كنت ثانويه عامه وفي سنه 3 فشلت وعدت تالته اربع مرات وبرضو منجحتش ومكملتش تعليمي واتجوزت وخلفت بنتين وزوجي مش متحمل مسئوليه البيت ومش عايز يشتغل ولما بينزل شغل اسبوع بيقعد في البيت بالشهر واكتر وعلي طول يطلب من أهله فلوس وعلينا ديون كثيره وانا تعبت من حياتي معه لاني لا باكل لقمه كويسه ولا بناتي بيلبسوا كويس ونفسي اكمل تعليمي واشتغل وأصرف علي نفسي وعلي بناتي
ينفع اكمل تعليمي واخد كورس انجليزي في مكان كويس وبشهاده معتمده
في اكاديميه اسمها المعادي الدوليه اقدر اكمل نظم ومعلومات ولكن بشهاده الاكاديميه فقط هل هتنفع تشغلني
تفكيرك جميل وعملى بس خلينا نتأكد انك هتعملى ده من غير ما تزودى ضغط على نفسك اولا شوفى فرصة عمل مثلا فى حضانه وبناتك يبقوا معاكى ...حتى لو الدخل بسيط...هاتى كتاب نور البيان واتعلمى طريقة التأسيس للاطفال الصغيرين. فرصة عمل ودخل يقويكى على خطواتك التانيه.....ويهيأك مرة تانيه لفكرة الدراسه. اى مجال تكنولوجى اذا حبيتى تدخلى فيه بدون ما تكملى ثانوى...مفيهوش مشكلة خالص. اهم حاجة تتعلمى المجال وتمارسي كويس وشغلك اللى هيطلع هو اللى هيكون شهادتك الحقيقية. ادعى لزوجك بالهداية والصلاح ...وواظبي ع الصلاه وهو كمان حتى لو مش شغال فكريه بالصلاه دايما وربنا يرفع اى هم وكرب عنك.
تم النشر الأربعاء، ٢٢ مارس ٢٠٢٣
معنديش خلفيه الصراحة عن الاكاديميه.. بس حاليا مبقاش مهم خريج إيه والاكاديميات اغلبها معتمده والاهم الخبره و الاستمراريه فالتعلم بس بجد إعملي كده ده مجال مطلوب ومرتباته كويسه بس اشتغلي علي نفسك واتعبي واتعلمي واثبتي للمكان فالشغل انك عاوزه تتعلمي و تستمري
تم النشر الاثنين، ٢٠ مارس ٢٠٢٣
اولا احب اشكرك على ثقتك في نفسك واهتمامك بمستقبلك ومستقبل اولادك. انا متأكدة ان الوضع الحالي صعب ولكني اثق في انك تستطيعين تحقيق النجاح والاستقلالية التي تطمحين لها وأنت شابة وقوية. بالطبع يمكنك مواصلة التعليم والحصول على شهادة في مجالك المفضل. من المهم أن تختاري الأكاديمية التي تتناسب مع اهتماماتك وفرص عمل متاحة في سوق العمل. عليك ايضاً البحث عن فرص للتدريب والعمل المتاحة لك. يمكنك التقدم للوظائف التي تتوافق مع مؤهلاتك الجديدة والحصول على تدريب يزيد من خبراتك ومهاراتك. و فيما يتعلق بزوجك، يجب ان يتحمل مسؤوليته كرجل وان يبحث عن عمل مناسب لدعم الأسرة وتحقيق الرفاهية المالية المستدامة للأسرة. أنا على يقين بأنك ستحققين النجاح إذا بذلتي الوقت والجهد وتحملتي الصعاب. و اذكر دائما أنك قوية ولديك القدرة على تحقيق النجاح المرجو.
تم النشر الاثنين، ٢٠ مارس ٢٠٢٣
اكيد طبعا تقدري تكملي تعليمك وتاخدي كورسات وتشتغلي .. الموضوع هياخد منك مجهود في الاول بس بعد كده هتقدري تشتغلي بمرتب كويس .. وبما انك عندك اولاد ومش عاوزه تنزلي وتسيبيهم . حاولي تاخدي كورسات اونلاين ع النت .. وعلى فكره فيه شغل كول سنتر عربي وانجليزي من البيت برضو .. اكتبي في خانة البحث على فيسبوك كلمة شغل من البيت او work from home
تم النشر الثلاثاء، ٢١ مارس ٢٠٢٣
لعرض السؤال في فدني اضغط هنا