السلام عليكم طيب بما ان انت رديتي على التعليق بتاعي وانت بتقولي انه انت بتتابعي اخبار كثير جدا على السوشيال ميديا لها علاقه بالموت ممكن يكون الموت اللي ليه علاقه بالاعمارهم صغيره المخ بيتاثر جدا جدا باي حاجه بنديها له بجرعه كبيره اي حاجه فانا دلوقتي لو فضلت اديكي حاجات مسكره وانت بتحبي الحلويات وبتحبي السكريات ولكن هتيجي في مرحله وحبك ليها هتحسي انك محتاجه شيء مختلفه تحسي انك تشبعتي من السكريات دي لدرجه انك ما بقيتيش عايزه تشوفي حاجه مسكره من كتر ما هي يعني وصلت لك احساس مش حلو رغم انك بتحبيها فاذا كان ده في الحاجه اللي احنا بنحبها ما بالك بالشيء اللي اصلا متعلق بجزئيه احنا مش حابين انها تحصل اصلا فاحنا بنتشبع من الموضوع عشان كده لازم ناخد بالنا كويس قوي من الحاجات اللي احنا بنستقبلها من بره من بره ده يعني ايه يعني من المحيط اللي حوالينا كله يعني مش كل حاجه بتيجي انا اشوفها او اسمعها ولا هيكون دايما وقتها مناسب انا اللي لازم يكون ليا تحكم واعمل توقف وابدا اوقف اني اسمع حاجات معينه عشان كده. يعني ايه بقى ان احنا نعمل استثمار في الحياه؟ يعني انا دلوقتي طبعا هكون لسه ما خرجتش فكره الموت من جوايا فانا هقول دلوقتي لنفسي كل يوم لو انا عمري هنتهي بكره احب اعمل ايه النهارده علشان ما احسش ان حياتي خلصت على الفاضي واشوف شيء لازم اعمله اقدم شيء حلو لنفسي او للي حواليا او للناس عموما اللي موجودين في اي حته ده ضروري جدا جدا عشان اكون عملت استثمار في الحياه ان انا هبدا اربط فكره المود اللي لسه ما خرجتش من جوايا وهي اللي مليانه قوي قوي دلوقتي وهربطها بالحياه بالتدريج واحده واحده هيبدا الموضوع يرجع للتوازن الطبيعي بتاعه ثاني التوازن الطبيعي ان انا هكون بعمل حاجات في حياتي عادي وعايشه في حياتي تمام وفي نفس الوقت مش ناسيه ان في موت اكيد موجود ودي حقيقه موجوده وما ينفعش ان احنا ننساها خالص ولكن الموضوع هيكون بشكل متوازن ومش هيكون فيه حاجه اكثر من الثلج.
اكيد هما حاولوا معاكى كتي والمسؤولية الاساسية هنا انك انتى تبدأى بتغيير الوضع الغلط وهتلاقيهم يقدروا يقدمولك الدعم مره تانية
تم النشر الأحد، ١٩ يناير ٢٠٢٥
طيب والاعراض الجسدية الى عندى من كتر الخوف والهلع خايفة يحصل حاجة حاسة انى روحى نفسها مهبطة جدا ومنطفاة وكانى فى عالم لوحدي كل خوف وقلق وتوتر واعراض ومفيش حد من الى حواليا فاهم حالتي ولا عارفين يساعدونى واحساس انهم ياسوا من انى ارجع تانى فسايبتى خلاص منعزلة طول اليوم تعبانه مش دى حياتى ابدا ولا عمرى كنت كدة
تم النشر الأحد، ١٩ يناير ٢٠٢٥
لعرض الإجابة في فدني اضغط هنا