ما الأمور التي يجب أن أمتنع عنها تمامًا أو يجوز متابعتها بحذر إذا كنت أريد الالتزام؟

Question

السلام عليكم ورحمه الله وبركاته شباب، اذا كان في اهل علم بالدين هنا لو سمحتم يردو عليا لان دماغي هتنفجر حاليا مبدئيا، انا في طريقي للالتزام وحرفيا بدور علي جواز حاجات كتير اولا... متابعه اميرات ديزني زي سندريلا وسنو وايت وكده والانمي حرام ..... في ناس قالوا مخالفه للعقائد عشان الحب وكده طيب مهو مفيش اي رسوم متحركه تماما مفهاش مخالفات لان بكل بساطه الي عملوها مش مسلمين واللي يعرف افلام كرتون حلوه واسلاميه لو سمحتم يقولي عليها علما مفيش موسيقي ثانيا ....عندي مجلات بطوط وميكي وكده وشخصيات خياليه هي مجرد مجلات مفهاش حاجه يعني هل دا حرام بردو ثالثا ....بالنسبه للروايات والكتب وكده ساعات بيبقي في حب في النص او مثلا روايات رومانسيه فيها بس كلام وكده يعني مش حاجه فاحشه بس بردو بيبقي خارج الزواج فبالتالي هل دا حرام ولا اي بالنسبه للمسلسلات الي بتحتوي علي فكره بس فيها مخالفات زي مثلا شرب سجاير او خروج ولد وبنت سوا وكده زي مثلا الشهد والدموع و المال والبنون هل دا حرام علما بردو مفيش موسيقي ومفيش الفاظ ومفيش منظر فاحش وكان في شيخ بيقول ان مجرد وضع لايك او لاف علي اي بوست لاي رجل علي السوشيال سواء كبير او صغير حرام مع اني بحط لاف للبوست مش للشخص ممكن تفدوني الي عنده علم في الحجات ياريت يرد عليا وشكرا

