وعليكم السلام ورحمه الله وبركاته. انت تعملي ايه فا مش هيكون قدامك غير انك تقدمي النصيحه اللي انت شايفاها او اللي هتاخديها يعني من اراء الناس هنا. لكن خليني ناقش معاكي الموضوع شويه. اخوك الصغير التصرف اللي هو عمله ده كان ممكن يغير شيء لو متعملش ولا لا بما ان يعني اخوكي الصغير مش للدرجه دي شايف البنت من الاول اللي هي المناسبه دي ممكن يكون بس يعني بيخطب لمجرد الخطوبه يعني. فكان الافضل فعلا ان هو يعني بلاش يعني كان بلاش البنت دي يعني بالذات ولكن هنرجع نقول زي ما انتم رديتوا على اخوك الكبير انه كل شيء قسمه ونصيب انه فعلا البنت شايفه اخوكي الكبير بالنسبه لها اخ ومش فيه الشخص اللي ممكن ترتبط بيه ولكن شافت انه الاخ الاصغر انسب ليها. فدي حاجه عاديه يعني انا مقدرش الومها هي في حاجه ولكن خلينا نقول ان ما كانش افضل وضع انه يكون. اييي موجود دلوقتي ارتباط ما بين الاخ الصغير بنت واخوه الكبير اصلا كان معجب بيها يعني الموضوع مش لطيف وهيكون فيه حساسيه كبيره جدا في التعامل ما بين الحقيقه. طالما اخوكي لسه واقف قدام الموقف نتخطاهوش بشكل كبير ومش مثلا فعلا بقى خاطب ومندمج في الحياه او تتزوج فنقدر نقول ان هو خلاص تخطى الموضوع واعداءنا. كمان. اخوك الكبير ليه عمل كده وراح علشان يتقدم لواحده هي مش مواصفاته لانه هو صب غضبه على مواصفاته هو كان شايف انه دي بنت فيها المواصفات هو يعني محتاج بس احتواء منكم الموضوع بان انتوا تخليكوا معاه. علشان يعدي المرحله دي وممكن بس تاجله معاه فكره ان هو يروح يخطب البنت اللي هو اصلا كان ينتقدها دي شويه لحد ما بس ثوره الغضب دي تخلص من جواه فيقدر يفكر تاني.التدين والاخلاق فهو كان متوقع انه هي واحد زيه مثلا هو ممكن يكون برده ملتزم بالاخلاق والتدين ان هي ما ترفضهوش ولكن هي رفضت فهو دلوقتي عنده تشكك اصلا في المعايير اللي حاططها وقرر يصب بغضبه ده على المعايير اللي هو حاططها وقال انه خلاص بقى المعايير دي مش هي الاساس ان هو يتاكد انه بيرتبط بحد صح فبعد نفسه عن المعايير. واقرر يشوف اقرب اقرب حد في المحيط بتاعكم. ويحاول يرتبط بيه خلاص ويشوف الموضوع من اتجاه ثاني.
تم النشر الجمعة، ٥ يوليو ٢٠٢٤
وعليكم السلام، الموضوع معقد شوية بس خليني أحاول أديك شوية نصائح تساعدك. أولاً من ناحية أخوك الكبير، طبيعي جدًا إنه يشعر بزعل ومشاعر مختلطة في الموقف ده. البنت اللي كان معجب بيها وافقت على أخوه الأصغر، ودي حاجة ما تتقبليش بسهولة، لكن زي ما قلتي، كل حاجة قسمة ونصيب. كلمي أخوك بهدوء وحاولي تفهميه إنه ميّجيش على نفسه ويخسر أخوه بسبب حاجة هو ملوش ذنب فيها. يمكن تشجعيه يطلع مع أصحابه أو يعمل أنشطة تانية تخرجه من الحالة دي. ثانياً بخصوص أخوك الصغير، لازم تسألي نفسك إذا كان مقتنع فعلاً بالبنت دي ولا بس بيحاول يهرب من حالة الرفض اللي مر بيها. أحياناً الواحد يتصرف باندفاع بعد ما يمر بتجارب رفض متتالية. لا تضغطي عليه بس ممكن تكلميه بشكل لطيف وتحاولي تستفسري أكتر عن مشاعره الحقيقية، وتأكدي إنه متأكد من قراره مش مجرد بيحاول يثبت حاجة لنفسه أو لحد تاني. وأخيراً، بخصوص أم البنت وأمك، بما إن العلاقة بينهم اتحسنت دلوقتي، استغلي الفرصة دي لتقوية العلاقة أكتر، لأن ده ممكن يخفف شوية من التوتر الموجود بين الأطراف المختلفة في الموقف. وأوعى تنسي أخواتك في النهاية، هما اللي بيكونوا جنبك في وقت الشدة، فحاولي بقدر الإمكان إنك تحفظي على الروابط بينهم وتخففي من أي توتر. لو احتجتي أي مساعدة تانية، أنا هنا دايمًا عشان أسمعك وأساعدك.
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا