السلام عليكم ورحمة الله انا طالبه تالته ثانوي ومن قبل ما تبداء السنه قررت اني اقسم المواد ع سنتين والاسباب كانت كتيره ومنها الاحوال الماديه والمشاكل العائليه بس كان السبب الاكبر هو الخوف انا كان عندي اخت اكبر مني ب 3سنين وكانت ف تالته ثانوي علمي علوم بس هي كانت مهمله جدا او ممكن مش جدا بس اللي اعرفه انها قليل ما كانت بتذاكر وده سبب فشلها وحصل اللي حصل وماكملتش وهنا بداءت المشاكل والضغوطات تذيد عليا لاني كنت مع اول محاوله وخطوه بتقدم بيها كان بيجيلي صاروخ اسرائلي ابن ناس ويقولولي(انتي هتفشلي ذي اختك انتي هتسقطي انتي وانتي وانتي) حتي اهلي كل دقيقه كانوا ييجولي ويهددوني ده غير خناقاتهم سوا اللي مش بتخلص قعدت فتره طويله جدا ف حاله توهان واكتئاب وخوف وبعدها ما بقاش فارق معيا حاجه ودرجاتي كانت كل مدي بتقل لحد ف يوم نتيجه اولي ثانوي الترم التاني شلت مادتين وقتها قولت خلاص مع اني موجوده ف العيله بس محدش يعرفني غير اسم ده غير فشلي ف الدراسه واني مفيش من وجودي فايده غير اني عاله عليهم وع المجتمع ووصلت معيا لدرجه التفكير ف الان تحار اكتر من مره وفعلا حاولت بس حتي ف دي فشلت تخيلوا التعب النفسي اللي مريت بيه دا كله ومحدش حس ولا سأل كنت بتعب بالاسابيع ع السرير ومش قادره اتحرك وولا فيه رد فعل انا ف ايام تعب كانت بتبقا شديده وبقول خلاص دي نهايتي ومع بدايه تانيه ثانوي رجعت لنفسي وفوقت وقولت لا انا عندي اصحاب ولو اتكلمت معاهم هقوي علاقتي بيهم واسأل عليهم ويسألوا عليا وفعلا بقيت احسن ومع مرور الوقت اتحسنت درجاتي وبعدها.....بقا الوجع بيزيد عليها لما بداءت احس ان وجودي وسطهم ذي عدمه وانهم بيتخلوا عني بسهوله مع انتي اتعلقت بيهم جدا وده خلاني بواجه صعوبه ف اني ابعد وبسبب اني لسه قريبه منهم اتحول الدواء الي سم بطئ كل موقف وموقف كنت بعديه كان بيتقل ع قلبي...وبعد ما كانوا هم الشمعه اللي بتبعدني عن السواد اللي ف حياتي بقوا بيحرقوني لحد ماقررت اني احاول اعتمد ع نفسي وابعد بالبطئ وقدرت بس كان متأخر لحد ما خلصت تانيه ثانوي وكنت وحيده جدا في الوقت ده وبسبب المشاكل اللي عدت عليا في حياتي كنت ولازلت بكره الحب بكل حرف فيه وكان اكبر سبب للكره ده التعلق بالاخرين وصعوبه تقبل الواقع ودي كانت نقطه كويسه ف حياتي لانها بعدتني عن المشاكل الناجمه عنها وبداءت تالته ثانوي بصاحبه كانت بمثابه عوض كبييير من ربنا عن الصحبه الفاشله والمؤذيه كأنها ملاك ع هيئه بشر حرفيا وبكل معني كلمه بقولها قلبها ابيض بدرجه خياليه ولو قعدت دهر كامل اشكر ربنا ع النعمه دي مش هيكفي وكانت حالتها الماديه مش اووي وقالت انها هتقسم فقررنا نقسم سوا وبداءت اتعايش مع واقعي وفجاءه حسيت اني لسه مولوده جديده لسه مفتحه عيني للدنيا واكتشفت اني علشان اخد حريتي لازم احارب واكافح وبداءت بدايه جديده واخطط هعمل ايه بس الزمن يسيبنا ابدا دلوقتي وصلت للمرحله اللي كانت فيها اختي 3ث والخوف مع كل دقيقه ودقيقه بيزيد وبداءت افقد الامل وخايفه جدا مش عارفه اعمل اي ومع اني اخدت اول سنه 4 مواد بس لحد دلوقتى مش قادره اكمل........ المنهج مش صعب بس الصعوبه ف الاستمراريه خايفه من ان محاولاتي كلها تفشل مخاوف كتيره بتلاحقني والاكتئاب بداء يسطير عليا والمخاوف بتزيد حاسه اني ورقه بتقع من شجره كل اغصانها اتخلت عنها....