Accepted Answer

وعليكم السلام ورحمه الله وبركاته بصي يا ست البنات اولا ان شاء الله ان شاء الله ربنا ييسر لكم امور التزامك. محتاجه انك تعرفي حاجه مهمه جدا جدا. ما تندفعش بقوه شديده جدا علشان قوتك دي هتستهلك بسرعه جدا جدا جدا جدا وتحسي ان الالتزام ده شيء مرهق جدا ومتعب جدا زي ما انت بتقولي دماغي حتى منفجر. وهتلاقي نفسك يعني لا قدر الله بترجعي وبتكرهي اصلا الالتزام واحنا مش عايزين نوصل للنتيجه دي فاحنا دلوقتي مش هقول لك خدي الموضوع تدريجي ولكن خدي بالاحوط والافضل يعني ايه يعني انا متعوده ان انا اتفرج على افلام ديزني كتير تمام او بحب اتفرج عليهم خلاص انا كنت بتفرج على فيلم ديزني كل يوم لا انا هابدا الاول اشوف حاجات بديله عن افلام تانيه تكون بديله زي ايه زي الافلام اللي هي بتاعت مثلا الكرتون اللي هي بقى ملهاش علاقه اصلا بشخصيات فيها فيها بني ادمين بالدرجه الكبيره والقصه بتاعتها مع بعضها ما فيهاش قصص حب بشكل كبير يعني همم. تبقى كلها بس زي توم وجيري مثلا يعني اغلبها مفيش حاجه من الحاجات دي ده قط وفار ده مثال يعني فهتلاقي فيه نوعيه من الرسوم المتحركه بتبقى في السياق ده نقدر ايه نبدا واحده واحده نبدلها علشان نبعد عن السياق بتاع اا اميرات طيب هل انا ضروري اصلا ابعد عن اميرات ديزني خالص يعني. ومش ضروري ليه بقى مش ضروري علشان احنا بنتعامل ببشريتنا لو عملتي منع فجاه كده حاجه انت كنت متعوده عليها بشكل كبير هتحسي نفسك زي ما قلت لك كده ان الالتزام ده خنقه قوي وهتلاقي نفسك دايما بتحاول تهرب وترجع لايه لنفس الحاجات دي فاحنا واحده واحده كده وبالراحه طبعا العلماء والفقهاء والناس اللي متبحرين في العلوم اكيد عندهم وجهات نظر لجهات النظر دي بتعتمد على علمهم الكبير. ولكن بما ان في نقاط فيها سعه وفيها اراء مختلفه فده معناه ان ربنا يعني سايب لنا مساحه انه اي حد فينا يختار اي اختيار من دول فان شاء الله مش هيكون غلط. يعني ايه يعني انا دلوقتي لو اخذت بالراي اللي بيقول ان طالما ده كرتون ومش ومش بني ادمين حقيقيين مثلا فخلاص ما فيش مشكله دي مش حاجه حقيقيه يعني طبعا المهم ما يكونش فيها فكره تنافي التعليم بتاعه الاسلام. فخلاص تمام ايه المشكله اتفرج على فيلم كرتون في حد ثاني يقول لك لا اصلا ده دي رسومات والرسومات دي ارواح فلا متفرجيش على اي حاجه مرسوم فيها بني ادم بشكل حقيقي بعينين وكل تفاصيل الجسد فما تفرجيش خالص والله اللي هياخذ بالراي ده هو تمام ولا ياخذ بالراي ده هو تمام لانه الحاجه دي ما فيهاش قول قاطع قوي كده انه ده حرام وانه ده ابعد عنه تمام طيب المسلسلات بقى والافلام؟ المسلسلات والافلام للاسف انه اغلبها بيكون موجود فيه. لبس بطريقه مش كويسه خالص فهنا بيكون في مشكله بيبقى الاحسن ان احنا نبعد عن الافلام والمسلسلات علشان بيكون موجود فيها اييي اولا تكشف كبير جدا للعورات وخصوصا للسيدات واحده بتكون لابسه بقى يعني دراعات ورجلين باينين وشعره الحاجات دي مشكلتها كلها ان هي هتبدا تبقى مغريه لنفسك انت اييي هتبدا واحده واحده تدخل جوه نفسك اللي هو شكلها يعني انا نفسي اعمل كده وانا نفسي البس كده ممكن ما يبقاش من اول فيلم ولا اول مسلسل ممكن يبقى بتكرار المشاهده. الافكار كمان اللي بتتقال انه الارتباط عادي والحب والحاجات دي طبعا بتبقى مشكله في نوعيه في نوعيه هي موجوده بس مش كثيره من الافلام زي مثلا الافلام اللي بتكون بتتكلم عن قصه من قصص الحرب ااا. زي الافلام الجديده زي فيلم السيرب في الخليه يعني دي افلام هتلاقي نسبه الكلام ده فيها مثلا قليله فيعني. ما اعتقدش ان في مشكله ان الواحد يتفرج على حاجه من دي وهيكون بيبعد نفسه عن المشاهد اللي هي الصعبه او الحاجات اللي هي هتدخل فتبقى محببه لنفس بالتدريج. فيعني ما ما توصليش نفسك لانه كله صعب وبلاش ويعني ايه؟ عشان برده ارجع اقول لك ثاني ما تحسيش ان التزام ده خنقه الحاجه بقى اللي انت هتعمليها هو انك كل لما هتبدئي حياتك تكون مليئه بحاجات ثانيه كلها جميله في الالتزام واحده واحده هتلاقيها اصلا ما عندكيش وقت تتفرجي على مسلسل ولا على فيلم ولا ديزني زي ايه زي مثلا انه هتبدئي واحده واحده تلاقي نفسك همم بتشوفي المحتوى اللي عاملينه محجبات واحده محجبه وعامله محتوى بتتكلم عن حاجات كويسه بتدي نصائح فخلاص انت تتعودي تشوفي دي وهتنسي خالص مثلا اللي انت كنت متابعاها اللي هي مش محجبه ده مثال الكرتون هتبداي يعني انا هحط لك واحده من القنوات اللي هي فيها. كرتون. ولكن كله قصص. اسلامي يعني فهتلاقي نفسك واحده واحده حبيتي دول اصلا لو حبيتي تتفرجي على كرتون او حبيتي تتفرجي على حاجه هتروحي تجيبي ده فكل شويه مع الوقت هتلاقي اصلا ان انت بقيتي ممتلئه بالحاجات اللي هي تخص الالتزام وما بقيتيش بتفكري تروحي للحاجات اللي انت قبل كده كنت متعوده عليها الا بنسبه بسيطه جدا واحتمال تقولي لا لا مش عايزاها اصلا. واحده واحده وهوني على نفسك وان شاء الله ان شاء الله ربنا ييسر لك الامر ويبعدك عن اي حاجه فيها فتنه او فيها شبهه. وهرجع اقول لك ثاني في امور ربنا سايب لنا فيها مساحه الاختلاف واكبر مثال على ده هو المذاهب الاربعه المذاهب حتى لو في ما بينهم اختلافات ولكن كلهم مش ضد العقيده ولا ضد الشرع ولا خارجين عنها لكن هي اراء مختلفه وكل واحد ياخذ. الحاجه اللي هو هيقدر ينفذها وبشكل عام نبتعد عن الشبهات وربنا يثبتنا ويثبتك باذن الله.

