أيضًا الإكثار من استغفار الله تعالى، فإن الاستغفار سبب أكيد في تحصيل الرزق، كما قال الله: {فقلتُ استغفروا ربكم إنه كان غفَّارًا يرسل السماء عليكم مدرارًا ويُمددكم بأموالٍ وبنين ويجعل لكم جناتٍ ويجعل لكم أنهارًا}، وقال سبحانه وتعالى: {وأنِ استغفروا ربكم ثم توبوا إليه يمتِّعكم متاعًا حسنًا إلى أجلٍ مُسمَّى}. وفي الدعاء الذي علَّمه النبي -صلى الله عليه وسلم- لمن سأله كيف يقول حين يسأل ربه؟ قال: (قل: اللهم اغفر لي وارحمني وعافني وارزقني، فإن هؤلاء تجمع لك دنياك وآخرتك) رواه مسلم. ينبغي الإكثار من الدعاء والاستغفار، ومن استطاع أن يُتابع بين الحج والعمرة فذلك حسن، وهو من أسباب الرزق أيضًا، فقد قال النبي الكريم -صلى الله عليه وسلم-: (تابعوا بين الحج والعمرة؛ فإنهما ينفيان الفقر والذنوب كما ينفي الكير خبث الحديد). صلة الرحم من أسباب بسط الرزق، فقد قال الرسول -صلى الله عليه وسلم-: (مَن سَرَّه أن يُبسط له في رزقه ويُنسأ له في أثره فليصل رحمه). من الأسباب في هذا الباب الأخذ بتقوى الله سبحانه وتعالى، والوقوف عند حدوده، فقد قال الله الكريم: {ومن يتق الله يجعل له مخرجًا ويرزقه من حيث لا يحتسب} وقال: {ومن يتق الله يجعل له من أمره يُسرًا}. نسأل الله بأسمائه وصفاته أن يوفقك لكل خير، وأن ييسِّر لك أمورك، إنه جواد كريم.
تم النشر الأحد، ٢٤ مارس ٢٠٢٤
ربنا يبارك في حضرتك يارب
تم النشر الأحد، ٢٤ مارس ٢٠٢٤
اولا مفيش حاجه اسمها حظ ولكن ف حاجه اسمها نصيب مفدر لك الباب الي بتزعل انو اتقفل و مفيش فرصه او زي ما بتقول حظ. دا خير ليك متعرفش لخير فيين بجد وسنك كويس اوي علي فكره. وشاب ناضج. مش دا يعني الي يمنع السن ونصيبك مخاش متقلبة كل حاجه مكتبالك بس اصبر ولعله خير بس كل حاجه وبتيجي ف وقتها بس واذا ارااد الله بامران اكيقول له كن فيكون دع امرك يدبره ربك وتوكلرعليه رف كل مورك وسبها علي الله ختلاقيها اتيسرت ان شاء الله ونصحيه مني. اقرا صوره البقره وخير ان شاء الله
تم النشر الثلاثاء، ٢٦ مارس ٢٠٢٤
و ادعى دايما ربنا اللهم اهدنى و ردنى اليك رداً جميلا و اللهم اغنينى عن من سواء يا غنى ، وتانى حاجة نقطة الشغل انت بتفضل تسعى و تدور فى كذة مجال على حسب كل فترة زى مثلا كل فترة بيظهر مجالات جديدة فى السوق لازم بتدأ انك تدرسها وربنا يكرمك بالحلال الطيب و يرزقك يارب الزوجه الصالحه
تم النشر الأحد، ٢٤ مارس ٢٠٢٤
السلام عليكم ورحمة الله وبركاته ، العمر بيكون مجرد رقم المهم انك لما تختار شريكه حياتك تكون اختارت صح بالمواصفات الى انت بتتمناها اخطب الف مرة و اتجوز جوازة واحدة لان دايما الخطوبة بتكون تعارف و يا حصل قبول يا حصل لقدر الله رفض وانا عارفة ان احساس الرفض بيكون صعب على النفس انها تتقبله بس ربما بيكون لية حكمه مش لازم كل حاجة نعرفها و ادعى دايما ربنا انة انة يرزقك الق
تم النشر الأحد، ٢٤ مارس ٢٠٢٤
لعرض السؤال في فدني اضغط هنا