انا شاب عمري ٢٢ وقتي ضيق و اجازتي يوم الجمعة(لا يوجد نوادي كرة قدم أو ...) واسكن في منطقة لا يوجد فيها حدائق أو أماكن ترفيه و اعيش في مجتمع لا أستطيع أن أكون فيه صداقات (صداقة للذهاب لأماكن ترفيه أو عمل نشاط فيه ترفيه) و لا أتصفح مواقع التواصل الاجتماعي الا قليلا جدا لاحافظ على وقتي و تركيزي واقلل من التلفاز لفقط نصف ساعة ل ساعة
وابتعد عن مشاهدة المحرمات لدرجة برامج التلفاز التي فيها نساء محجبات أو غير محجبات.
و انقطعت عن لعب الالعاب الالكترونيه الا ما ندر
و أقاربي ك اولاد عمي و خالي و.... يعيشون في دولة أخرى
و لا اجد هواية تناسبني و هناك فرق عمر بيني و بين اخوتي و هم تقريبا دائما مشغولين
فلا أجد شيء استمتع فيه أو أفرغ فيه طاقتي غير العمل ويبقى لدي بعض الطاقة اخر النهار و لا يوجد لها عندي مخرج و أشعر بضغط واريد منفسا ممتعا.
روتيني الاستيقاظ على الفجر ،الصلاة في جماعة ،قرائة القران ،الدراسة لمدة ساعة ، الافطار ،الذهاب للعمل ،صلاة المغرب في جماعة ،تناول وجبة العشاء مع مشاهدة التلفاز ،الذهاب لصلاة العشاء جماعة ،النوم
.. لـ كسر الروتين اليومي وتجديد الشغف ✨الرياضة : مارس نوع الرياضة التي تحبها كالمشي او الجري او السباحة او لعب كره القدم اوركوب الدراجة … ✨ممارسة هوايتك : كالرسم ، أو الأعمال اليدوية ، عمل طبخة جديدة أو التصميم ، ركوب الخيل .. ✨المغامرات : المغامرات التي تعلمك الجرأة والتحدي كركوب الأمواج ، تسلق الجبال ، الغوص في البحار ، القفز المضلي … ✨الخروج مع الأحباب والأصدقاء : الخروج مع الأصدقاء مرة أو مرتين كل أسبوع بعيدًا عن الضغوطات والعمل أمر ضروري لضمان صحة نفسية وجسدية .. تغيير الروتين أمر لا بدّ منه حتى تتمكّن من الاستمتاع بكل دقيقة وبكل لحظة من يومك، وتجدد طاقتك ولتستمتع بحياتك 👌🏻✨ غير ذلك يعرضك للاحتراق النفسي #Dr_A معالج نفسي
تم النشر الاثنين، ٢٢ أبريل ٢٠٢٤
عادة من الهوايات الجميلة إللي برشحها هي القراءة بالذات لو مجالات مختلفة زي كتب علمية، دينية، وأوقات أقل، روايات كنوع من أنواع التسلية والهروب من الواقع شوية في هذه الحالة بنبدأ ندور على موهبة أو هواية منجذبين ليها، كتابة ،رسم، ديزاين وهكذا بقى وأبدأ أشتغل عليها وأتعلم فيها أكتر ممكن تكون هواية بس معنديش الموهبة، ف هنا برجح إن الواحد يتعلم عن الهواية دي ويطورها عن طريق فيديوز وكورسات من يوتيوب، أخد أفكار من بنترست أو من ناس عملت زيها إشغل وقت الفراغ بإنك تتعلم حاجة جديدة، دراسة جديدة، شغل جديد، إسمع بودكساتات بتبقى حلوة جدا، إكتسب حاجة دينية جديدة، زي زود ذكر، صلي نوافل، وقت الفراغ إقرأ أو تدبر قرآن، أحاديث، إقرأ أو إسمع عن سنن وسيرة الرسول والصحابة، هكذا بقى الحاجات دي ممكن تعملها برا البيت كنوع من التغير وفي البيت عادي ف دا هيخليك تخرج عادي تروح مكان عام لوحدك هكذا يعني
تم النشر الأحد، ٢١ أبريل ٢٠٢٤
انت ممكن تتعلم السباحه هى مفيده جدا بطلع الأفكار السلبيه ومفيده لجسمك ولياقتك . ممكن تقول إن المكان اللى انت عايش فيه مفيهوش نادى عادى انت ممكن تدور ع اقرب نادى ليك .وتاخد الطريق مشى أو جرى وتكون مارست رياضتين .ولو هتمشى ممكن تسمع الشيخ المفضل ليك والسورة المفضلة ليك أو لو انت بتحفظ قرآن ممكن تراجع .لو انت مش حافظ ممكن تبدأ تحفظ انصحك جدا . ومينفعش تقول انا مليش هوايه أو معنديش هوايه معينه. انت لازم تجرب بنفسك عشان تقول كده ده غير انك لازم تجرب الشئ مع اكتر من مدرب مثلا. وجرب بنفسك واكتشف هوايتك ممكن تكون هوايتك ( السباحة .القراءة .الفن .الكتابة ..) فأنت دور بنفسك ع هوايتك .أو الشى اللى بتفضله. اتمنى اكون فيدتك.
تم النشر الاثنين، ٢٢ أبريل ٢٠٢٤
السلام عليكم ورحمه الله وبركاته ايها الشاب ثبتك الله على ما انت فيه واكثر من امثالك يا رب انك تكون عامل اهداف لنفسك وانك تبقى عارف انت بتعمل ده ليه ومانع نفسك عن ده ليه فده شيء جميل وحتى سؤالك شيء جميل لان ضروري يكون فيه متنفس علشان تقدر تحافظ على النظام اللي انت عامله لنفسك ما فيش اسطنبات في موضوع الاستمتاع يعني مش شرط كل الحاجات اللي انت قلتها تكون هي امثله للاستمتاع بالوقت او الوقت اللي هو اللي فاضل بقى. انك تعمل فيه فاصل كده مش شرط تكون فزت صلوات يعني مش شرط الكلاشيهات اللي احنا. بتتقال من اي حد او اغلب الناس بتعملها؟ الاول لازم احنا نسالك سؤال ايه الحاجات اللي بالنسبه لك توصل لشعور انت بتستمتع بايه بتستمتع وانت بتعمل ايه؟ الاستمتاع ده بيكون معناه انه بيمر الوقت وانت بتكون ما حستش بجهد وحتى لو في جهد ما بتحسش به او ما بيكونش تقيل عليك وبيمر الوقت وبتحس الوقت اقصر من كده بكتير وبتكون عندك شعور بالراحه بعد ما تخلص الحاجه دي تحس ان انت اتشحنت طاقه كده تقدر تعمل بها حاجات تانيه فايه الحاجات اللي بتوصل لك الاحساس ده. فكر فيها عشان نبدا نحطها بقى جوه الجدول.
تم النشر السبت، ٢٠ أبريل ٢٠٢٤
ممكن الجواز يكون حل كويس
تم النشر الأحد، ٢١ أبريل ٢٠٢٤
!!! نسيت أن اضيف لدي وقت فراغ قبل العمل نصف ساعة ل ساعة و بعد العمل نصف ساعة ل ساعة
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا