ليه لما تحب بجد وتصون وتتقي ربنا ف اللي بتحبه وتحاول ترضيه...هو بقا يضمن وجودك ويمرمطك ويخذلك...ليه بقا ؟؟؟
عشان رعيت ربنا فيه بس نسيت تراعي ربنا في نفسك واهملتها و دوست عليها وطلما انت بتعامل نفسك وحش محدش هيتعامل معاك حلو
تم النشر الخميس، ١٥ ديسمبر ٢٠٢٢
علاقتنا بشكل عام مش بيحكمها قانون أو قواعد معينه .. وفي اسباب كتيره ممكن تكون سبب ف انتهاء أي علاقة. مش مهم هي انتهت ليه.. المهم إنها انتهت. نتعلم منها زي أي تجربة ف حياتنا ونتخطاها. لو سمحت ليك الفرصه انك تواجهها وتعرف منها الاسباب الحقيقية لانهائها علاقتكم عشان ترتاح اكتر اعمل كده .. مفيش فرصه لده خلاص .. تجاوزها واشغل وقتك وفكرك بحاجات تانيه وواحده واحده مش هتبقى شاغله بالك زي دلوقتي. حاول متعممش اي موقف تاخده من العلاقة دي على علاقاتك كلها .. يعني متدخلش ف علاقة مع بنت تانيه بناءا على تصورك عن البنت اللي كانت معاك وتعاملها معامله هي متستاهلهاش. فكر كويس لما تكون عايز تدخل ف علاقة مع حد وادخل البيت من بابه على طول .. هتكون متطمنين لبعض وواثقين ف بعض اكتر وفي حالة ان العلاقة هتنتهي لقدر الله ففرصة انها تنتهي بشكل حضاري هتكون اكبر وهتكون فاهم قرار الطرف التاني او هتكونوا متفقين عليه. بتمنالك التوفيق.
تم النشر الثلاثاء، ١٣ ديسمبر ٢٠٢٢
اهلا ومرحبا بك. هو ليه احنا بنقول يضمنك؟ طيب وفيها ايه لما يضمنك؟ يعني فيها ايه لما شخصين يبقوا بيحبوا بعض ويضمنوا وجود بعض في حياتهم، ايه المشكلة! المشكلة بقى، ف أن اساسا الشخص التاني مكانش من الاول جدير بأنه يحبك اساسا، أو جدير بحبك ليه. مكانش وجوده خير من أساسه. طيب نيجي تعكس الموضوع، هل لو انت اللي كنت ضامن وجوده، هل هتسيبه؟ الوضع هنا مش معتمد على فكرة الضمان، معتمد على فكرة الشخص نفسه، هل بيحبك ولا لا، هل شخص سوي ولا لا؟
تم النشر الثلاثاء، ١٣ ديسمبر ٢٠٢٢
ربنا قالها فى كتابه الكريم وتحدث عن طبيعة الخلق ...والمعنى ان خلق الانسان جهولا جهل الانسان وتكبره بيخليه غافل عن انه يقدر اللى فى ايده لانه بينسي انه ممكن يروح منه . وفى سبب تانى وهو حكمة ربنا ان ده مش الخير لينا فبنواجه الاسباب اللى تخلينا نصدق ده
تم النشر الثلاثاء، ١٣ ديسمبر ٢٠٢٢
انت اللي صح وتعرف الاصول ومؤتمن على اسرارك واسرار غيرك لكن للاسف هي لا .. الموضوع حاليا جديد فطبيعي تفضل متضايق وتفكر وتسال نفسك ليه بس نصيحتي ليك تدي للموضوع وقته في الزعل وانشغل في شغلك ومع الوقت الموضوع والاسئلة هيخفوا
تم النشر الخميس، ١٥ ديسمبر ٢٠٢٢
يبقى انت عرفت السبب وهو للاسف كانت بتستغلك يبقى هدفها كان سئ وانت كان هدفك كويس .. يمكن دلوقتي مش هتدرك دة وهتسال نفسك ليه بالرغم من اني شخص كويس عملت فيا كدة واختارته هو لكن قدام هتفهم اد ايه كان تصرفها وحش جدا وانها مكانتش تستاهل انها تكمل معاك او انك كنت تستهلك نفسك في التفكير
تم النشر الأربعاء، ١٤ ديسمبر ٢٠٢٢
للاسف دي بتكون طبيعة الشخص نفسه مش مشكلة فيك خالص .. التفكير في اجابة السؤال هيتعبك لان فيه ناس بتعمل كدة بدون سبب المطلوب منك انك تقرر هتكمل ولا تمشي ولو هتكمل هتعمل ايه وهتحدد تعاملاتك ازاي
تم النشر الثلاثاء، ١٣ ديسمبر ٢٠٢٢
انا فعلا نسيته ومش بفكر فيها نهاي وكرهته خالص لدرجة اني مش عايز اشوفه حتي لو صدفه..
تم النشر الخميس، ١٥ ديسمبر ٢٠٢٢
انتي عارفه اي المشكله ان انا زعلان ع اللي هي عملته انه حكيت كل اللي حصل بينا والمفروض محدش يعرفه غيري انا وهي وانا من النوع اللي مبحبش اعمل حاجه وحد يعرفه حتي لو نهيت العلاقه لساني بيتقطع عنه وانه كانت مفهماني انه ندمانه عن العلاقة الاولي وف الاخر بعد مرور سنتين مع بعض أو اكتر كمان رجعت للشخص ده تان
تم النشر الأربعاء، ١٤ ديسمبر ٢٠٢٢
اللي حصل انه طلبت تنهي العلاقة بسبب عائلي وافقت وقولت لحد الأمور تهدا وفجاه لقيته ف علاقة تانيه خالص وحكيت كل حاجه للشخص ده عن العلاقه بتعتنا وانو الشخص ده كانت ليها علاقه معاه قبل كده وهي كانت بتتعافي من العلاقه دي بيا انا
تم النشر الثلاثاء، ١٣ ديسمبر ٢٠٢٢
لعرض السؤال في فدني اضغط هنا