اولا السؤال منقسم قسمين جزء ليا و جزء ل زوجتي . انا وزني ٨٣ كيلو وطولي ١٧٩ سم ممكن اعرف ازاي اخس وازاي العب جيم مع تغذية سليمة وازاي احسب احتياجي للبروتين اليومي .. زوجتي ١٦٨ سم ووزن ٨٢ كيلو كل الدهون مركزة ف البطن ممكن اعرف ايه الطرق السليمة لتخسيس البطن وحرق الدهون بالنسبة لها
اعمل وزن و تحديد كمية دهون و عضلات ،وكابتن الجيم هيحطلك نظام اكل وتمارين يتماشي معاك
تم النشر الأربعاء، ١٢ يوليو ٢٠٢٣
بالنسبه لحضرتك فحسب البيانات المكتوبه وزنك يعتبر مثالي مش محتاج تخسيس اصلا الا اذا كان حضرتك عندك مشكله في تناسق شكل الجسم فده بيحتاج رياضه بالنسبه لزوجة حضرتك 75% لازم تضبط اكلها وانصحها جدا جدا تتبع نظام اللقيمات لانه مشبع جدا ومفيش فيه اي ممنوعات ولا متطلبات خاصه بتاكل من اكل البيت العادي بعد كده هتحتاج تعمل رياضه اما تروح جيم لحد ماخصص وفاهم ويتابع معاها او تعمل من فيديوهات كتير عاليوتيوب بتستهدف عضلات البطن تحديدا وتمارينها سهله مش صعبه. وفي خيار تاني انها تتمشى كل يوم ساعه او نص ساعه اهم نقطه انها لا تستعجل النتيجه ابدا ولا تراقب وزنها عالميزان ولا اي حاجه خالص .النتيجه هتظهر لوحدها في لبسها وفي وجع الرجلين والظهر وخلافه
تم النشر الأربعاء، ١٢ يوليو ٢٠٢٣
أهلاً، لخسارة الوزن بشكل صحي وتحقيق هدفك، أنصح بالآتي: بالنسبة لك: - اتبع نظام غذائي متوازن يحتوي على البروتينات والكربوهيدرات الصحية والدهون الصحية بالكميات المناسبة. - تناول نحو 1.6-2 غرام من البروتين لكل كيلوغرام من وزن الجسم يومياً. في حالتك تحتاج إلى حوالي 130-165 غرام بروتين يوميًا. - مارس التمارين الرياضية الهوائية كالمشي السريع والجري وركوب الدراجة لمدة 30-45 دقيقة يوميًا على الأقل. - قم بتمارين المقاومة وتمارين تقوية العضلات مثل الأثقال 2-3 مرات أسبوعيًا. - حاول النوم لمدة 7-8 ساعات يوميًا. بالنسبة لزوجتك: - اتبع نظام غذائي منخفض السعرات الحرارية يركز على البروتينات والكربوهيدرات الصحية. تجنب الأطعمة المقلية والمصنعة. - مارس تمارين حرق الدهون مثل المشي السريع والجري والتمارين الهوائية لمدة 45-60 دقيقة يوميًا. - ركزي على تمارين تستهدف منطقة البطن مثل السرج، المتدات، تمارين الكرانش، 3-4 مرات أسبوعيًا. - شرب الماء بكثرة والحصول على قسط كافٍ من النوم. - تجنبي الإجهاد والتوتر قدر الإمكان. أتمنى أن تكون هذه النصائح مفيدة لك ولزوجتك. يجب الالتزام والمثابرة لتحقيق النتائج المرجوة. أطيب التمنيات!
تم النشر الأربعاء، ١٢ يوليو ٢٠٢٣
بالنسبة لحضرتك فيه نظامين اسمهم الكيتو واللوكارب. + الصيام المتقطع بيعتمدوا هما الاتنين على تقليل النشويات. الكيتو اصعب من اللوكارب شوية لكن المسموح فيه قليل جدا. الصيام بقى من اكتر الحاجات اللي حرفيا ممكن تساعدك جداا، الصيام بيقلل الشراهة، بيساعدك على التركيز، بيخليك مش (جعان) علشان تعرف اكتر عن النظامين دول .. اكتر حد شوفته فعلا ممتاز هي د. وعد امين وديه القناة بتاعتها على اليوتيوب https://youtube.com/@DrWaadAminFitnessNutritionist كمان عندها متابعة اونلاين على ابليكشن اسمه ويلنس وده الرابط بتاعه راجع "ويلنس: تغذية صحية ولياقة بدنية" https://play.google.com/store/apps/details?id=com.welnes اما زوجتك .. الحالة ديه بيسموها اسكيني فات، يعني يبقى الشخص رفيع وعنده بطن، والبطن أيضًا من علامات أنه يكون فيه مقاومة انسولين .. وفيه علامات أخرى بيكون فيه غمقان في الرقبة. والزوائد الجلدية اللي في الرقبة. كمان بيبقى فيه غمقان في الصوابع. لو تعمل تحاليل طبعا يكون أفضل. كمان ممكن تخليها تختبر ده من البيت لو هي مش عايزة تعمل تحاليل، تقيس البطن بمقاس الخياطة العادي من عند السرة .. وبعد كده تقسمه على الطول بتاعها، لو طلع اكتر من النص يبقى فيه مقاومة انسولين. لو طلع أقل من النص يبقى مفيش مقاومة. ولو على الدايت .. أنا مش بعترف حقيقي بنظام تقليل السعرات .. وكل اللي انت عايزه ولكن بنسب قليلة .. النظام ده اثبت فشله مع ناس كتير. لازم علشان البطن تنزل يبقى تقلل النشويات. ل أما تعملي لوكارب أو كيتو + الصيام المتقطع على أي حال. الصيام هيساعدها جدا .. طول ما هي بتصوم .. جسمها هيحتاج لطاقة علشان يقدر أنه يعيش وياخد طاقة .. هيضطر ساعتها أنه يتجه للدهون المخزنة في الجسم. وهو ده المهم.
تم النشر الجمعة، ١٤ يوليو ٢٠٢٣
لعرض السؤال في فدني اضغط هنا