Answer

وعليكم السلام ورحمة الله وبركاته، من الواضح أنكِ تضغطين على نفسكِ كثيرًا وتشددين عليها لدرجة تكاد تخنقك، لذا دعيني أخبرك بحديث رسول الله صلى الله عليه وسلم "إن الدين يسر، ولن يُشاد الدينَ أحد إلا غلبه" بمعنى، أن الدين ميسر ومسهل وأن علينا الترفق وعدم التشديد على أنفسنا بالأعمال فوق ما نطيق حتى لا نُغلب في النهاية ونتوقف عن كل ما أردنا فعله. ما عليكِ فعله هو التدرج وعدم إغراق نفسك بقدر كبير من الالتزام والفروض والتوقف مرة واحدة عن كل شيء لأنك وقتها ستشعرين بالاختناق وستشعرين أن الدين يضغط عليكِ ويحرمك من الكثير من المتع التي تعودتِ عليها. الحل أن تبدأي بخطوات صغيرة وتتوقفي شيئًا فشيئًا عن الأشياء المحرمة ثم التي فيها شبهة وفي نفس الوقت تقومين بإحلال طاعات وعادات حسنة مكان العادات التي تتخلين عنها. ومن المهم جدًا، البدء بالمواظبة على الصلاة وزيادة الخشوع فيها والالتزام بورد قرآن يومي والالتزام بالأذكار لأن هذا سيساعدكِ جدًا في تسهيل بقية الأمور عليكِ. *** بالنسبة للمجلات لا أرى فيها مشكلة لكن عليكِ الانتباه أنه حتى في مجلات ميكي وبطوط قد تجدين بعض الأفكار غير المنتمية لثقافتنا وديننا فكوني حذرة فيما يدخل لعقلك. أما الأنمي وأفلام ديزني، بما إن ديزني مقاطعة فيمكنك التوقف عنها من الآن إن أحببتِ... أفلام الأنمي هناك منها ما هو مخالف للعقيدة بالكلية وهناك مصنفات عامة لا تصلح للمشاهدة، يمكنك الابتعاد تمامًا عن أي أنمي يكون فيه شركيات وكفر أو مشاهد إباحية أو قريبة منها والاكتفاء بالتصنيفات الآمنة حتى تستطيعين التوقف لاحقًا. *** بالنسبة لموضوع وضع لايك لبوست ما المشكلة فيه؟ إلا إن كان البوست نفسه فيه دعوة لشيء مخالف للدين أو هو نفسه مخالف، كمقطع أغنية أو مقطع فيه ملابس مكشوفة أو تعري أو غيرها من تلك الفيديوهات. اللايك والتعليق والمشاركة إن كنتِ لا تعرفين كل هذا يساعد في انتشار البوست وأنتِ بتفاعلك معه تجعلين خوارزميات السوشيال ميديا ترفع هذا البوست وترشحه للآخرين. إن كان بوست مفيد وهادف ولا شيء فيه يخالف تعاليم الدين لا مشكلة من تفاعلك عليه وعمل لايك... هذا يساعد في انتشاره. والعكس بالطبع مع أي بوست فيه ذنوب، حتى لا تتحملي أنتِ أيضًا جزءًا من هذه الذنوب. **** سأؤكد مرة أخرى على نقطة التدرج والتقرب من الله والمداومة على الطاعات وإن كانت قليلة (أحب الأعمال إلى الله أدومها وإن قل) (قليل دائم خير من كثير منقطع) وكلما اقتربتِ من الله وازداد الإيمان في قلبك سيكون التوقف عن كل هذه الأشياء سهلًا. استعيني بالله وتوكلي عليه وادعيه أن يهديكِ للحق ويثبتكِ عليه. وادعي دائمًا (اللهم أرنا الحق حقًا وارزقنا اتباعه وأرنا الباطل باطلًا وارزقنا اجتنابه) ***

