الشخص اللي ف حياتي بيسألني كتير جدا عن الاكل كل كلامه معايا اتغديتي ايه النهارده ولو قولتله يقولي ابقي صوريلي ووريني
احنا شبه مخطوبين والموضوع دا قفلني جدا لانه حرفيا عمره ماسألني عاملة اي دايما يقولي اتغديتي ايه النهارده
ممكن اقوله انا لسه مخلصة شغل اهو يقولي كلتي ايه النهارده وبجد الموضوع قافلنيييي جداااا ومدايقني ومبقيتش اطيق اتكلم معاه مع انهم ماشاء الله بياكلوا اكل كويس في بيتهم بس دايما دايما يسألني السؤال دا قبل مايسألني عن نفسي
وكمان كل كلامه معايا عن الاكل يعني ممكن نفضل ساعه نتكلم عن الاكل بس ومش بلاقيه بيسألني عن حياتي مثلا مع اني بلمحله انه يسأل ف حاجة معينه مثلا بكون عايزة احكيهاله بلاقيه مش بيسأل عني ولا عن شغلي ولا عن حياتي نهائي كل اسألته عن الاكل بس مع ان انا بحب الاكل جدااا واكيلة بس الموضوع دا مستفز وممل منه وحرفيا بقيت ازهق لدرجة لما اعرف انه هيرن اقفل موبايلي علشان بمل من الكلام دا ولما بقول لحد كدا بيقول عادي واخد وبيحب الاكل بس ياجماعه مش للدرجادي انا معتش طايقة اتكلم من كتير ماحنا مش ورانا حاجة طول كلامنا الا اتغديتي اي النهارده وصوريلي
انا نفسي يسألني عني وعن حياتي وعن صحتي واحوالي مبيعملش كدا انا دايما ال بسأل وبكون عندي فضول اعرف كل حاجة في حياتي لدرجة لو مسألتش بنفضل ممكن ٣ دقايق ف المكالمة ساكتين لحد ماافتح موضوع تاني واسأل عليه
احنا هناخد الموضوع يعني مش من المشكله الاساسيه بس لازم اقول لك على النقطه دي قبل اي حاجه لو هو شخص انت بتتعرفي عليه وشبه مخطوبين ولسه يعني اهلك ما يعرفوش حاجه عن الموضوع فبلاش الاتجاه ده لو انتم بتتعرفوا عن طريق الاهل وفي زي قرايه فاتحه يعني تمام اوكي نتكلم بقى. مساله ان هو تركيزه على موضوع واحد فقط في هنا حاجه من الاتنين يا اما هو شخص في الاساس غير متكلم ما بيعرف يتكلم عن كل الحاجات اللي في حياه الحاجه اللي هو فاكر ان دي مهمه عندك قوي وانت اكيله وبتحبي الاكل فهي اكثر حاجه بيتكلم معاكي فيها وبقيت المواضيع ما بيعرفش يتناقش فيها. لانه غير متكلم ده احتمال لو هو متكلم عادي جدا وما فيش اي مشاكل وبيتكلم مع الناس عادي او ما بيكون موجود في اييي قاعده يعني بيتكلم مع الناس من غير اي مشاكل او بتحس ان هو شخص صامت يعني فتابع يبقى دي نقطه تانيه يبقى هو الموضوع ده اكتر موضوع عنده شغال فيه اصلا او هو حاسس ان انت هتملي له الشغفت على الموضوع ده اللي هو ما بيعرفش يتكلم فيه ما حد فلذلك بيستغل كلامه معك وبيتكلموا معاكي. بعد ما قعدنا ندور على التفسير ويا ترى الشخص ده كده ليه نيجي للنقطه الاهم اذا كان الشخص ده هيفضل بالشكل ده طول الوقت انت هتقدري ترتبطي به ان اللي انت وصفتيه واضح ان الموضوع التقيل عليك جدا جدا جدا. ضروري تقفي عند النقطه دي وتوضحي للشخص ان دي نقطه بتمنعك من انك تكوني حابه انك تكملي معه في موضوع الارتباط او الجواز علشان كده هنبدا ندخل في ازمه انه احتياجاتي مش بيسيدها الطرف الاخر ندخل القصص احنا في غنى عنها فلازم النقط دي تكون واضحه جدا بينك وما بينه ان انت محتاج ايه في الجواز وانا محتاجه ايه في الجواز انا محتاجه شخص يعمل معايا واحد اتنين تلاته هو يقول انا محتاج البني ادمه اللي معايا تشاركني في واحد اتنين تلاته او تقدم لي واحد اتنين تلاته وهكذا ده بخلاف طبعا الحاجات اللي هي اساسيه يعني لكل الناس متوفقه عليها كل شخص بقى بيكون عنده حاجات مختلفه هو محتاج ان هو بالجواز يعني الجواز يوفرها له محتاجين تكلموا ده بشكل واضح جدا وصريح علشان وضع يعيش على نفسك وقت وما تحطيش نفسك في تفاصيل مرهقه زي ما انت بتقولي يعني
تم النشر السبت، ٢٥ مايو ٢٠٢٤
بصى اول حاجة لو اهلك ميعرفوش يبقى ابعدى لان العلاقة دى بتبقا نهايتها وحشة لازم تقعدى مع نفسك تشوفى مواصفات الشخص إلى عاوزة تكملى معاه حياتك ممكن يكون هو بيحب الاكل علشان كدا بيكلم كتير بيعرفك هو بيحب اى اوكدا لازم تحددي انتى مستريحه للشخص دة ولا لا علشان الوقت ميجريش وتلاقي نفسك مش متقبلاه
تم النشر السبت، ٢٥ مايو ٢٠٢٤
المرة الجاية اسأليه كلت ايه😭😂و خليه يصور و كل مرة اعملي كدة اسأليه قبل ما يسألك و متديهوش فرصة اصلا يسألك اول ما يقول هو اكل ايه جاوبي علي طول انتو عندكوا ايه و كدة اقفلي النقاش شوفي تاني هيكلمك في موضوع تاني ولا هيعمل ايه او ممكن لو سألك و انتي عندك موضوع عايزة تحكيه قولي بقولك بعدين دلوقتي في حاجة مهمة عايزة احكيها او حتى لو كلام عادي لو سألك قوليله بنشوف بعدين دلوقتي نتكلم في حاجة تانية و خليه هو اللي يفتح الموضوع و أكيد بعيداً عن الإكل🙂😂ولو يوم جاب اخرك قولي له انا صائمة تطوع معرفش 😂 المهم قولي اي حاجة اصري عليه يتكلم هو ، ربنا يعينك .
تم النشر الثلاثاء، ٢٨ مايو ٢٠٢٤
لعرض السؤال في فدني اضغط هنا