واحساس الان تحار الحل الاسهل للنهايه بداء يرجعلي تاني ومش عارفه اتخلص منه 💔💔
ومن نعم الله عليكى انه خلق فيكى روح الاصرار والمثابرة و الاجتهاد استعيذى بالله من الشيطان لانه مصر ان يجعلك تحزنى وتذهبى لما هو ليس منك وحدك او مع احدهم ستقومين بالانتهاء من انجازك باذن الله لانك بداخلك لن تقبلى باقل من هذا فانا رأيت فى كلامك شخصية قوية لم ولن ترضخ لبعض من الهم الذى يباعد بينها وبين حلمها الحالى لكى تبدأ بعده فى حلم جديد
تم النشر الخميس، ٢٨ ديسمبر ٢٠٢٣
وعليكم السلام ورحمة الله وبركاته .. ليه بتقارني نفسك ب اختك؟ انتي مش اختك ولا اختك زيك .. ف ليه مصرة تعيشي نفسك فى الالم .. انا مقدرة جدا طبعا التعب النفسي اللي ناتج عنه معاملة الاهل .. بس انتي للاسف زودتي التعب ده ب ايدك .. انتي كمان عملتي ازمة وعيشتي نفسك فيها .. خلقتي الخوف وخلقتي الهزيمة واقنعتي نفسك انك متستحقيش حاجه.. خلقتي دافع غير نفسك، وخليته هو اللي هيتحكم فيكي، وهو اصحابك .. حسيتي انهم ممكن يكون طوق النجاة، بس كانوا سبب في كسرتك مرة تانية، او انتي اللي كنتي السبب في كده، لما اقنعتي نفسك انهم هيكونوا دافع ليكي من تاني علشان تقدري تنسي اللي انتي فيه. وبالرغم من كده، غلطتي للمرة التانية نفس الغلط، وابتديتي تعوضي اللي حصل برضه مع شخصية تانية... هتقوليلي بس هي كويسة وملاك! ماشي .. كويس - بس لو الملاك ده اختفي من حياتك تحت اي ظرف انتي هتعملي ايه؟ هنتعلم بقى منعتمدش على حد ونشوف نفسنا؟ ولا هنبدأ اننا ندور على العوض الجديد، او الملاك الجديد، علشان يطلعك من الحفرة اللي انتي ساجنة نفسك فيها؟ انتي السجان لنفسك مش حد ... اكسري القفل واهربي .. وواجهي مخافك، واعرفي نفسك صح، متقارنيش نفسك بحد. بالتوفيق
تم النشر الخميس، ٢٨ ديسمبر ٢٠٢٣
ثقی ف نفسک وخدی کل کلامہم حافظ لیکی عشان تثبتیلہم انک ناجحہ ویعتمد علیکی
تم النشر السبت، ٣٠ ديسمبر ٢٠٢٣
بصي انا عيلتي كلها بلا استثناء جات قبل امتحانات تانيه اعدادي ب أسبوعين وقالتلي ان انا فاشله وانانيه وبغل ومش هطلع ضفر اختي الدكتورة وهطلع زبالة وده كان مؤثر في نفسيتي جدا ومكنتش بركز في المذاكرة وكنت خايفه بطريقه ويوميات علي عياط البليل وكنت مروعبه وبعد ما امتحنت كنت حاسب أن انا هجيب درجات مش كويسه بس الحمد لله طلعت الأولي ومنقصتش غير في ماده واحده
تم النشر الجمعة، ٢٩ ديسمبر ٢٠٢٣
عاملة اي اول حاجة عايزة اقولها لك أن حقيقي عيلتك مش بيكرهوكي أو شايفينك فاشلة هم بس عايزينك تكوني ناجحة و تفرحيهم بس هما مش قادرين يوصلوا المعلومة دي بشكل صح تاني حاجة بقا الصحاب بصي انا ثانوي بردو اجتماعية جدا بس محدش قريب و دا بيكون اصعب شوية بس هقولك حاجة ربنا بيدي الإنسان رزقه كامل ممكن رزقك تخديه ف حجات كتير تانية بس احنا كبشر نظرتنا محدودة جدا لسه احنا صغيرين و عوض ربنا لما بيجي بينسيكي التعب صدقيني و بالنسبة لموضوع الانتحار دا متفكريش فيه خالص لانه حرام ارواحنا و جسمنا دا احنا مسؤولين عليه قدام ربنا و بعدين مفيش حاجة تستاهل بجد و الله اخر حاجة اعملي ال عليكي و أدعي ربنا كتير أن هو يوفقك و انتظمي علي الاذكار و الورد و هتلاقي روحك و نفسيتك بقت أحسن كتير ربنا يوفقك ديما و تحققي ال بتتمنيه ♥️
