انا بقيت بسمع صوت افكاري اكتر من العادي وبتفاعل معاها ف الحياة اليوميه يعني لقيت نفسي برد على افكاري بصوت اكتر من مرة بعدين كنت نايمه في يوم ولقيت نفسي بتكلم مع صاحبتي فقولتلها (انا بقول ايه؟) وبعدين رجعت تاني ف حالة من عدم الوعي بعدين لما صحيت قالتلي ان انا كنت بكلمها كلام الى حد ما مش مفهوم وانا فاتحه عيني بعدين استوعبت فقولتلها انا قولت ايه؟ وبعدين قولتلها خدي بالك ( انا مش فاكرة ده ) وبعدين نمت تاني
السلام عليكم. بسيطه طالما بدات الافكار تكون. بتمثل نوع من انواع العيب على المخ. هيبدا التصرف فيها يكون بشكل عشوائي. هيحاول المخ يفرغها باي شكل فانا مش هسيب المخ يجرب بشكل عشوائي لازم يكون انت عندك التحكم في انك تتعاملي مع افكارك فواضح ان عندك كم افكار كبير كتير. طريقه التفريغ مهمه جدا جدا اختاري طريقه التفريغ اللي تناسبك حتى لو انت التفريغ اللي بتحبيه بالكلام لان واضح انك مش بتشاركي افكارك الكتيره دي مع حد فلذلك هي محبوسه. انت حابه تتكلمي فيها فانا انصحك انك تجربي طريقه الكلام انك تفتحي فويس كده ريكورد على الموبايل ويفضل محفوظ عندك وتتكلمي كانك كان افكارك دي زي ما انت بتقولي انت سمعاه بتتكلم وتطلعيها لبره اللي هو انا بفكر في كذا كذا كذا كذا انا عندي فكره دلوقتي بتقول واحد اتنين تلاته اربعه فانا ردي عليها كذا كذا فالفكره بتقول كذا امشي مع الموضوع بس طلعيه من نفسك بصوت عالي ما تسيبيهوش بيتردد جوه مخك لانه طبعا اكتر وقت. بيحاول بقى المخ يفرغ الضغط اللي عليه هو وقت النوم فانت لما هتسيبيه الوقت نوم هيحصل الحاجه اللي زي ما انت قلت كده بالظبط انك هتدخلي في مرحله من النوم يحاول مخي يخرج فيها الافكار وانت تحاولي تتكلمي وتناقشي مع نفسك افكارك وبعد كده تلاقي نفسك رايحه ما بين النوم والصحيان. اوكي ميرسي طريقه للتفريغ او الافضل لك انت تكون كلاميه بصوت انت تسمعيه علشان الموضوع يكون افضل ان شاء الله.
تم النشر الثلاثاء، ٢٨ مايو ٢٠٢٤
من الواضح انه تجاربك مع النوم فيها شوية غرابة. انا مش متخصصة في علم النفس لكن اعتقد انه ممكن تكون عندك حالة من التفكير المفرط او القلق الزائد. ممكن تجربي تمارين الاسترخاء قبل النوم وتحاولي ترتيب افكارك قبل ما تنامي. ايضا، سجلي اي فكرة مزعجة تمر بذهنك وحاولي تعالجيها في وقت ثاني وراجعي طبيبك لو استمرت المشكلة. انا هنا لاي استفسار او مشورة اخرى تتعلق بذلك.
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا