انا بعاني من التنمر علي جسمي بقالي 9 سنين بعاني من كلام الناس وانتقادهم ليا عشان انا مش تخينة للاسف انا رفيعة جدا وزني اقل م 40 بكتير وانا عندي 19 سنة خدت انتقادات كتير م صحاب ماما وصحاب اخواتي وم صحابي شخصيا واهل صحابي وم الناس الغريبة ف كل مكان عانيت كتير بمعني الكلمة فيت ام واحدة صحبتي دي اكتر واحدة اذتني بكلامها كل اما تشوفني تقولي انتي اللي مصبراني ع بنتي عشان صحبتي دي رفيعة برضو بس جسمها حلو مش زيي حتي اني مبقتش اروح عندها بسبب امها ومرات اخوها بس هي كانت فشكلت خطوبتها واضطريت اروحلها عشان كانت زعلانة فوقتها قالت بصي خسيت وبقيت ازاي امها قالتلها خليكي لحد ما تبقي زيها عليا يعني وكلام م ده كتير منها وم غيرها انا مش قادرة انسي واسامحها ولا قادرة اسامح اي حد اذاني بكلامه انا حرفيا بقيت بكرهني وبكره جسمي بقيت بشوف كل اللبس وحش عليا ومبقتش اتصور خالص حتي اما بروح الكلية بحي اقعد ف مكان فاضي مفهوش ناس كتير عشان بتكسف اقعد ف تجمعات عشان محدش يبصلي ويتكلم انا ملامحي صغيرة اوي فده بيخليهم يقولو عليا ف ابتدائي انا حتي الشخص اللي بحبه مكسوفه اقابله عشان خايفة معحبوش بؤغم انه كتير قال انه بيحبني لشخصيتي مش جسمي بس انا بتكشف م كل الناس ومش بحب انزل الشارع ولا اخرج انا اسفة اوي اوي اني طولت بس مش عارفة اقول ده لأي حد انا كل اللي عايزاه اني انسي واسامحهم عشان مش عايزة اشيل كره ف قلبي لحد وعايزة احبني واتقبلني
ملحوظة انا كشفت كتير وخدت علاجات كتير بس انا طبيعة جسمي كده وهرمونات جسمي كده واسفة تاني عشان طولت
اولا مفيش اسف احنا هنا بنساعد بعض عادي قال الله تعالى "و لقد خلقناكم في احسن تقويم" فكري دائما انك جميلة و ربنا مش بيخلق شخص وحش ابدا مهما كانت ملامحه + لازم تحبي نفسك حتى لو كنتي اي مهما حصل و في ناس تنمرت قوللهم و بكل برود "انا عاجبني نفسي"و متخليش حد يتكلم و اعرفي أن ربنا معاكي و اعرفي أن بتاخدي على صبرك ده حسانات بجانب الشخص اللي بتحبيه هو في يوم من الايام هيعرفك و يشوف شكلك ف بدل م تتعلقي بيه اكتر من كده خليه يشوف شكل جسمك و لو فضل يحبك ف يابختك بيه بجد و لو اتغير معاكي ف اتاكدي انه مش كويس و اولا هيا عمرها ماكانت ب الجسم ولا الكلام ده هيا ب الشخصية و ب التعامل و بالاحترام و ب التقدير فكري كويس هتعرفي انك جميلة عن ناس كتير ازاي ؟ فكري في الناس اللي حصلها مشكلة و مثلا (عينها اتصفت ، أو ناقصها دراع أو رجل ، و مشاكل كتير ) و طبعا مع احترامي ليهم ده قدرهم أنهم يكونوا كده مش بيديهم و نفس الكلام انت انك تكوني كده ف ده ربنا اللي مقدره ليكي و لازم ترضي و بالعكس تحبي نفسك و لو على الناس ف محدش بينفع حد والله و ركزي في حياتك و مستقبلك و متخليش حاجة تأثر فيكي انا اللي اسف بقى اني طولت عليكي 😂✨ + ربنا يجازي صبرك خير يارب 🤍✨
تم النشر الخميس، ٢٦ يناير ٢٠٢٣
اسفه ليكي لاي مشاعر سلبيه حسيتيها او من تنمر مريتي بيه ... انتي جميله ف كل احوالك وربنا خلقك ف احسن صوره وانتي قلتي جمله حلوه هم بيتنمروا عليا مش عشان انا تخينه يعني انتي عارفه ان الناس مش سايبه التخينه او الرفيعه ف حالهم وبيدوا احكام وكلام سلبي ومش بيفرق معاهم مشاعر حد كمان طبيعه الجسم الرفيع في ثقافات كتير جدا بتفضلها وكمان الجسم التخين في ثقافات بتعتبره مقياس للجمال ف هو متغير مش ثابت ودي حاجه لازم تكوني مقتنعه بيها ...وكمان دي ميزه حلوه جدا انك شكلك اصغر من سنك تخيلي لما تكوني٥٠سنه هتباني ف العشرين وقتها هتلاقي نفس الناس الي بتتنمر بتحسد ع كده لانها فعلا نعمه وميزه كمان ان جسمك هيفضل رفيع مع العمر مش هتتخني ومش هيتغير شكله بشكل سلبي بالعكس هتزيدي ف وقت من عمرك عادي بس هتكون زياده تديكي شكل مختلف يدل ع تغير عمرك ولو الست دي اتكلمت تاني ردي عليها بثبات والله الحمد لله اني كده لاني خايفه اتخن ومعرفش اتحكم ف وزني وباكل الي نفسي فيه وبلبس زي منا عايزه ومش بحتار ف المقاسات الكبيره ف الحمد لله اني كده ...اي حد يديكي تعلق ردي عليه بتقبلك لنفسك وهيسكت مع الوقت
تم النشر الجمعة، ٢٧ يناير ٢٠٢٣
لعرض السؤال في فدني اضغط هنا