تم النشر الخميس، ٢٨ ديسمبر ٢٠٢٣
التقرب من الله وسماع القرءان هم أكثر الاشياء قصه وراحه
تم النشر الخميس، ٢٨ ديسمبر ٢٠٢٣
عارفة إنك مخنوقة ومضايقة ورُبما عليكِ ضغط زيادة الفترة دي ، بس كنت حابه أقول إن كل اللخبطة دي هتعدي وهتبقى أحسن من الأول ، خليكِ فاكرة إن ربنا مش ناسيكِ بس مخبيلك كل خير ، على فكرة إنتي إنسانه جميله تتحبي بكُل تفاصيلك الصغيرة ،ملامحك اللي مش بتحبيها لطيفة جدًا وأنا بحبها ، شكلك مش عادي !! مش ذنبك الخذلان وإنطفائك بسبب اللي مريتي بيه بس خليكي فاكرة متحمِّليش نفسك فوق طاقتها ، خليكِ عارفه إنك مش مُجبرة تبقي مع ناس مش بترتاحي معاها ، حُطي نفسك فـي دايرة إنتِ بترتاحي وسطيها ، بالنسبة للي فات حاولي تنسيه" إبدئي من جديد وكل حاجة هتتحل ، ضحكتك اللطيفة متخبيهاش ، اضحكي و سيبي كل حاجة لربنا قومي صلي ركعتين قيام هيغيروا حياتك قيام الليل بيحقق المعجزات تكوني شايفه الدنيا بايظة من حواليك بس متفائله إن في حاجه هتحصل تزبط كل ده للأحسن ، تكون شايفه المادة صعبه ومش هتعدي فيها بس متأكده إنك هتنجحي وبتقدير كمان، ممكن تكوني فاقده الأمل إنك تكوني بتدعي بدعوة بقالك كتير أوي ومافيش بس واثقه إنك هتُرزقي باللي فيه الخير ليكِ، تكوني زعلانه على حاجات خسرتها فرص ضاعت منك ناس علاقتك انتهت بيهم بس مؤمنه إنك هتتعوضي عن كل دول بالأجمل، إنك حاطه دايمًا في اعتبارك إن في لحظة حاسمه دايمًا بتيجي تغير كل الوحش للحلو، الخوف لأمان، الحزن لفرح، الزعل لرضا، الكئابة لبهجة وسعادة، دي نعمة عظيمة إسمها حُسن الظن بالله، ودي المفتاح الي بيخلينا مهما حصل نكمّل نعدي كل الوحش الي بنمر بيه في الدنيا دي، والنور الي بنشوفه دايمًا في آخر الطريق، ومن غيره كل حاجه حوالينا بتكون ضلمة! إن إختبارك الأعظم في الحياة، أن يبقى قلبُك لا يسكنُه مهما جرى عليك إلا حُسن الظن بالله سيستجيب أبشري يحبيبة فُؤادي
تم النشر الجمعة، ٢٩ ديسمبر ٢٠٢٣
اهلك عايزينك تبقي قوي .وهتبقي كدا لما تقدري تتعاملي مع الضغوطات دي.+حاولي متأجليش لأن التأجيل سئ وربنا انا جربتو ومحققتش الا كان نفسي فيه بس الحمدلله
تم النشر الخميس، ٢٨ ديسمبر ٢٠٢٣
شكرا بجد ع كلامك الجميل ده وحابه اقول اني فعلاا اتاثرت جدا بتشجيعك وحاسه ان ده اللي كان مطلوب نطفه من التشجيع والثقه واني شخص حر ومش مجرد اداه مفيش فايده منها تحاول تنفيذ الاوامر بجد شكرا من كل قلبي لحضرتك🥹🤍
تم النشر الأحد، ٣١ ديسمبر ٢٠٢٣
ربنا معاكي قربي من ربنا
تم النشر الجمعة، ٢٩ ديسمبر ٢٠٢٣
لعرض السؤال في فدني اضغط هنا