Answer

وعليكم السلام ورحمة الله وبركاته. أختي العزيزة، أسأل الله أن يوفقك في طريق الالتزام وأن يرزقك العلم النافع. بالنسبة لما ذكرتيه من تساؤلات، سأحاول أن أجيب بما يتناسب مع مبادئ الدين الإسلامي. متابعة أميرات ديزني والأنمي : تعتبر الرسوم المتحركة بشكل عام سببًا للترفيه، ولكن عند النظر إليها من منظور إسلامي، يُستحسن الحذر من المحتوى الذي قد يتعارض مع العقائد الإسلامية أو يروج لقيم غير مقبولة مثل الحب خارج إطار الزواج. إذا وجدتِ أن قصة معينة تعزز القيم الإسلامية وتبتعد عن المحرمات، يمكنك متابعة ذلك ولكن تجنبي ما هو محرم أو يُحدث شبهة. مجلات بطوط وميكي : المجلات كما تأتي غالبًا بمحتوى ترفيهي ومرتبط بشخصيات خيالية، طالما أنها لا تتعارض مع الأخلاق الإسلامية ولا تتضمن محتوى محرم، فلا حرج في قراءتها. لكن يجب أن نكون واعين لما تقدمه تلك المجلات من قيم. الروايات والكتب : إذا كانت الروايات تحتوي على قصص حب ولكنها لا تتضمن فحش أو مشاهد غير لائقة، فهي تستحق التأمل. ومع ذلك، من الأفضل تجنب ما قد يثير الشهوات أو يؤدي إلى تشويش الأفكار. إذا كانت الروايات تروج لأفكار تعزز من الالتزام والقيم الإسلامية، فلا مانع من قراءتها. المسلسلات : أيضاً بالنسبة للمسلسلات التي تحتوي على مشاهد غير لائقة أو ممارسات تتنافى مع تعاليم ديننا، يُفضل تجنبها. فحتى لو كانت تخلو من الموسيقى أو الألفاظ البذيئة، يبقى الهدف من المسلسل وتأثيره على الفكرة العامة أهم. التفاعل على وسائل التواصل الاجتماعي : بالنسبة لوضع "لايك" أو "لف" على منشورات، فالأمر يعتمد على محتوى المنشور. إذا كان محتوًى يتعارض مع مضمون القيم الإسلامية، يُفضل الابتعاد عن ذلك. لكن إذا كان المحتوى قاسيًا أو يحوي معلومات مفيدة، فلا حرج في ذلك. أنصحك بالاستمرار في طلب العلم والتوجه إلى المصادر الموثوقة في الفقه . أسأل الله أن يوفقك في جميع مساعيك ويبعد عنك كل ما يعكر صفو التزامك.

ما الأمور التي يجب أن أمتنع عنها تمامًا أو يجوز متابعتها بحذر إذا كنت أريد الالتزام؟

دينية

فكرية

سؤال من احد أعضاء فدني

تم النشر الأربعاء، ٢٣ أكتوبر ٢٠٢٤

3 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك